| | ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠠᠳ ᠤᠨ ᠬᠡᠪᠯᠡᠯ ᠤᠨ ᠬᠤᠷᠢᠶᠠ ᠠᠴᠠ ᠡᠮᠬᠢᠳᠭᠡᠨ ᠬᠡᠪᠯᠡᠬᠦᠯᠵᠦ ᠪᠦᠬᠦᠢ ᠡᠷᠳᠡᠨ ᠤ ᠵᠢᠷᠤᠭᠳᠤ ᠨᠤᠮ ᠤᠨ ᠰᠢᠷᠢᠰ ᠪᠢᠴᠢᠭ ᠤᠨ ᠨᠢᠭᠡ | ᠪᠤᠯ ᠤᠳᠤᠬᠠᠨ ᠬᠡᠪᠯᠡᠭᠳᠡᠭᠡᠳ ᠪᠦᠬᠦᠢ ︽ᠤᠮᠠᠷᠠᠳᠤ ᠶᠤᠸᠠᠨ ᠤ ᠵᠢᠷᠤᠬᠠᠢ ᠶᠢᠨ ᠪᠢᠴᠢᠭ︾ ᠪᠤᠯᠤᠨᠠ᠃ | | | ᠤᠮᠠᠷᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠠᠯᠢ ᠬᠡᠳᠦ᠋ᠢᠨ ᠾᠦᠩᠨᠤ ᠶᠢᠨ ᠦᠶᠡ ᠠᠴᠠ ᠠᠪᠤᠭᠠᠳ ᠤᠳᠤᠨ ᠵᠢᠷᠤᠬᠠᠢ ᠶᠢ ᠬᠡᠷᠡᠭᠯᠡᠨ ᠤᠨ ᠵᠢᠯ ᠲᠡᠮᠳᠡᠭᠯᠡᠵᠦ | ᠪᠠᠶᠢᠭᠰᠠᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠲᠡᠷᠡ ᠨᠢ ᠲᠤᠬᠠᠢ ᠶᠢᠨ ᠴᠠᠭ ᠲᠤ ᠲᠠᠪᠰᠢᠭᠰᠠᠨ ᠰᠤᠶᠤᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠢ ᠲᠦᠯᠦᠭᠡᠯᠡᠵᠦ ᠪᠠᠶᠢᠭᠰᠠᠨ ᠪᠤᠯᠬᠤᠷ ᠪᠤᠰᠤᠳ | ᠤᠯᠤᠰ ᠤᠷᠤᠨ ᠨᠤᠭᠤᠳ ᠲᠤ ᠴᠦ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠢ ᠲᠡᠦᠭᠡᠨ ᠮᠡᠳᠡᠭᠡ ᠰᠡᠯᠳᠡ ᠬᠡᠷᠡᠴᠢᠯᠡᠨᠡ᠃ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠪᠤᠶᠤ ᠶᠡᠭᠡ ᠶᠤᠸᠠᠨ ᠤ | ᠦᠶᠡ ᠳᠤ ᠮᠤᠩᠭᠤᠯᠴᠤᠳ ᠡᠷᠳᠡᠨ ᠤ ᠠᠩᠨᠠᠯ ᠮᠠᠯᠵᠢᠯ ᠤᠨ ᠠᠵᠤ ᠠᠬᠤᠢ ᠶᠢᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠪᠤᠢ ᠪᠤᠯᠤᠭᠰᠠᠨ ᠠᠳᠤᠭᠤᠰᠤ ᠠᠮᠢᠳᠠᠨ ᠤ ᠬᠤᠸᠠᠩᠯᠢ ᠶᠢ | ᠬᠡᠷᠡᠭᠯᠡᠵᠦ ᠤᠨ ᠵᠢᠯ ᠰᠠᠷᠠ ᠡᠳᠦᠷ ᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠭᠰᠠᠨ ᠪᠦᠭᠡᠳ ᠬᠢᠳᠠᠳ ᠤᠨ ᠬᠤᠷᠢᠨ ᠲᠦᠷᠪᠡᠨ ᠴᠠᠭ ᠤᠯᠠᠷᠢᠯ ᠢ ᠴᠦ ᠰᠤᠨᠢᠷᠬᠠᠨ ᠰᠤᠳᠤᠯᠵᠤ ᠪᠠᠶᠢᠯᠠ᠃ | ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠰᠢᠨᠵᠢᠯᠡᠭᠡᠨ ᠤ ᠨᠡᠶᠢᠭᠡᠮᠯᠢᠭ ᠤᠨ ᠤᠷᠤᠯᠠᠭᠴᠢ ᠲᠠᠷᠤᠭᠠ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ | ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠤᠨ ᠰᠤᠳᠤᠯᠤᠭᠴᠢ ᠨᠠ᠊ · ᠱᠤᠩᠬᠤᠷ ᠭᠤᠸᠠᠢ ᠶᠢᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠂ ︽ᠤᠮᠠᠷᠠᠳᠤ ᠶᠤᠸᠠᠨ ᠤ ᠵᠢᠷᠤᠬᠠᠢ ᠶᠢᠨ ᠪᠢᠴᠢᠭ︾ | ᠪᠤᠯᠪᠠᠰᠤ ᠦᠨᠡᠨ ᠳᠡᠭᠡᠨ ᠲᠦᠪᠡᠳ ᠲᠠᠩᠭᠤᠳ ᠲᠤ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠮᠤᠩᠭᠤᠯ ᠤᠳᠤᠨ ᠵᠢᠷᠤᠬᠠᠢ ᠡᠷᠬᠢᠭᠡᠳ ᠮᠤᠩᠭᠤᠯ ᠳᠤ ᠪᠤᠴᠠᠵᠤ ᠢᠷᠡᠭᠰᠡᠨ ᠴᠠᠭ ᠦᠶᠡ ᠶᠢᠨ | ᠲᠦᠷᠦᠳᠡᠰᠦ ᠪᠤᠯᠤᠨᠠ᠃ ︽ᠤᠮᠠᠷᠠᠳᠤ ᠶᠤᠸᠠᠨ ᠤ ᠵᠢᠷᠤᠬᠠᠢ ᠶᠢᠨ ᠪᠢᠴᠢᠭ︾ ᠬᠡᠳᠡᠭ ᠨᠢ ᠰᠤᠳᠤᠯᠬᠤ ᠳᠤ ᠲᠦᠬᠦᠮ ᠢ ᠪᠤᠳᠤᠵᠤ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠰᠢᠨᠡ ᠪᠠᠷ | ᠦᠭᠬᠦᠭᠰᠡᠨ ᠨᠡᠷ ᠡ ᠪᠤᠯᠬᠤ ᠶᠤᠮ᠃ ᠡᠨᠡ ᠪᠢᠴᠢᠭ ᠤᠨ ᠤᠤᠯ ᠡᠭᠡ ᠨᠢ 90 ᠬᠠᠭᠤᠳᠠᠰᠤ ︵ᠡᠴᠦᠰ ᠤᠨ ᠬᠠᠭᠤᠳᠠᠰᠤ ᠶᠢ ᠭᠠᠷᠭᠠᠪᠠᠯ ᠬᠠᠭᠤᠳᠠᠰᠤ ᠪᠤᠯᠭᠠᠨ ᠠᠷᠤ | ᠦᠪᠦᠷ ᠬᠤᠶᠠᠷ ᠨᠢᠭᠤᠷ ᠲᠠᠢ︶ ᠲᠠᠢ᠂ ᠦᠵᠦᠭ ᠪᠢᠷ ᠢᠶᠠᠷ ᠪᠢᠴᠢᠭᠳᠡᠭᠰᠡᠨ ᠰᠤᠳᠤᠷ ᠬᠡᠯᠪᠡᠷᠢ ᠲᠠᠢ᠂ 11.4 x 24.5 ᠬᠡᠮᠵᠢᠶᠡ ᠲᠠᠢ᠂ ᠭᠠᠳᠠᠷ ᠬᠠᠭᠤᠳᠠᠰᠤ ᠨᠢ | ᠰᠡᠮᠡᠷᠡᠭᠰᠡᠨ ᠲᠤᠯᠠ ᠨᠡᠷ ᠡ ᠨᠢ ᠲᠤᠳᠤ ᠦᠭᠡᠢ᠂ ᠠᠷᠤ ᠳᠤᠨᠢ ︽ᠮᠠᠨᠵᠤᠱᠢᠷᠢ ᠶᠢᠨ ᠢᠯᠳᠦ ᠪᠠᠷ ᠵᠠᠶᠠᠭᠠ ᠪᠤᠳᠤᠬᠤ ᠰᠤᠳᠤᠷ︾ ᠨᠡᠶᠢᠯᠡᠨ ᠲᠠᠭᠠᠯᠳᠤᠵᠤ ᠪᠠᠶᠢᠭᠰᠠᠨ | ᠪᠤᠯᠬᠤᠷ ᠨᠤᠮ ᠤᠨ ᠰᠠᠩ ᠤᠨ ᠠᠵᠢᠯᠳᠠᠳ ᠲᠠᠭᠠᠯᠳᠤᠭᠤᠯᠤᠯ ᠰᠤᠳᠤᠷ ᠤᠨ ᠨᠡᠷ ᠡ ᠪᠠᠷ ᠨᠢ ᠠᠳᠡᠬᠦᠷᠡᠨ ᠨᠡᠷᠡᠯᠡᠵᠦ ᠢᠷᠡᠭᠰᠡᠨ ᠶᠤᠮ᠃ ︽ᠬᠤᠷᠢᠨ ᠨᠠᠢᠮᠠᠨ ᠯᠠᠺᠱᠠᠳᠠᠷ | ︵ᠨᠠᠺᠱᠠᠳᠠᠷ︶ ᠲᠤᠯᠤᠭᠠᠨ ᠺᠠᠷᠠᠭ ᠯᠤᠭᠠ ᠰᠢᠳᠦᠵᠦ ᠶᠡᠷᠦ ᠬᠤᠷᠢᠶᠠᠩᠭᠤᠢ ᠲᠤᠭᠠ ᠦᠵᠯᠡᠭᠡ ᠲᠡᠬᠦᠰᠭᠡᠪᠡᠢ︾ ᠬᠡᠮᠡᠬᠦ ᠨᠤᠮ ᠤᠨ ᠲᠡᠬᠦᠰᠭᠡᠯ ᠠᠴᠠ ᠨᠢ ᠡᠨᠡ ᠨᠤᠮ ᠤᠨ | ᠨᠡᠷᠡ ᠪᠠ ᠠᠭᠤᠯᠭᠠ ᠶᠢ ᠶᠡᠭᠡ ᠲᠦᠯᠦᠪ ᠦᠵᠡᠵᠦ ᠭᠠᠷᠴᠤ ᠪᠤᠯᠬᠤ ᠶᠤᠮ᠃ | ᠤᠮᠠᠷᠠᠳᠤ ᠶᠤᠸᠠᠨ ᠤ ᠦᠶᠡ ᠳᠤ ᠶᠠᠯᠳᠠᠩ ᠬᠤᠰᠢᠭᠤᠴᠢ ᠲᠠᠶᠢᠵᠢ ᠰᠡᠳᠦᠵᠦ᠂ ᠲᠦᠢᠨ ᠴᠤᠭ ᠲᠤ ᠬᠡᠮᠡᠭᠴᠢ ᠲᠦᠪᠡᠳ ᠬᠡᠯᠡᠨ ᠠᠴᠠ ᠮᠤᠩᠭᠤᠯᠴᠢᠯᠠᠭᠰᠠᠨ | ᠪᠠ ᠲᠦᠢᠨ ᠰᠤᠳᠨᠠᠮ ᠪᠠ ᠴᠤᠩ ᠰᠠᠩᠪᠤ᠂ ᠲᠦᠢᠨ ᠰᠢᠷᠤᠪ ᠪᠢᠴᠢᠭᠰᠡᠨ ᠡᠨᠡᠬᠦ ᠤᠳᠤᠨ ᠵᠢᠷᠤᠬᠠᠢ ᠶᠢᠨ ᠪᠢᠴᠢᠭ ᠪᠤᠯ ᠮᠠᠰᠢ ᠴᠢᠬᠤᠯᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ | ᠦᠨᠡ ᠴᠡᠨᠡ ᠪᠦᠬᠦᠢ ᠬᠤᠪᠤᠷ ᠴᠤᠬᠠᠭ ᠨᠤᠮ ᠪᠤᠯᠬᠤ ᠶᠤᠮ᠃ ᠤᠤᠯ ᠨᠢ ᠦᠪᠦᠷ ᠮᠤᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠡᠩ ᠤᠨ | ᠨᠤᠮ ᠤᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠤᠯᠪᠠᠴᠤ᠂ ᠡᠳᠦᠭᠡ ᠤᠯᠳᠠᠭᠳᠠᠬᠤ ᠪᠠᠨ ᠪᠤᠯᠢᠪᠠ᠃ ᠪᠡᠭᠡᠵᠢᠩ ᠨᠤᠮ ᠤᠨ ᠰᠠᠩ ᠤᠨ ᠬᠡᠪᠯᠡᠯ ᠤᠨ | ᠬᠤᠢᠷᠶᠠ ᠠᠴᠠ ᠬᠡᠪᠯᠡᠬᠦᠯᠦᠭᠰᠡᠨ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠳᠡᠨ ᠤ ᠮᠤᠩᠭᠤᠯ ᠨᠤᠮ ᠪᠢᠴᠢᠭ ᠤᠨ ᠶᠡᠷᠦᠩᠭᠡᠢ ᠭᠠᠷᠴᠠᠭ︾ ︵1999︶ ᠳᠤ ᠮᠦᠨ ᠬᠠᠷᠠᠭᠳᠠᠬᠤ ᠦᠭᠡᠢ | ᠪᠢᠯᠠ᠃ ᠲᠡᠶᠢᠮᠦ ᠠᠴᠠ ᠨᠠ᠊ · ᠱᠤᠩᠬᠤᠷ ᠬᠤᠸᠠᠢ ᠠᠷᠪᠠᠭᠠᠳ ᠵᠢᠯ ᠤᠨ ᠡᠮᠦᠨᠡ ᠠᠪᠤᠭᠰᠠᠨ ᠹᠤᠲ᠋ᠤ᠋ ᠵᠢᠷᠤᠭ ᠲᠠᠭᠠᠨ ᠦᠨᠳᠦᠰᠦᠯᠡᠵᠦ ᠲᠤᠰ ᠨᠤᠮ ᠢ ᠬᠡᠪᠯᠡᠬᠦᠯᠦᠨ | ᠭᠠᠷᠭᠠᠭᠰᠠᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ ᠬᠡᠳᠦ᠋ᠢᠪᠡᠷ ᠢᠯᠭᠤᠭᠰᠠᠨ ᠤ ᠨᠤᠮᠯᠠᠭᠰᠠᠨ ᠰᠤᠳᠤᠷ ᠳ᠋ᠨᠨᠳᠠᠷᠠ ︽ᠴᠠᠭ ᠤᠨ ᠬᠦᠷᠳᠦᠨ ︾ ᠤ ᠢᠵᠠᠭᠤᠷ ᠦᠨᠳᠦᠰᠦᠨ᠂ ︽ᠬᠠᠮᠤᠭ | ᠪᠤᠷᠬᠠᠳ ᠯᠤᠭᠠ ᠲᠡᠭᠰᠢ ᠪᠠᠷᠢᠯᠳᠤᠭᠴᠢ ᠲᠠᠬᠢᠨᠢ ᠶᠧᠯᠸᠢ ᠵᠢᠷᠭᠠᠯᠠᠩ ︾ ᠤᠨ ᠮᠠᠩᠯᠠᠢ ᠲᠡᠭᠡᠳᠦ᠂ ︽ᠪᠠᠷᠰ ᠤᠨ ᠴᠢᠬᠢᠳᠦ ᠶᠢᠨ ᠲᠤᠮᠤᠭ ᠢ ᠦᠬᠦᠯᠡᠬᠦᠢ︾ | ᠲᠡᠷᠢᠬᠦᠳᠡᠨ ᠳᠤᠷ ᠤᠳᠤᠨ ᠵᠢᠷᠤᠬᠠᠢ ᠶᠢ ᠨᠠᠷᠢᠨ ᠨᠤᠮᠯᠠᠭᠰᠠᠨ ᠵᠦᠢᠯ ᠪᠤᠢ ᠬᠡᠮᠡᠪᠡᠴᠦ᠂ ᠲᠤᠰ ᠵᠢᠷᠤᠬᠠᠢ ᠶᠢᠨ ᠪᠢᠴᠢᠭ ᠲᠤ ᠲᠤᠯᠤᠭᠠᠨ ᠭᠠᠷᠠᠭ ᠬᠤᠷᠢᠨ ᠨᠠᠢᠮᠠᠨ | ᠨᠡᠭᠱᠠᠳᠠᠷ ᠤᠨ ᠪᠠᠶᠢᠳᠠᠯ ᠢ ᠵᠢᠷᠤᠭ ᠬᠠᠪᠰᠤᠷᠭᠠᠨ ᠦᠵᠡᠬᠦᠯᠦᠭᠰᠡᠨ ᠨᠢ ᠰᠤᠷᠴᠤ ᠰᠤᠳᠤᠯᠤᠭᠴᠢᠳ ᠤᠨ ᠬᠠᠷᠠᠭᠠᠨ ᠰᠡᠷᠡᠯ ᠳᠤ ᠤᠨᠴᠠ ᠲᠦᠬᠦᠮ ᠲᠦᠳᠡ᠂ ᠬᠢᠯᠪᠠᠷ | ᠤᠢᠢᠯᠠᠭᠠᠮᠵᠢᠳᠠᠢ ᠪᠤᠯᠵᠤ᠂ ᠮᠤᠩᠭᠤᠯ ᠤᠳᠤᠨ ᠵᠢᠷᠤᠬᠠᠢ ᠶᠢᠨ ᠲᠤᠭᠠ ᠦᠵᠡᠯᠭᠡ ᠶᠢ ᠰᠤᠷᠴᠤ ᠰᠤᠳᠤᠯᠬᠤ ᠳᠤ ᠴᠢᠬᠤᠯᠠ ᠪᠦᠬᠦᠢ ᠰᠢᠨᠡ ᠮᠡᠳᠡᠭᠡ ᠵᠠᠩᠬᠢ ᠨᠤᠭᠤᠳ ᠢ | ᠬᠠᠩᠭᠠᠵᠤ ᠲᠡᠶᠢᠯᠦᠨᠡ᠃ ︵ᠨᠠᠷᠠᠩᠭᠤᠸᠠ︶ | | | | |