| ᠢᠩᠭᠡ ᠪᠣᠲᠣᠭᠤᠯᠠᠪᠠᠯ ᠤᠭᠤᠷᠠᠭ ᠰᠦ ᠪᠠᠭᠤᠳᠠᠭ ᠪᠣᠯᠬᠤᠷ ᠪᠣᠲᠣᠭᠤ ᠨᠢ ᠬᠦᠬᠦᠬᠦ ᠠᠴᠠ ᠭᠠᠳᠠᠨᠠ ᠤᠭᠤᠷᠠᠭ ᠪᠠ ᠰᠦ ᠶᠢ ᠨᠢ ᠰᠠᠭᠠᠨ ᠠᠪᠴᠤ ᠠᠮᠲᠠᠲᠤ | ᠰᠠᠶᠢᠬᠠᠨ ᠴᠠᠭᠠᠨ ᠢᠳᠡᠭᠡᠨ ᠪᠣᠯᠭᠠᠳᠠᠭ᠃ ᠢᠩᠭᠡ ᠶᠢ ᠰᠠᠭᠠᠬᠤ ᠳᠤ ᠪᠠᠨ ᠤᠷᠢᠳ ᠢᠶᠠᠷ ᠭᠠᠷ ᠪᠠ ᠰᠠᠪᠠ ᠰᠠᠭᠤᠯᠠᠭᠠ ︵ᠬᠤᠪᠢᠩ︶ ᠪᠠᠨ ᠤᠰᠤ ᠪᠠᠷ ᠤᠬᠢᠶᠠᠵᠤ | ᠪᠣᠲᠣᠭᠤ ᠶᠢ ᠨᠢ ᠬᠥᠬᠦᠭᠦᠯᠵᠦ ᠢᠩᠭᠡ ᠪᠠᠨ ᠢᠪᠢᠯᠭᠡᠭᠰᠡᠨ ᠤ ᠲᠠᠷᠠᠭᠠ ᠵᠥᠪᠲᠡᠢ ᠲᠠᠯᠠ ᠶᠢᠨ ᠬᠤᠶᠢᠲᠤ ᠬᠥᠯ ᠢ ᠲᠣᠬᠤᠢ ᠰᠢᠬᠠᠮ ᠬᠤᠶᠢᠰᠢ ᠭᠢᠰᠬᠢᠭᠦᠯᠵᠦ᠂ | ᠰᠠᠭᠠᠯᠢᠴᠢᠨ ᠪᠠᠷᠠᠭᠤᠨ ᠬᠥᠯ ᠢᠶᠠᠷ ᠢᠶᠠᠨ ᠵᠣᠭᠰᠣᠵᠤ ᠵᠡᠭᠦᠨ ᠬᠥᠯ ᠢᠶᠠᠨ ᠬᠠᠭᠠᠰ ᠨᠤᠭᠤᠯᠵᠤ ᠦᠰᠦᠭᠡᠢ ᠪᠠᠨ ᠪᠠᠷᠠᠭᠤᠨ ᠬᠥᠯ ᠤᠨ ᠢᠶᠠᠨ ᠡᠪᠦᠳᠦᠭ ᠳᠡᠭᠡᠷᠡ | ᠲᠠᠯᠪᠢᠵᠤ᠂ ᠰᠠᠭᠤᠯᠠᠭᠠ ᠪᠠᠨ ᠵᠡᠭᠦᠨ ᠡᠪᠦᠳᠦᠭ ᠳᠡᠭᠡᠷᠡ ᠪᠠᠨ ᠲᠠᠯᠪᠢᠨ ᠰᠠᠭᠤᠯᠠᠭᠠ ᠶᠢᠨ ᠣᠭᠤᠰᠣᠷ ᠢ ᠵᠡᠭᠦᠨ ᠭᠠᠷ ᠤᠨ ᠪᠠᠭᠤᠤ ᠳᠤ ᠡᠯᠭᠦᠵᠦ᠂ ᠬᠤᠶᠠᠷ ᠭᠠᠷ ᠤᠨ | ᠡᠷᠡᠬᠡᠢ᠂ ᠳᠣᠯᠣᠪᠤᠷ᠂ ᠳᠤᠮᠳᠠ ᠬᠤᠷᠤᠭᠤ ᠪᠠᠷ ᠢᠶᠠᠨ ᠬᠥᠬᠦ ᠶᠢᠨ ᠤᠭ ᠠᠴᠠ ᠦᠵᠦᠭᠦᠷ ᠲᠡᠶᠢᠰᠢ ᠨᠢ ᠰᠢᠪᠳᠤᠷᠴᠤ ᠰᠠᠭᠠᠳᠠᠭ᠃ ᠢᠩᠭᠡ ᠶᠢ ᠲᠦᠷᠪᠡᠨ ᠤᠯᠠᠷᠢᠯ ᠳᠤ | ᠪᠦᠷ ᠰᠠᠭᠠᠵᠤ ᠪᠤᠯᠬᠤ ᠪᠥᠭᠡᠳ ᠰᠠᠭᠠᠬᠤ ᠬᠤᠭᠤᠴᠠᠭᠠ ᠨᠢ ᠪᠠᠷᠤᠭ ᠠᠷᠪᠠᠨ ᠳᠥᠷᠪᠡ ᠠᠴᠠ ᠠᠷᠪᠠᠨ ᠵᠢᠷᠭᠤᠭᠠ ᠲᠤᠯᠤᠭᠠᠨ ᠰᠠᠷᠠ ᠪᠠᠶᠢᠳᠠᠭ᠃ ᠡᠩ ᠤᠨ ᠢᠩᠭᠡᠨ | ᠠᠴᠠ ᠡᠳᠦᠷ ᠲᠤ1 ~ 2 ᠵᠢᠩ ︵0.5 ~1.0 ᠺᠢᠯᠦᠭᠷᠡᠮ︶ ᠰᠦ ᠰᠠᠭᠠᠵᠤ᠂ ᠰᠦ ᠰᠠᠶᠢᠲᠠᠢ ᠢᠩᠭᠡᠨ ᠠᠴᠠ 3 ~7 ᠵᠢᠩ ᠰᠦ ᠰᠠᠭᠠᠳᠠᠭ᠃ ᠭᠡᠪᠡᠴᠦ ᠢᠩᠭᠡᠨ | ᠤ ᠨᠠᠰᠤ ᠰᠢᠳᠤ᠂ ᠲᠠᠷᠭᠤ ᠬᠦᠴᠦ᠂ ᠪᠡᠯᠴᠢᠭᠡᠷ ᠤᠰᠤᠨ ᠤ ᠪᠠᠶᠢᠳᠠᠯ ᠵᠢᠴᠢ ᠰᠠᠭᠠᠯᠢᠴᠢᠨ ᠤ ᠮᠡᠷᠭᠡᠵᠢᠯ ᠠᠴᠠ ᠰᠢᠯᠲᠠᠭᠠᠯᠠᠵᠤ᠂ ᠰᠦ ᠶᠢᠨ ᠭᠠᠷᠤᠯᠲᠠ ᠶᠢᠨ ᠬᠡᠮᠵᠢᠶᠡ | ᠨᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠢᠩᠭᠡ ᠰᠠᠭᠠᠬᠤ ᠠᠷᠭᠠ ᠪᠠᠷᠢᠯ ᠤᠯᠠᠨ ᠪᠠᠶᠢᠳᠠᠭ ᠪᠥᠭᠡᠳ ᠵᠣᠬᠢᠬᠤ ᠮᠡᠷᠭᠡᠵᠢᠯ ᠱᠠᠭᠠᠷᠳᠠᠭᠳᠠᠳᠠᠭ᠃ | ᠢᠩᠭᠡ ᠰᠠᠭᠠᠬᠤ ᠨᠢ ᠰᠦ ᠴᠠᠭᠠ ᠨᠥᠭᠡᠴᠡᠯᠡᠬᠦ᠂ ᠴᠠᠭᠠᠨ ᠢᠳᠡᠭᠡᠨ ᠤ ᠢᠷᠡᠯᠲᠡ ᠶᠢ ᠬᠠᠩᠭᠠᠬᠤ᠂ ᠪᠣᠲᠣᠭᠤᠨ ᠤ ᠬᠢᠨᠢ ᠬᠡᠮᠵᠢᠶᠡ ᠲᠠᠢ ᠬᠥᠬᠦᠵᠦ ᠰᠢᠩᠭᠡᠭᠡᠬᠦ | ᠪᠠ ᠥᠰᠴᠦ ᠪᠣᠶᠢᠵᠢᠬᠤ ᠳᠤ ᠨᠢ ᠲᠤᠩ ᠰᠠᠶᠢᠨ ᠪᠠᠶᠢᠳᠠᠭ᠃ ᠢᠩᠭᠡᠨ ᠤ ᠰᠦ ᠪᠠᠷ ᠴᠠᠢ ᠰᠦᠯᠡᠬᠦ᠂ ᠬᠥᠭᠡᠷᠦᠭᠦᠯᠵᠦ ᠤᠤᠭᠤᠬᠤ᠂ ᠥᠷᠥᠮᠡ᠂ ᠵᠥᠭᠡᠬᠡᠢ᠂ ᠲᠣᠰᠣ᠂ | ᠡᠭᠡᠵᠡᠭᠡᠢ᠂ ᠪᠢᠰᠢᠯᠠᠭ᠂ ᠠᠶᠢᠷᠠᠭ᠂ ᠴᠠᠭᠠ᠂ ᠠᠭᠠᠷᠴᠠ᠂ ᠠᠭᠠᠷᠤᠤᠯ᠂ ᠬᠤᠭᠤᠷᠮᠠᠭ᠂ ᠬᠤᠷᠤᠳ᠂ ᠴᠤᠷᠮᠠ᠂ ᠱᠦᠬᠦᠮᠡᠯ ᠬᠢᠬᠦ ᠪᠤᠶᠤ ᠰᠠᠭᠠᠯᠢ ᠶᠢᠨ ᠠᠷᠢᠬᠢ | ᠨᠡᠷᠡᠳᠡᠭ᠃ ᠢᠩᠭᠡᠨ ᠤ ᠰᠦ ᠪᠠᠷ ᠨᠡᠷᠡᠭᠰᠡᠨ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠪᠣᠯ ᠠᠭᠤᠰᠬᠢᠨ ᠡᠪᠡᠳᠴᠢᠨ ᠳᠤ ᠣᠨᠴᠠ ᠰᠠᠶᠢᠨ ᠪᠠᠶᠢᠳᠠᠭ᠃ ᠢᠩᠭᠡᠨ ᠤ ᠰᠦ ᠨᠢ ᠰᠡᠷᠢᠭᠦᠨ | ᠴᠢᠨᠠᠷᠲᠠᠢ ᠪᠥᠭᠡᠳ ᠰᠢᠮᠡ ᠲᠡᠵᠢᠭᠡᠯ ᠰᠠᠶᠢᠲᠠᠢ ᠲᠤᠯᠠ ᠤᠯᠠᠨ ᠵᠦᠢᠯ ᠤᠨ ᠡᠮᠵᠡᠭ ᠡᠪᠡᠳᠴᠢᠨ ᠳᠤ ᠪᠦᠷ ᠲᠤᠰᠠ ᠪᠤᠯᠳᠠᠭ᠃ ᠲᠡᠷᠡ ᠨᠢ ᠵᠢᠷᠦᠬᠡᠨ ᠤ ᠡᠪᠡᠳᠴᠢᠨ᠂ | ᠪᠡᠲᠡᠭᠢ ᠡᠪᠡᠳᠴᠢᠨ᠂ ᠰᠢᠭᠡᠰᠦ ᠬᠤᠷᠢᠭᠳᠠᠬᠤ᠂ ᠬᠤᠣᠷᠠᠲᠤ ᠮᠣᠭᠠᠢ ︵ᠬᠤᠷᠣᠬᠠᠢ︶ ᠳᠤ ᠬᠠᠳᠬᠤᠭᠳᠠᠭᠰᠠᠨ᠂ ᠪᠠᠮ᠂ ᠬᠠᠪᠤᠳᠠᠷ ᠵᠡᠷᠭᠡ ᠡᠪᠡᠳᠴᠢᠨ ᠢ ᠡᠮᠨᠡᠨ | ᠵᠠᠰᠠᠬᠤ ᠰᠠᠶᠢᠨ ᠡᠮ ᠪᠤᠯᠬᠤ ᠪᠥᠭᠡᠳ ᠮᠠᠯᠴᠢᠳ ᠤᠨ ᠭᠤᠣᠯ ᠪᠤᠯᠬᠤ ᠴᠠᠭᠠᠨ ᠢᠳᠡᠭᠡᠨ ᠤ ᠡᠬᠢ ᠰᠤᠷᠪᠤᠯᠵᠢ ᠪᠤᠯᠳᠠᠭ᠃ ᠮᠠᠯᠴᠢᠳ ᠢᠩᠭᠡ ᠪᠣᠲᠣᠭᠤᠯᠠᠵᠤ ᠰᠠᠭᠠᠯᠢ | ᠰᠠᠭᠠᠵᠤ ᠡᠬᠢᠯᠡᠬᠦ ᠳᠤ ᠲᠥᠯ ᠮᠠᠯ ᠢᠶᠠᠨ ᠪᠦᠷᠢᠨ ᠮᠡᠨᠳᠤ ᠪᠣᠶᠢᠵᠢᠭᠤᠯᠬᠤ᠂ ᠴᠠᠭᠠᠨ ᠢᠳᠡᠭᠡ ᠡᠯᠪᠡᠭ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠨ ᠰᠠᠭᠠᠭᠰᠠᠨ ᠰᠦ ᠶᠢᠨ ᠢᠶᠠᠨ ᠳᠡᠭᠡᠵᠢ ᠪᠠᠨ | ᠲᠡᠭᠷᠢ᠂ ᠭᠠᠵᠠᠷ᠂ ᠠᠭᠤᠯᠠ᠂ ᠤᠰᠤᠨ ᠳᠤ ᠪᠠᠨ ᠰᠠᠴᠤᠯᠢ ᠡᠷᠭᠦᠨ ᠳᠠᠭᠠᠳᠬᠠᠳᠠᠭ᠃ ᠲᠡᠷᠡᠴᠢᠯᠡᠨ ᠢᠩᠭᠡᠨ ᠤ ᠰᠦ ᠪᠠᠷ ᠬᠤᠯᠠ ᠶᠠᠪᠤᠬᠤ ᠲᠦᠷᠦᠯ ᠰᠠᠳᠤᠨ᠂ | ᠣᠶᠢᠷᠠ ᠳᠣᠲᠣᠨᠣ ᠬᠥᠮᠥᠰ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠰᠠᠴᠤᠯᠢ ᠡᠷᠭᠦᠵᠦ ᠰᠠᠶᠢᠨ ᠰᠠᠶᠢᠬᠠᠨ ᠢ ᠨᠢ ᠪᠡᠯᠭᠡᠳᠡᠳᠡᠭ᠃ | | |