︽ᠪᠠᠯᠴᠢᠷ ᠬᠡᠦᠬᠡᠳ ᠲᠠᠶᠢᠯᠪᠤᠷᠢᠯᠠᠵᠤ ᠬᠡᠯᠡᠭᠡᠳ ᠣᠶᠢᠯᠠᠭᠠᠬᠤ ᠦᠭᠡᠢ᠂ ᠪᠠᠶᠢᠭ ᠪᠤᠯᠢ︾ ᠭᠡᠳᠡᠭ ᠦᠭᠡ ᠣᠯᠢᠭ ᠪᠣᠯᠳᠠᠭ ᠦᠶ᠎ᠡ ᠳᠤ ᠬᠡᠦᠬᠡᠳ ᠢ ᠠᠮᠠᠷᠬᠠᠨ

ᠰᠡᠩᠬᠡᠷᠡᠭᠦᠯᠳᠡᠭ ︽ᠨᠢᠭᠦᠯ︾ ᠭᠡᠳᠡᠭ ᠬᠦᠴᠦᠲᠦ ᠦᠭᠡ ᠶᠢᠨ ᠢᠳᠡ ᠰᠢᠳᠢ ᠶᠢ ᠬᠡᠷᠡᠭᠯᠡᠬᠦ‍ ᠨᠢᠭᠡ ᠤᠷᠠᠨ ᠠᠷᠭ᠎ᠠ ᠪᠠᠶᠢᠳᠠᠭ᠃ ᠦᠯᠢᠭᠡᠷᠯᠡᠪᠡᠯ᠂ ︽ᠲᠡᠭᠡᠵᠦ ᠪᠣᠯᠬᠤ

ᠦᠭᠡᠢ᠂ ᠨᠢᠭᠦᠯ᠂ ᠲᠡᠷᠡ ᠨᠢ ᠲᠡᠭᠡᠵᠦ ᠣᠷᠬᠢᠳᠠᠭ ᠶᠤᠮ︾ ᠭᠡᠵᠦ ᠬᠥᠮᠥᠵᠢᠭᠦᠯᠳᠡᠭ᠃ ᠲᠡᠳᠡᠭᠡᠷ ᠨᠢᠭᠦᠯ ᠨᠢ ᠶᠠᠭᠠᠬᠢᠭᠠᠳ ᠦᠢᠯᠡᠳᠴᠦ ᠪᠣᠯᠳᠠᠭ ᠦᠭᠡᠢ ᠶᠢᠨ

ᠲᠠᠶᠢᠯᠪᠤᠷᠢ ᠨᠢ ᠲᠤᠬᠠᠢ ᠶᠢᠨ ᠨᠠᠰᠤᠨ ᠤ ᠬᠡᠦᠬᠡᠳ ᠤᠨ ᠰᠡᠳᠬᠢᠴᠡ ᠶᠢᠨ ᠬᠡᠮᠵᠢᠶᠡᠨ ᠳᠤ ᠪᠤᠵᠠᠭᠠᠢ ᠲᠣᠬᠢᠷᠠᠭᠰᠠᠨ ︽ᠬᠦᠨᠳᠦ ᠦᠭᠡ︾ ᠪᠠᠶᠢᠳᠠᠭ ᠨᠢ ᠬᠡᠦᠬᠡᠳ ᠢ

ᠨᠢᠳᠦ ᠢᠷᠮᠡᠬᠦ ᠶᠢᠨ ᠵᠠᠭᠤᠷ᠎ᠠ ᠦᠨᠡᠮᠰᠢᠭᠦᠯᠬᠦ ᠴᠢᠳᠠᠯ ᠲᠠᠢ ᠲᠤᠯᠠ ᠬᠡᠦᠬᠡᠳ ᠲᠡᠷᠡ ᠨᠢᠭᠦᠯ ᠢ ᠳᠠᠬᠢᠨ ᠣᠭᠲᠤ ᠬᠢᠬᠦ ᠦᠭᠡᠢ ᠪᠣᠯᠳᠠᠭ᠃

ᠮᠣᠩᠭᠤᠯᠴᠤᠳ ᠨᠢᠭᠦᠯ ᠤᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠶᠢ ᠬᠡᠦᠬᠡᠳ ᠪᠠᠭᠠᠴᠤᠳ ᠲᠤ ᠲᠥᠯᠥᠪᠰᠢᠭᠦᠯᠦᠭᠰᠡᠨ ᠤ ᠰᠠᠭᠤᠷᠢᠨ ᠳᠡᠭᠡᠷ᠎ᠡ ᠪᠤᠶᠠᠨ ᠤ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠶᠢ

ᠭᠦᠨᠵᠡᠭᠡᠶᠢᠷᠡᠭᠦᠯᠦᠨ᠂ ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠢ ᠡᠷᠬᠢᠮᠯᠡᠬᠦ ᠶᠣᠰᠣ ᠵᠦᠢ ᠲᠣᠭᠲᠠᠭᠠᠨ᠂ ᠬᠥᠮᠥᠨ ᠤ ᠰᠡᠳᠬᠢᠯ ᠢ ᠠᠷᠢᠭᠤᠰᠬᠠᠨ᠂ ᠢᠲᠡᠭᠡᠯ ᠦᠨᠡᠮᠰᠢᠯ ᠢ ᠪᠣᠢ

ᠪᠣᠯᠭᠠᠨ᠂ ᠪᠡᠶ᠎ᠡ᠂ ᠬᠡᠯᠡ᠂ ᠰᠡᠳᠬᠢᠯ ᠭᠤᠷᠪᠠ ᠶᠢ ᠤᠶᠠᠯᠳᠤᠭᠤᠯᠤᠨ᠂ ᠨᠡᠶᠢᠭᠡᠮ ᠤᠨ ᠬᠠᠷᠢᠯᠴᠠᠭ᠎ᠠ ᠶᠢ ᠵᠣᠬᠢᠴᠠᠭᠤᠯᠳᠠᠭ ᠪᠠᠶᠢᠵᠠᠢ᠃

ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ

1.ᠠᠯᠢᠪᠠ ᠠᠮᠢ ᠬᠤᠷᠣᠭᠠᠬᠤ ᠶᠢ ᠬᠠᠲᠠᠭᠤ ᠴᠡᠭᠡᠷᠯᠡᠬᠦ᠃

       2. ᠬᠠᠷᠠᠮᠴᠢ ᠬᠥᠮᠥᠨ ᠳᠤ ᠭᠤᠮᠣᠳᠠᠬᠤ ᠦᠭᠡᠢ᠂ ᠬᠠᠷᠢᠨ ᠥᠪᠡᠷ ᠢᠶᠠᠨ ᠥᠭᠯᠢᠭᠡ ᠥᠭᠬᠦ᠃

       3.ᠪᠤᠷᠤᠭᠤ ᠦᠢᠯᠡ ᠶᠢ ᠲᠡᠪᠴᠢᠨ᠂ ᠵᠦᠢ ᠵᠣᠬᠢᠰ ᠢ ᠡᠷᠬᠢᠮᠯᠡᠬᠦ᠃

       4. ᠬᠤᠪ ᠵᠥᠭᠡᠭᠡᠬᠦ᠂ ᠬᠤᠳᠬᠤᠨ ᠦᠢᠮᠡᠭᠦᠯᠬᠦ ᠶᠢ ᠴᠡᠭᠡᠷᠯᠡᠨ᠂ ᠬᠦᠯᠢᠴᠡᠲᠡᠶ ᠲᠠᠶᠢᠪᠤᠩ ᠪᠠᠶᠢᠵᠤ ᠠᠮᠤᠷᠯᠢᠩᠭᠤᠢ ᠶᠢ ᠬᠢᠴᠢᠶᠡᠬᠦ᠃

       5. ᠬᠤᠳᠠᠯ ᠦᠭᠡ ᠶᠢ ᠲᠡᠪᠴᠢᠨ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ ᠦᠨᠡᠨ ᠢᠶᠠᠷ ᠬᠡᠯᠡᠬᠦ᠃

       6.ᠰᠢᠷᠦᠭᠦᠨ ᠦᠭᠡ ᠬᠡᠷᠴᠡᠭᠡᠢ ᠶᠠᠷᠢᠶ᠎ᠠ ᠶᠢ ᠴᠡᠭᠡᠷᠯᠡᠬᠦ᠃

       7.ᠠᠰᠢᠭ ᠬᠤᠨᠵᠢᠶ᠎ᠠ᠂ ᠳᠠᠯᠳᠠ ᠵᠠᠯᠢᠬᠠᠢ ᠦᠭᠡ ᠶᠢ ᠲᠡᠪᠴᠢᠭᠡᠳ ᠴᠢᠩ ᠰᠡᠳᠬᠢᠯ ᠤᠨ ᠦᠭᠡ ᠶᠢ ᠢᠯᠡ ᠲᠣᠳᠣ ᠭᠡᠯᠡᠬᠦ᠃

       8. ᠪᠤᠰᠤᠳ ᠲᠠᠢ ᠵᠥᠷᠢᠴᠡᠯᠳᠦᠬᠦ ᠡᠯᠳᠡᠪ ᠬᠤᠣᠷᠲᠤ ᠰᠠᠨᠠᠭ᠎ᠠ ᠰᠡᠳᠬᠢᠯ ᠢ ᠲᠡᠪᠴᠢᠬᠦ᠃

       9. ᠬᠤᠮᠣᠬᠠᠢ ᠰᠢᠨᠤᠭ ᠰᠡᠳᠬᠢᠯ ᠢ ᠴᠡᠭᠡᠷᠯᠡᠵᠦ᠂ ᠬᠠᠶᠢᠷᠠᠯᠠᠨ ᠥᠷᠥ ᠡᠪᠡᠳᠴᠦ ᠲᠤᠰᠠᠲᠠᠢ ᠰᠡᠳᠬᠢᠯ ᠢ ᠳᠡᠭᠡᠳᠦᠯᠡᠬᠦ᠃

       10. ᠡᠯᠳᠡᠪ ᠪᠤᠷᠤᠭᠤ ᠦᠵᠡᠯ ᠢ ᠵᠢᠭᠰᠢᠭᠡᠳ ᠡᠶᠡᠯᠳᠡᠭ ᠵᠥᠭᠡᠯᠡᠨ ᠬᠥᠮᠥᠡᠯᠢᠭ ᠰᠡᠳᠬᠢᠯ ᠢ ᠡᠷᠬᠢᠮᠯᠡᠬᠦ᠃