| ᠲᠥᠯ ᠲᠤᠰᠬᠤ ᠭᠡᠳᠡᠭ ᠪᠣᠯ ᠬᠤᠨᠢ ᠢᠮᠠᠭᠠ ᠲᠥᠯᠯᠡᠬᠦ ᠦᠶᠡ ᠪᠠᠷ ᠬᠤᠷᠠᠭᠠ ᠢᠰᠢᠭᠡ ᠶᠢ ᠮᠡᠨᠳᠦ ᠲᠤᠰᠴᠤ ᠠᠪᠬᠤ ᠶᠢ ᠬᠡᠯᠡᠨᠡ᠃ ᠬᠤᠨᠢ ᠬᠤᠷᠠᠭᠠᠯᠠᠬᠤ | ᠣᠶᠢᠷᠠᠲᠤᠪᠠᠯ ᠮᠠᠯᠴᠢᠳ ᠬᠤᠲᠠ ᠬᠤᠷᠤᠭᠠ ᠪᠠᠨ ᠳᠤᠯᠠᠭᠠᠯᠠᠬᠤ ᠶᠢᠨ ᠬᠠᠮᠲᠤ ᠬᠤᠷᠠᠭᠠᠨ ᠤᠭᠤᠲᠠ (ᠲᠡᠭᠲᠦ)᠂ ᠬᠤᠨᠢᠨ ᠤ ᠤᠨᠤᠭᠠ᠂ ᠠᠷᠤᠭ᠂ ᠤᠭᠵᠢ᠂ ᠵᠤᠲᠠᠩ ᠤᠨ | ᠭᠤᠯᠢᠷ᠂ ᠰᠦᠨ ᠲᠠᠯᠬᠠ ᠵᠡᠷᠭᠡ ᠬᠤᠷᠠᠭᠠ ᠲᠤᠰᠬᠤ ᠳᠤ ᠬᠡᠷᠡᠭᠰᠡᠬᠦ ᠵᠦᠢᠯ ᠢᠶᠠᠨ ᠪᠡᠯᠡᠳᠬᠡᠨ ᠲᠥᠬᠦᠭᠡᠷᠴᠦ ᠡᠳᠦᠷ ᠤᠨ ᠬᠠᠷᠢᠭᠤᠯᠤᠯᠭᠠ᠂ ᠰᠥᠨᠢ ᠶᠢᠨ ᠮᠠᠨᠠᠭᠠ᠂ | ᠬᠤᠷᠠᠭᠠᠨ ᠤ ᠠᠷᠠᠴᠢᠯᠠᠭᠠ ᠵᠡᠷᠭᠡ ᠳᠤ ᠬᠥᠳᠡᠯᠮᠦᠷᠢ ᠬᠦᠴᠦ ᠪᠠᠨ ᠵᠦᠢ ᠵᠣᠬᠢᠰᠲᠠᠢ ᠲᠣᠬᠢᠷᠠᠭᠤᠯᠵᠤ ᠬᠤᠷᠠᠭᠠ ᠲᠣᠰᠬᠤ ᠪᠡᠯᠡᠳᠬᠡᠯ ᠠᠵᠢᠯ ᠢᠶᠠᠨ ᠱᠠᠯᠠᠪᠳᠠᠨ | ᠬᠢᠵᠡᠭᠡᠳᠡᠭ᠃ ᠲᠥᠯ ᠲᠣᠰᠬᠤ ᠨᠢ ᠬᠠᠮᠤᠭ ᠤᠨ ᠶᠠᠭᠠᠷᠠᠤ ᠮᠥᠷᠲᠡᠭᠡᠨ ᠬᠠᠮᠤᠭ ᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠠᠢ ᠠᠵᠢᠯ ᠪᠣᠯᠬᠤᠷ ᠮᠠᠯᠴᠢᠳ ᠡᠨᠡ ᠬᠤᠭᠤᠴᠠᠭᠠ ᠶᠢ ︽ | ᠤᠨᠠᠭᠰᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠬᠤ ᠵᠠᠪ ᠦᠭᠡᠢ᠂ ᠤᠴᠠᠷᠠᠭᠰᠠᠨ ᠬᠥᠮᠥᠨ ᠲᠠᠢ ᠳᠤᠤᠭᠠᠷᠬᠤ ᠴᠢᠯᠦᠭᠡ ᠦᠭᠡᠢ︾ ᠭᠡᠵᠦ ᠬᠡᠯᠡᠳᠡᠭ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠬᠤᠨᠢᠴᠢᠨ | ᠬᠤᠨᠢ ᠪᠠᠨ ᠬᠠᠷᠢᠭᠤᠯᠬᠤ ᠳᠤ ᠪᠠᠨ ᠬᠤᠷᠠᠭᠠᠨ ᠤᠭᠤᠲᠠ ᠠᠪᠴᠤ ᠶᠠᠪᠤᠳᠠᠭ ᠪᠥᠭᠡᠳ ᠬᠡᠭᠡᠷᠡ ᠭᠠᠳᠠᠨᠠ ᠬᠤᠨᠢ ᠬᠤᠷᠠᠭᠠᠯᠠᠪᠠᠯ ᠬᠤᠷᠠᠭᠠ ᠬᠥᠯᠳᠡᠵᠦ ᠪᠡᠭᠡᠷᠡᠬᠦ ᠠᠴᠠ | ᠡᠮᠦᠨᠡ ᠠᠪᠴᠤ ᠬᠤᠷᠠᠭᠠᠨ ᠤᠭᠤᠲᠠᠨ ᠳᠤ ᠪᠠᠨ ᠬᠢᠳᠡᠭ᠃ ᠬᠡᠷᠪᠡ ᠡᠳᠦᠷ ᠳᠤᠯᠠᠭᠠᠨ ᠪᠣᠯ ᠡᠬᠡ ᠪᠠᠷ ᠨᠢ ᠳᠣᠯᠢᠶᠠᠯᠭᠠᠵᠤ ᠪᠡᠶᠡ ᠶᠢ ᠨᠢ ᠬᠠᠲᠠᠭᠠᠭᠰᠠᠨ ᠤ ᠰᠡᠭᠦᠯᠡᠷ | ᠤᠭᠤᠲᠠᠯᠠᠨᠠ᠃ ᠡᠳᠦᠷ ᠤᠨ ᠳᠤᠰᠤᠭᠰᠠᠨ ᠬᠤᠷᠠᠭᠠ ᠪᠠᠨ ᠣᠷᠣᠢ ᠨᠢ ᠬᠤᠨᠢ ᠪᠠᠨ ᠬᠤᠲᠠᠯᠠᠭᠰᠠᠨ ᠤ ᠳᠠᠷᠠᠭᠠ ᠡᠬᠡ ᠶᠢ ᠨᠢ ᠣᠯᠵᠤ ᠬᠥᠬᠦᠭᠦᠯᠳᠡᠭ᠃ ᠰᠥᠨᠢ ᠳᠤ | ᠪᠠᠨ ᠬᠤᠨᠢ ᠪᠠᠨ ᠮᠠᠨᠠᠵᠤ ᠬᠤᠨᠣᠬᠤ ᠪᠤᠶᠤ ᠲᠣᠭᠲᠠᠭᠰᠠᠨ ᠴᠠᠭ ᠲᠠᠢ ᠪᠠᠷ ᠬᠤᠷᠤᠭᠠᠨᠳᠤ ᠪᠠᠨ ᠣᠷᠣᠵᠤ ᠬᠤᠨᠢ ᠬᠤᠷᠠᠭᠠᠯᠠᠭᠰᠠᠨ ᠡᠰᠡᠬᠦ ᠪᠠ ᠬᠤᠷᠠᠭᠠᠯᠠᠬᠤ ᠢᠯᠡᠷᠡᠯ | ᠭᠠᠷᠴᠤ ᠪᠠᠶᠢᠬᠤ ᠡᠰᠡᠬᠦ ᠶᠢ ᠪᠠᠶᠢᠴᠠᠭᠠᠨ ᠦᠵᠡᠨᠡ᠃ ᠲᠥᠯ ᠲᠣᠰᠬᠤ ᠦᠶᠡ ᠳᠤ ᠬᠤᠨᠢ ᠬᠤᠷᠠᠭᠠᠯᠠᠬᠤ ᠳᠤ ᠪᠠᠨ ᠪᠡᠷᠬᠡᠳᠡᠬᠦ᠂ ᠪᠢᠲᠡᠭᠦᠦ ᠬᠠᠯᠢᠰᠤ ᠲᠠᠢ ᠬᠤᠷᠠᠭᠠ | ᠭᠠᠷᠬᠤ᠂ ᠬᠤᠷᠠᠭᠠ ᠪᠦᠲᠡᠬᠦ ᠵᠡᠷᠭᠡ ᠶᠡᠷᠦ ᠪᠤᠰᠤ ᠶᠢᠨ ᠦᠵᠡᠭᠳᠡᠯ ᠭᠠᠷᠳᠠᠭ ᠲᠤᠯᠠ ᠬᠤᠨᠢ ᠬᠤᠷᠠᠭᠠᠯᠠᠬᠤ ᠪᠦᠷᠢ ᠨᠠᠷᠢᠨ ᠪᠠᠢᠴᠠᠭᠠᠵᠤ ᠡᠶᠢᠮᠦᠷᠬᠦᠦ ᠣᠨᠴᠠᠭᠠᠢ ᠪᠠᠶᠢᠳᠠᠯ | ᠢᠯᠡᠷᠡᠪᠡᠯ ᠳᠣᠣᠷᠠ ᠳᠣᠣᠷᠠ ᠨᠢ ᠠᠳᠠᠯᠢ ᠪᠤᠰᠤ ᠠᠷᠭᠠ ᠪᠠᠷ ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠵᠦ ᠰᠦᠢᠳᠦᠯ ᠭᠠᠷᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ ᠣᠷᠣᠢ ᠬᠤᠨᠢ ᠪᠠᠨ ᠬᠤᠲᠠᠯᠠᠵᠤ | ᠬᠤᠷᠠᠭᠠ ᠬᠥᠬᠦᠭᠦᠯᠬᠦ ᠦᠶᠡ ᠳᠤ ᠬᠤᠷᠠᠭᠠ ᠪᠠᠨ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠡᠬᠡ ᠶᠢ ᠨᠢ ᠣᠯᠵᠤ ᠥᠭᠭᠦᠨᠡ᠃ ᠰᠥᠨᠢ ᠳᠤ ᠪᠠᠨ ᠢᠯᠠᠩᠭᠤᠶᠠ ᠴᠠᠰᠤ ᠰᠢᠭᠤᠷᠭᠠᠨ ᠲᠠᠢ | ᠬᠦᠢᠲᠡᠨ ᠰᠥᠨᠢ ᠠᠷᠤᠭ ᠲᠠᠢ ᠬᠤᠷᠠᠭᠠ ᠨᠤᠭᠤᠳ ᠲᠠᠭᠠᠷᠠᠵᠤ ᠪᠡᠭᠡᠷᠡᠬᠦ ᠳᠤ ᠪᠠᠨ ᠣᠪᠣᠭᠠᠷᠠᠯᠳᠤᠵᠤ ᠨᠢᠯᠬᠠ ᠬᠤᠷᠠᠭᠠ ᠨᠢ ᠳᠠᠷᠤᠭᠳᠠᠵᠤ ᠦᠬᠦᠬᠦ ᠠᠶᠤᠯ ᠲᠠᠢ ᠲᠤᠯᠠ | ᠬᠤᠷᠣᠭᠠᠨ ᠳᠤ ᠪᠤᠶᠤ ᠠᠷᠤᠭ ᠲᠤ ᠬᠢᠭᠰᠡᠨ ᠬᠤᠷᠠᠭᠠ ᠶᠢ ᠪᠠᠶᠢᠨ ᠳᠠᠬᠢᠨ ᠪᠠᠶᠢᠴᠠᠭᠠᠵᠤ ᠣᠪᠤᠭᠠᠷᠠᠯᠳᠤᠭᠰᠠᠨ ᠪᠠᠶᠢᠪᠠᠯ ᠲᠡᠷᠡ ᠳᠣᠣᠷᠠ ᠨᠢ ᠬᠥᠳᠡᠯᠭᠡᠵᠦ ᠰᠢᠯᠵᠢᠭᠦᠯᠵᠦ | ᠥᠭᠳᠡᠭ᠃ | |