| ᠡᠴᠢᠨᠡ ᠬᠤᠯᠠ ᠶᠢᠨ ᠲᠡᠷᠲᠡᠭᠡ ᠠᠴᠠ ᠤᠷᠲᠤᠨ ᠤ ᠲᠠᠭᠤᠤ ᠲᠤᠭᠤᠯᠲᠠᠵᠤ᠂ ᠥᠨᠥᠳᠥᠷ ᠤᠨ ᠬᠠᠩᠬᠢᠨ ᠠᠴᠠ ︽ᠬᠥᠷᠥ ᠲᠠᠭᠤᠤ︾ ᠴᠤᠤᠷᠢᠶᠠᠲᠤᠨᠠ᠃ | | ᠰᠢᠷᠭᠠᠯ ᠨᠠᠮᠤᠷ ᠤᠨ ᠶᠢᠰᠦᠳᠦᠭᠡᠷ ᠰᠠᠷᠠ ᠶᠢᠨ ᠡᠬᠢ ᠪᠠᠷ ᠥᠪᠥᠷ ᠮᠣᠩᠭᠤᠯ ᠤᠨ ᠤᠷᠲᠤᠰ ᠬᠤᠲᠠ ᠶᠢᠨ ᠠᠩᠬᠠᠲᠤᠭᠠᠷ ᠬᠤᠭᠤᠴᠠᠭᠠᠨ ᠤ ︽ ᠤᠷᠲᠤᠰ ᠬᠥᠷᠥ | ᠲᠠᠭᠤᠤ ᠶᠢᠨ ᠤᠷᠠᠯᠢᠭ ᠤᠨ ᠴᠢᠭᠤᠯᠭᠠᠨ︾ ᠬᠠᠩᠬᠢᠨ ᠬᠤᠰᠢᠭᠤᠨ ᠳᠤ ᠬᠥᠭᠵᠢᠶᠡᠨᠲᠡᠢ ᠶᠠᠪᠤᠭᠲᠠᠵᠤ᠂ 37 ᠲᠤᠭᠤᠶᠢᠯᠠᠩ ᠤᠨ ᠬᠢᠨ ᠬᠥᠷᠥ ᠲᠠᠭᠤᠤ ᠶᠢᠨ ᠬᠠᠮᠲᠤ | ᠶᠢᠨ ᠳᠠᠭᠤᠤ ᠶᠢᠨ ᠤᠷᠤᠯᠲᠤᠭᠠᠨ ︵ᠢᠵᠠᠭᠤᠷ ᠮᠠᠶ᠋ᠢᠭ ᠢᠶᠠᠷ ᠲᠠᠭᠤᠯᠠᠬᠤ︶ ᠪᠣᠯᠣᠨ ︽ ᠤᠷᠲᠤᠰ ᠬᠥᠷᠥ ᠲᠠᠭᠤᠤ ᠶᠢᠨ ᠰᠢᠨᠡ ᠪᠥᠲᠥᠬᠡᠯ ᠤᠨ ᠱᠠᠩᠨᠠᠯᠲᠤ | ᠤᠷᠤᠯᠲᠤᠭᠠᠨ︾ ︵ᠰᠢᠨᠡ ᠮᠠᠶ᠋ᠢᠭ ᠢᠶᠠᠷ ᠲᠠᠭᠤᠯᠠᠬᠤ︶ ᠳᠤ ᠠᠪᠢᠶᠠᠰ ᠢᠶᠠᠨ ᠰᠣᠷᠢᠵᠤ᠂ ᠶᠡᠷᠡᠨ ᠨᠠᠰᠤᠲᠠᠢ ᠪᠤᠭᠤᠯᠴᠤᠳ ᠠᠴᠠ ᠶᠢᠰᠥᠨ ᠨᠠᠰᠤᠲᠠᠢ ᠪᠠᠭᠠᠴᠤᠳ | ᠬᠥᠷᠲᠡᠯᠡ ᠢᠲᠡᠪᠬᠢᠯᠡᠨ ᠤᠷᠤᠯᠴᠠᠭᠰᠠᠨ ᠠᠴᠠ ᠭᠠᠲᠠᠨᠠ ᠪᠠᠶᠠᠠᠨᠠᠭᠤᠷ ᠬᠤᠲᠠ ᠠᠴᠠ ᠭᠤᠷᠪᠠᠨ ᠲᠤᠭᠤᠶᠢᠯᠠᠩ ᠬᠦᠷᠦᠯᠴᠡᠨ ᠢᠷᠠᠵᠤ᠂ ᠤᠷᠤᠯᠳᠤᠭᠠᠨ ᠳᠤ | ᠤᠷᠤᠯᠴᠠᠭᠰᠠᠨ ᠬᠥᠮᠥᠨ ᠤ ᠲᠤᠭᠠ ᠮᠢᠩᠭᠠ ᠶᠢ ᠲᠠᠪᠠᠭᠰᠠᠨ ᠪᠠᠶᠢᠨᠠ᠃ ᠡᠭᠦᠨ ᠤ ᠵᠡᠷᠭᠡ ᠪᠠᠷ ᠪᠠᠰᠠ ᠬᠥᠷᠥ ᠲᠠᠭᠤᠤ ᠶᠢᠨ ᠪᠡᠶᠡᠲᠦ ᠪᠤᠰᠤ ᠰᠤᠶᠤᠯ ᠤᠨ ᠥᠪ ᠤᠨ | ᠦᠵᠡᠭᠦᠯᠦᠯᠭᠡ᠂ ᠮᠢᠩᠭᠠᠨ ᠬᠥᠮᠥᠨ ᠤ ᠬᠥᠷᠥ ᠲᠠᠭᠤᠤ ᠶᠢᠨ ᠦᠵᠡᠭᠦᠯᠦᠯᠭᠡ᠂ ᠰᠤᠲᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠵᠡᠷᠭᠡ ᠠᠵᠢᠯᠯᠠᠭᠠ ᠨᠤᠭᠤᠳ ᠢ ᠥᠷᠨᠢᠭᠦᠯᠵᠦ᠂ | ᠳᠡᠯᠭᠡᠷ ᠪᠠᠶᠠᠷ ᠪᠣᠯᠵᠤ ᠬᠤᠯᠠ ᠤᠶᠢᠷᠠ ᠶᠢᠨ ᠬᠥᠮᠥᠰ ᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠭᠰᠠᠨ ᠪᠠᠶᠢᠨᠠ᠃ | ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠲᠥᠮᠡᠨ ᠬᠠᠮᠤᠭ ᠮᠤᠩᠭᠤᠯ ᠤᠨ ︽ᠠᠮᠢᠲᠤ ᠴᠢᠯᠠᠭᠤᠵᠢᠮᠠᠯ︾ ᠪᠤᠯᠤᠭᠰᠠᠨ ︽ᠬᠥᠷᠥ ᠲᠠᠭᠤᠤ︾ ᠪᠠᠨ ᠬᠠᠶᠢᠷᠠᠯᠠᠨ | ᠬᠠᠮᠠᠭᠠᠯᠠᠵᠤ᠂ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠲᠠᠯᠠ ᠪᠠᠷ ᠲᠤᠪᠤᠶᠢᠮᠠ ᠥᠢᠯᠡᠲᠥᠯ ᠪᠠᠳᠠᠷᠠᠭᠤᠯᠤᠯᠠ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠨᠠ᠃ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠨᠠᠶᠠᠭᠠᠳ | ᠤᠨ ᠠᠴᠠ ᠡᠬᠢᠯᠡᠨ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠬᠥᠷᠥᠪᠠᠨᠽᠠᠷ ᠠᠷᠠᠳ ᠤᠨ ᠲᠤᠮᠲᠠ ᠠᠮᠠ ᠲᠠᠮᠵᠢᠨ ᠲᠠᠭᠤᠯᠠᠭᠲᠠᠭᠰᠠᠭᠠᠷ ᠢᠷᠡᠭᠰᠡᠨ ︽ᠬᠥᠷᠥ ᠲᠠᠭᠤᠤ︾ ᠨᠤᠭᠤᠳ | ᠢ ᠡᠮᠬᠢᠯᠡᠨ ᠴᠤᠭᠯᠠᠭᠤᠯᠵᠤ᠂ ᠬᠠᠲᠠᠭᠠᠯᠠᠨ ᠦᠯᠡᠳᠡᠭᠡᠵᠦ ᠥᠪᠯᠡᠨ ᠤᠯᠠᠮᠵᠢᠯᠠᠬᠤ ᠳᠤ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠪᠠᠶᠢᠲᠠᠭ᠃ ᠲᠡᠬᠦᠨ ᠤ ᠲᠠᠷᠠᠭᠠ ᠮᠥᠡᠭᠬᠡᠲᠤᠶᠠᠭᠠ ᠨᠠᠷ | ᠠᠷᠠᠳ ᠤᠨ ᠲᠤᠮᠲᠠ ᠲᠠᠭᠤᠯᠠᠭᠲᠠᠭᠰᠠᠭᠠᠷ ᠢᠷᠡᠭᠰᠡᠨ ︽ᠬᠥᠷᠥ ᠲᠠᠭᠤᠤ︾ ᠶᠢ ᠲᠠᠬᠢᠨᠲᠠ ᠪᠥᠷᠢᠳᠬᠡᠨ ᠴᠤᠭᠯᠠᠭᠤᠯᠵᠤ ᠡᠮᠬᠢᠳᠬᠡᠨ ᠰᠢᠩᠬᠡᠬᠡᠵᠤ ᠬᠤᠶᠢᠴᠢᠰ ᠲᠠᠭᠠᠨ | ᠥᠪᠯᠡᠨ ᠥᠯᠡᠲᠡᠬᠡᠭᠰᠡᠨ ᠪᠠᠶᠢᠨᠠ᠃ ᠤᠷᠴᠢᠮ ᠤᠨ ᠵᠢᠯ ᠤᠳ ᠲᠤ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠲᠤᠮᠲᠠ ︽ᠬᠥᠷᠥ ᠲᠠᠭᠤᠤ ᠶᠢᠨ ᠨᠡᠶᠢᠬᠡᠮᠯᠢᠭ ︾᠂ ︽ | ᠬᠥᠷᠥ ᠲᠠᠭᠤᠤ ᠶᠢᠨ ᠪᠥᠯᠬᠦᠮ︾᠂ ︽ᠬᠥᠷᠥ ᠲᠠᠭᠤᠤ ᠶᠢᠨ ᠲᠤᠭᠤᠶᠢᠯᠠᠩ︾ ᠵᠡᠷᠭᠡ ︽ᠬᠥᠷᠥ ᠲᠠᠭᠤᠤ︾ ᠪᠠᠨ ᠤᠯᠠᠮᠵᠢᠯᠠᠨ ᠪᠠᠲᠠᠷᠠᠭᠤᠯᠬᠤ᠂ ᠵᠠᠯᠭᠠᠮᠵᠢᠯᠠᠨ | ᠥᠪᠯᠡᠬᠦ ᠬᠠᠮᠲᠤ ᠨᠡᠶᠢᠲᠡ ᠪᠠ ᠬᠤᠪᠢ ᠬᠥᠮᠥᠨ ᠣᠯᠠᠰᠢᠷᠠᠵᠤ᠂ ᠬᠠᠩᠬᠢᠨ ᠤ ᠬᠢᠨ ︽ᠬᠥᠷᠥ ᠲᠠᠭᠤᠤ︾ ᠶᠢ ᠤᠷᠤᠨ ᠲᠠᠶᠠᠭᠠᠷ᠂ ᠤᠯᠤᠰ ᠲᠠᠶᠠᠭᠠᠷ᠂ ᠴᠢᠨᠠᠭᠰᠢᠯᠠᠪᠠᠯ | ᠳᠡᠯᠡᠬᠡᠢ ᠲᠠᠶᠠᠭᠠᠷ ᠲᠤ ᠳᠠᠭᠤᠯᠠᠵᠤ ᠣᠶᠢᠯᠠᠭᠠᠵᠤ ᠮᠡᠳᠡᠷᠡᠭᠦᠯᠵᠦ ᠢᠷᠠᠵᠠᠢ᠃ 2018 ᠤᠨ ᠳᠤ ᠬᠠᠩᠬᠢᠨ ᠤ ᠬᠥᠷᠥ ᠲᠠᠭᠤᠤ ᠶᠢᠨ ᠨᠡᠶᠢᠬᠡᠮᠯᠢᠭ ᠤᠷᠢᠯᠭᠠ ᠪᠠᠷ | ᠤᠯᠤᠰ ᠤᠨ ᠺᠢᠨᠤ᠋ ᠵᠥᠴᠥᠬᠡ ᠶᠢᠨ ᠲᠢᠶᠠᠲ᠋ᠠᠷ ᠲᠤ ᠬᠦᠷᠴᠦ ︽ᠬᠥᠷᠥ ᠲᠠᠭᠤᠤ︾ ᠶᠢᠨ ᠦᠵᠡᠭᠦᠯᠦᠯᠭᠡ ᠡᠷᠬᠢᠯᠡᠵᠦ ᠬᠥᠷᠥ ᠲᠠᠭᠤᠤ ᠶᠢ ᠤᠯᠤᠰ ᠲᠠᠶᠠᠭᠠᠷ ᠲᠤ | ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠲᠡᠳᠡ 2019 ᠤᠨ ᠤ 6 ᠰᠠᠷᠠ ᠳᠤ ᠮᠤᠩᠭᠤᠯ ᠤᠯᠤᠰ ᠲᠤ ᠪᠤᠯᠤᠭᠰᠠᠨ ᠠᠽᠢᠶᠠ ᠲᠢᠪ ᠤᠨ ᠵᠠᠩ ᠥᠢᠯᠡ ᠤᠷᠠᠯᠢᠭ ᠤᠨ | ᠨᠠᠭᠠᠲᠤᠮ ᠳᠤ ᠮᠥᠡᠭᠬᠦᠨ ᠮᠧᠳᠠᠯ ᠲᠤᠰᠴᠤ᠂ 8 ᠰᠠᠷᠠ ᠳᠤᠨᠢ ᠪᠤᠯᠭᠠᠷᠢᠶᠠ ᠳᠤ ᠪᠤᠯᠤᠭᠰᠠᠨ ᠶᠢᠰᠥᠳᠥᠬᠡᠷ ᠬᠤᠭᠤᠴᠠᠭᠠᠨ ᠤ ᠲᠡᠯᠡᠬᠡᠢ ᠶᠢᠨ ᠵᠠᠩ ᠥᠢᠯᠡ ᠤᠷᠠᠯᠢᠭ | ᠤᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠲᠤᠭᠠᠨ ᠳᠤ ᠠᠯᠲᠠᠨ ᠮᠧᠲᠠᠯ ᠲᠤᠰᠴᠤ᠂ ᠮᠣᠩᠭᠤᠯᠴᠤᠳ ᠤᠨ ︽ᠠᠮᠢᠲᠤ ᠴᠢᠯᠠᠭᠤᠵᠢᠮᠠᠯ︾ ᠪᠤᠯᠤᠭᠰᠠᠨ ᠬᠥᠷᠥ ᠲᠠᠭᠤᠤ ᠶᠢ | ᠶᠢᠷᠲᠢᠨᠴᠥ ᠶᠢᠨ ᠴᠢᠬᠢᠨᠡ ᠳᠠᠭᠤᠷᠢᠰᠤᠭᠤᠯᠵᠤ᠂ ︽ᠬᠥᠷᠥ ᠲᠠᠭᠤᠤ︾ ᠪᠠᠷ ᠲᠡᠯᠡᠬᠡᠢ ᠶᠢᠨ ᠰᠤᠨᠤᠷ ᠢ ᠮᠢᠯᠢᠶᠡᠬᠰᠠᠨ ᠪᠠᠶᠢᠨᠠ᠃ | ᠬᠠᠩᠬᠢᠨᠴᠤᠳ ᠮᠠᠨᠢ ᠡᠨᠡᠬᠦ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠯ ᠤᠨ ᠬᠡᠪ ᠨᠠᠮᠪᠠ ᠶᠢ ᠪᠥᠷᠢᠨ ᠬᠠᠲᠠᠭᠠᠯᠠᠭᠰᠠᠨ ᠥᠪ ᠬᠥᠷᠥᠩᠬᠡ ᠪᠠᠨ ᠬᠠᠶᠠᠭᠲᠠᠭᠤᠯᠤᠯ ᠥᠬᠡᠢ | ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ ᠬᠠᠲᠠᠭᠠᠯᠠᠵᠤ ᠶᠠᠪᠤᠭᠰᠠᠨ ᠢᠶᠠᠷ 2008 ᠤᠨ ᠳᠤ ᠬᠠᠩᠬᠢᠨ ᠤ ︽ᠬᠥᠷᠥ ᠲᠠᠭᠤᠤ︾ ᠤᠯᠤᠰ ᠤᠨ ᠪᠡᠶᠡᠲᠦ ᠪᠤᠰᠤ ᠰᠤᠶᠤᠯ ᠤᠨ ᠥᠪ | ᠪᠠᠷ ᠲᠠᠩᠰᠠᠯᠠᠭᠲᠠᠵᠤ᠂ ᠴᠢᠨᠠᠭᠰᠢᠯᠠᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠡᠨ ᠳᠤ ᠲᠠᠭᠤᠯᠠᠭᠲᠠᠬᠤ ᠲᠠᠭᠤᠤ ᠤᠷᠠᠯᠢᠭ ᠤᠨ ᠤᠨᠴᠠᠭᠠᠢ ᠬᠢᠴᠢᠶᠡᠯ ᠪᠤᠯᠵᠤ᠂ ᠲᠡᠭᠦᠨ ᠢ ᠥᠪᠥᠷ | ᠮᠤᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠥᠷᠢᠶᠡᠨ ᠳᠤ ᠬᠥᠷᠲᠡᠯᠡ ᠬᠢᠴᠢᠶᠡᠯᠯᠡᠬᠦ ᠪᠣᠯᠵᠠᠢ᠃ ᠬᠠᠩᠬᠢᠨᠴᠤᠳ ᠪᠠᠰᠠ ᠤᠶᠢᠷᠠ ᠶᠢᠨ ᠠᠷᠪᠠᠭᠠᠳ ᠵᠢᠯ ᠤᠨ | ᠲᠤᠷᠰᠢ᠂ ᠬᠤᠰᠢᠭᠤᠨ ᠤ ᠪᠠᠨ ᠡᠯᠡ ᠰᠤᠮᠤ ᠪᠠᠯᠭᠠᠰᠤᠨ ᠳᠤ ᠬᠥᠷᠥ ᠲᠠᠭᠤᠤ ᠶᠢᠨ ᠲᠤᠭᠤᠶᠢᠯᠠᠩ ᠤᠨ ᠤᠷᠤᠯᠲᠤᠭᠠᠨ ᠥᠷᠨᠢᠭᠦᠯᠵᠦ᠂ ᠬᠠᠷᠢᠯᠴᠠᠨ ᠰᠤᠷᠤᠯᠴᠠᠵᠤ᠂ | ᠬᠠᠮᠲᠤ ᠪᠠᠷ ᠤᠯᠠᠮᠵᠢᠯᠠᠵᠤ᠂ ᠬᠥᠷᠥ ᠲᠠᠭᠤᠤ ᠪᠠᠨ ᠬᠠᠮᠲᠤ ᠪᠠᠷ ᠬᠥᠭᠵᠢᠭᠦᠯᠵᠦ ᠲᠤᠷᠰᠢᠯᠭᠠ ᠪᠠᠨ ᠰᠤᠯᠢᠯᠴᠠᠭᠰᠠᠭᠠᠷ ᠢᠷᠡᠭᠰᠡᠨ ᠪᠠᠶᠢᠨᠠ᠃ | ᠡᠨᠡ ᠤᠳᠠᠭᠠᠨ ᠤ ᠤᠷᠤᠯᠲᠤᠭᠠᠨ ᠤ ᠳ᠋ᠦᠩ ᠳᠤ᠂ ᠬᠥᠷᠥ ᠲᠠᠭᠤᠤ ᠶᠢᠨ ᠬᠠᠮᠲᠤ ᠶᠢᠨ ᠳᠠᠭᠤᠤ ᠶᠢᠨ ᠤᠷᠤᠯᠲᠤᠭᠠᠨ ︵ᠢᠵᠠᠭᠤᠷ ᠮᠠᠶ᠋ᠢᠭ ᠢᠶᠠᠷ ᠲᠠᠭᠤᠯᠠᠬᠤ︶ | ᠳᠤ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠮᠤᠩᠭᠤᠯ ᠥᠨᠳᠥᠰᠥᠲᠡᠨ ᠤ ᠲᠤᠮᠲᠠᠲᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠥᠷᠥ ᠲᠠᠭᠤᠤ ᠶᠢᠨ ᠲᠤᠭᠤᠶᠢᠯᠠᠩ ᠲᠡᠷᠢᠭᠦᠯᠡᠵᠦ᠂ ︽ᠤᠷᠲᠤᠰ ᠬᠥᠷᠥ | ᠲᠠᠭᠤᠤ ᠶᠢᠨ ᠰᠢᠨᠡ ᠪᠥᠲᠥᠬᠡᠯ ᠤᠨ ᠱᠠᠩᠨᠠᠯᠲᠤ ᠤᠷᠤᠯᠲᠤᠭᠠᠨ︾ ︵ᠰᠢᠨᠡ ᠮᠠᠶ᠋ᠢᠭ ᠢᠶᠠᠷ ᠲᠠᠭᠤᠯᠠᠬᠤ︶ ᠳᠤ ᠰᠢᠨᠡᠪᠠᠯᠭᠠᠰᠤᠨ ᠤ ᠲᠠᠯᠠ ᠶᠢᠨ ᠲᠠᠭᠤᠯᠠᠯ ᠬᠥᠷᠥ | ᠲᠠᠭᠤᠤ ᠶᠢᠨ ᠲᠤᠭᠤᠶᠢᠯᠠᠩ ᠲᠡᠷᠢᠭᠦᠯᠡᠭᠰᠡᠨ ᠪᠠᠶᠢᠨᠠ᠃ | ᠬᠠᠷᠠ ᠮᠠᠩᠨᠠᠢ ᠶᠢᠨ ᠲᠠᠪᠤᠰᠤᠨ ᠨᠠᠭᠤᠷ ᠠᠴᠠ ︽ᠬᠥᠷᠥ ᠲᠠᠭᠤᠤ︾ ᠶᠢᠨ ᠡᠭᠡᠰᠢᠭ ᠴᠤᠤᠷᠢᠶᠠᠳᠤᠨ᠂ ᠬᠠᠩᠬᠢᠨ ᠤ ᠬᠠᠯᠠᠭᠤᠨ ᠡᠯᠢᠬᠡᠨ ᠠᠴᠠ ᠤᠵᠤᠭᠤᠷ | ᠡᠷᠲᠡᠨ ᠤ ᠤᠶᠠᠩᠭᠠ ᠬᠠᠩᠬᠢᠨᠠᠨᠠ᠃ ᠬᠥᠷᠥ ᠲᠠᠭᠤᠤ ᠶᠢᠨ ᠤᠯᠠᠮᠵᠢᠯᠠᠯ ᠥᠷᠬᠦᠯᠵᠢᠯᠡᠭᠰᠡᠬᠡᠷ ᠁ | ︵ᠬᠠᠩᠭᠢᠨ ᠬᠤᠰᠢᠭᠤᠨ ᠤ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠤᠨ ᠲᠥᠪ ᠤᠨ ᠰᠡᠷᠬᠦᠯᠡᠩ᠂ ᠷᠢᠨᠴᠢᠨ᠂ ᠤᠷᠠᠨᠲᠠᠨᠠ ᠮᠡᠲᠡᠬᠡᠯᠡᠪᠡ︶ | | | | | | | | |