| | ᠡᠨᠡᠬᠦ ᠬᠠᠨ ᠤᠯᠤᠰ ᠤᠨ ᠤᠮᠠᠷᠠᠳᠤ ᠬᠡᠰᠡᠭ ᠲᠤ ᠬᠠᠩᠬᠠᠶᠢᠨ ᠰᠡᠬᠦᠶᠢᠭᠰᠡᠨ ᠬᠦᠴᠦᠷᠬᠡᠭ ᠶᠡᠭᠡ ᠪᠤᠭᠤᠯ ᠤᠨ ᠡᠵᠡᠨᠳᠦ ᠭᠠᠭᠴᠠᠭᠠᠷ ᠡᠵᠡᠮᠰᠢᠯᠳᠦ ᠤᠯᠤᠰ ᠨᠢ | ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠲᠠᠯᠠ ᠪᠠᠷ ᠭᠤᠷᠪᠠᠨ ᠬᠡᠰᠡᠭ ᠲᠤ ᠬᠤᠪᠢᠶᠠᠭᠳᠠᠳᠠᠭ᠃ ᠳᠤᠮᠳᠠ ᠬᠡᠰᠡᠭ ᠨᠢ ᠴᠠᠨ ᠢᠦᠢ ᠶᠢᠨ ᠰᠢᠭᠤᠳ ᠡᠵᠡᠮᠰᠢᠯ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ | ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠬᠡᠰᠡᠭ ᠲᠤ ᠲᠤᠰ ᠪᠦᠷᠢ ᠵᠡᠬᠦᠨ ᠪᠠᠷᠠᠭᠤᠨ ᠮᠡᠷᠭᠡᠨ ᠸᠠᠩ ᠲᠤᠬᠢᠷᠠᠭᠤᠯᠤᠨ ᠬᠠᠷᠢᠶᠠᠯᠠᠭᠤᠯᠵᠠᠢ᠃ ᠾᠸᠤᠩᠨᠤ ᠶᠢᠨ ᠴᠠᠨ ᠢᠦᠢ ᠲᠢᠩᠬᠢᠮ ︵ | ᠯᠤᠤ ᠶᠢᠨ ᠲᠢᠩᠬᠢᠮ ᠪᠤᠶᠤ ᠯᠤᠤ ᠶᠢᠨ ᠬᠤᠳᠠ︶ ᠨᠢ ᠤᠳᠤ ᠶᠢᠨ ᠮᠤᠩᠭᠤᠯ ᠤᠯᠤᠰ ᠤᠨ ᠤᠷᠬᠤᠨ ᠭᠤᠤᠯ ᠤᠨ ᠡᠷᠬᠢ ᠳᠠᠬᠢ ᠬᠤᠰᠢᠭᠤ ᠴᠠᠶᠢᠳᠠᠮ ᠨᠠᠭᠤᠷ ᠤᠨ | ᠤᠶᠢᠷᠠᠯᠴᠠᠭᠠ ᠪᠠᠶᠢᠵᠠᠢ᠂ ᠡᠨᠡ ᠪᠤᠯ ᠤᠮᠠᠷᠠᠳᠤ ᠲᠢᠩᠬᠢᠮ ᠪᠤᠯᠤᠨᠠ᠃ ᠡᠮᠦᠨᠡᠳᠦ ᠲᠢᠩᠬᠢᠮ ᠨᠢ ᠤᠳᠤ ᠶᠢᠨ ᠤᠯᠠᠭᠠᠨᠴᠠᠪ ᠬᠤᠳᠠ ᠶᠢᠨ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ | ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠲᠦᠷᠦᠳᠡᠢ ᠤᠷᠴᠢᠮ ᠪᠤᠢ᠃ ᠮᠤᠳᠤᠨ ᠴᠠᠨ ᠢᠦᠢ ᠡᠮᠦᠨᠡᠳᠦ ᠲᠢᠩᠬᠢᠮ ᠳᠤ ᠪᠠᠶᠢᠬᠤ ᠦᠶᠡ ᠳᠤ᠂ ᠲᠡᠬᠦᠨ ᠤ ᠵᠠᠬᠢᠷᠭᠠᠨ ᠲᠤᠤᠷᠠᠬᠢ | ᠳᠤᠮᠳᠠ ᠬᠡᠰᠡᠭ ᠤᠨ ᠴᠡᠷᠢᠭ ᠮᠤᠷᠢ ᠨᠢ ᠡᠮᠦᠨᠡᠰᠢ ᠬᠠᠨ ᠤᠯᠤᠰ ᠤᠨ ᠳ᠋ᠠᠢ ᠵᠢᠶᠦ᠋ᠨ ︵ᠤᠳᠤ ᠶᠢᠨ ᠾᠧᠪᠸᠢ ᠮᠤᠵᠢ ᠶᠢᠨ ᠸᠧᠢ ᠰᠢᠶᠠᠨ︶ ᠤ ᠶᠦᠨ ᠵᠦᠩ ︵ᠤᠳᠤ | ᠶᠢᠨ ᠲᠤᠭᠳᠠᠬᠤ ᠰᠢᠶᠠᠨ ᠤ ᠵᠠᠬᠦᠨ ᠬᠤᠶᠢᠳᠤ ᠬᠡᠰᠡᠭ︶ ᠤᠷᠤᠨ ᠲᠠᠢ ᠡᠭᠴᠡ ᠬᠠᠷᠠᠯᠴᠠᠵᠤ ᠪᠠᠶᠢᠪᠠ᠃ ᠵᠡᠬᠦᠨ ᠬᠡᠰᠡᠭ ᠨᠢ ᠵᠡᠬᠦᠨ ᠬᠤᠶᠢᠳᠤ ᠤᠷᠤᠨ ᠢ ᠡᠵᠡᠮᠰᠢᠨ᠂ | ᠵᠡᠬᠦᠨ ᠮᠡᠷᠭᠡᠨ ᠸᠠᠩ ᠤᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠵᠤ᠂ ᠡᠮᠦᠨᠡᠰᠢ ᠬᠠᠨ ᠤᠯᠤᠰ ᠤᠨ ᠱᠠᠩ ᠭᠦ᠋ ︵ᠤᠳᠤ ᠶᠢᠨ ᠾᠧᠪᠸᠢ ᠮᠤᠵᠢ ᠶᠢᠨ ᠬᠤᠸᠠᠢ ᠯᠠᠢ ᠰᠢᠶᠠᠨ︶ ᠠᠴᠠ | ᠵᠡᠬᠦᠨᠰᠢᠬᠢ ᠤᠷᠤᠨ ᠲᠠᠢ ᠰᠢᠭᠤᠳ ᠵᠤᠯᠭᠠᠯᠳᠤᠵᠤ ᠪᠠᠶᠢᠪᠠ᠃ ᠪᠠᠷᠠᠭᠤᠨ ᠬᠡᠰᠡᠭ ᠨᠢ ᠪᠠᠷᠠᠭᠤᠨ ᠲᠠᠯᠠ ᠳᠤ ᠰᠠᠭᠤᠷᠢᠰᠢᠭᠰᠠᠨ ᠪᠠᠷᠠᠭᠤᠨ ᠮᠡᠷᠭᠡᠨ ᠸᠠᠩ ᠤᠨ ᠬᠠᠷᠢᠶᠠᠨ | ᠳᠤ ᠬᠤᠪᠢᠶᠠᠭᠳᠠᠵᠤ᠂ ᠡᠮᠦᠨᠡᠰᠢ ᠬᠠᠨ ᠤᠯᠤᠰ ᠤᠨ ᠱᠠᠩ ᠵᠢᠶᠦ᠋ᠨ ᠠᠴᠠ ᠪᠠᠷᠠᠭᠤᠨᠰᠢ᠂ ᠭᠠᠨᠰᠦ ᠶᠢᠨ ᠡᠮᠦᠨᠡᠳᠦ ᠬᠡᠰᠡᠭ ᠪᠠ ᠬᠦᠬᠡᠨᠠᠭᠤᠷ ᠤᠨ ᠪᠦᠰᠡ ᠨᠤᠳᠤᠭ | ᠬᠦᠷᠳᠡᠯᠡᠬᠢ ᠤᠷᠤᠨ ᠲᠠᠢ ᠵᠠᠯᠭᠠᠯᠳᠤᠵᠤ ᠪᠠᠶᠢᠪᠠ᠃ ᠪᠠᠷᠠᠭᠤᠨ ᠬᠠᠨ ᠤ ᠦᠶᠡ ᠶᠢᠨ ᠾᠸᠤᠩᠨᠤ ᠪᠤᠷᠤᠲᠤᠬᠤᠢ ᠶᠢ ᠡᠵᠡᠯᠡᠵᠦ ᠪᠠᠶᠢᠭᠰᠠᠨ ᠦᠶᠡ ᠳᠤ᠂ ᠲᠤᠰ | ᠬᠤᠰᠢᠭᠤᠨ ᠤ ᠭᠠᠵᠠᠷ ᠨᠤᠳᠤᠭ ᠨᠢ ᠪᠠᠷᠠᠭᠤᠨ ᠮᠡᠷᠭᠡᠨ ᠸᠠᠩ ᠤᠨ ᠡᠵᠡᠮᠰᠢᠯ ᠤᠷᠤᠨ ᠳᠤ ᠪᠠᠭᠳᠠᠭᠳᠠᠵᠤ ᠪᠠᠶᠢᠵᠠᠢ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ | 201 ᠤᠨ ︵ᠬᠠᠨ ᠭᠤᠤᠽᠦ ᠶᠢᠨ ᠵᠢᠷᠭᠤᠳᠤᠭᠠᠷ ᠤᠨ︶ ᠳᠤ᠂ ᠾᠸᠤᠩᠨᠤ ᠶᠢᠨ ᠶᠡᠭᠡ ᠴᠡᠷᠢᠭ ᠬᠢᠳᠡᠳ ᠤᠨ ᠲᠦᠪ ᠨᠤᠳᠤᠭ ᠲᠤ ᠴᠦᠮᠦᠷᠡᠨ ᠤᠷᠤᠵᠤ᠂ ᠬᠠᠨ | ᠸᠠᠩ ᠰᠢᠨ ᠤ ᠨᠡᠶᠢᠰᠯᠡᠯ ᠬᠤᠳᠠ ᠮᠠ ᠢ ︵ᠤᠳᠤ ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ ᠱᠦᠸᠧ ᠰᠢᠶᠠᠨ︶ ᠢ ᠳᠠᠭᠠᠷᠢᠨ ᠡᠵᠡᠯᠡᠬᠦ ᠶᠢᠨ ᠬᠠᠮᠳᠤ ᠡᠮᠦᠨᠡᠰᠢ ᠶᠢᠨ ᠶᠠᠩ ︵ᠤᠳᠤ | ᠶᠢᠨ ᠱᠠᠨ ᠰᠢ ᠮᠤᠵᠢ ᠶᠢᠨ ᠲᠠᠶᠢᠶᠤᠸᠠᠨ︶ ᠳᠤ ᠲᠤᠯᠪᠠ᠃ ᠳᠠᠷᠠᠭᠠ ᠵᠢᠯ ᠨᠢ᠂ ᠬᠠᠨ ᠭᠤᠤᠽᠦ ᠯᠢᠦ ᠪᠠᠩ ᠦᠪᠡᠷ ᠢᠶᠠᠨ ᠭᠤᠴᠢᠨ ᠬᠤᠶᠠᠷ ᠲᠦᠮᠡᠨ ᠶᠡᠭᠡ ᠴᠡᠷᠢᠭ | ᠳᠠᠶᠢᠴᠢᠯᠠᠨ ᠡᠰᠡᠷᠬᠦᠴᠡᠭᠰᠡᠨ ᠪᠤᠯᠪᠠᠴᠤ ᠲᠡᠬᠦᠨ ᠤ ᠶᠡᠭᠡ ᠴᠡᠷᠢᠭ ᠠᠩᠬᠢ ᠪᠤᠯᠤᠨ ᠮᠠᠩᠯᠠᠢ ᠴᠡᠷᠢᠭ ᠠᠩᠬᠢ ᠨᠢ ᠴᠦᠮ ᠫᠢᠩ ᠴᠧᠩ ᠤᠨ ᠪᠠᠢ ᠳ᠋ᠧᠩ ᠱᠠᠨ ᠠᠭᠤᠯᠠᠨ | ᠳᠤ ᠾᠸᠤᠩᠨᠤ ᠶᠢᠨ ᠴᠡᠷᠢᠭ ᠲᠤ ᠳᠤᠯᠤᠭᠠᠨ ᠰᠦᠨᠢ ᠳᠤᠯᠤᠭᠠᠨ ᠡᠳᠦᠷ ᠪᠦᠰᠡᠯᠡᠭᠳᠡᠵᠦ᠂ ᠬᠠᠨ ᠭᠤᠤᠽᠦ ᠠᠷᠭᠠ ᠪᠤᠰᠤ ᠤᠷᠤᠭ ᠪᠠᠷᠢᠯᠳᠤᠵᠤ ᠡᠪᠰᠡᠬᠦ ᠭᠡᠷᠡ | ᠲᠤᠭᠳᠠᠵᠠᠢ᠃ ᠬᠦᠩᠵᠦ ᠪᠠᠨ ᠬᠦᠷᠭᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠵᠢᠯ ᠪᠦᠷᠢ ᠲᠤᠷᠭᠠ ᠲᠤᠷᠳᠤᠩ ᠠᠮᠤ ᠪᠤᠳᠠᠭᠠ ᠬᠦᠷᠭᠡᠵᠦ᠂ ᠪᠤᠭᠤᠮᠳᠠ ᠨᠡᠭᠡᠭᠡᠵᠦ ᠠᠷᠠᠯᠵᠢᠶᠠ | ᠨᠡᠪᠳᠡᠷᠡᠯᠴᠡᠵᠦ᠂ ᠾᠸᠤᠩᠨᠤ ᠲᠠᠢ ᠠᠬᠠᠨ ᠳᠡᠭᠦᠰ ᠪᠠᠷᠢᠯᠳᠤᠵᠠᠢ᠃ ᠡᠶᠢᠮᠦᠷᠬᠦ ᠤᠷᠤᠭ ᠪᠠᠷᠢᠯᠳᠤᠨ ᠡᠪᠰᠡᠬᠦ ᠲᠦᠷᠦ ᠶᠢᠨ ᠪᠤᠳᠤᠯᠭᠠ ᠨᠢ ᠬᠠᠨ ᠤᠯᠤᠰ ᠤᠨ ᠡᠬᠢᠨ ᠤ | ᠲᠠᠯᠠᠨ ᠵᠢᠯ ᠤᠨ ᠲᠤᠷᠰᠢ ᠶᠡᠷᠦ ᠬᠤᠪᠢᠷᠠᠭᠠ ᠦᠭᠡᠢ᠃ ᠡᠨᠡᠬᠦ ᠬᠤᠭᠤᠴᠠᠭᠠᠨ ᠳᠤ᠂ ᠾᠸᠤᠩᠨᠤ ᠮᠦᠨ ᠡᠮᠦᠨᠡᠰᠢ ᠪᠤᠭᠤᠮᠳᠠ ᠳᠤ ᠬᠡᠳᠦᠨ ᠠᠷᠪᠠᠨ ᠤᠳᠠᠭᠠᠨ ᠤ | ᠲᠠᠭᠠᠷᠢᠯᠳᠠ ᠬᠢᠵᠡᠢ᠃ ᠬᠠᠨ ᠤᠯᠤᠰ ᠨᠢ « ᠸᠧᠨ ᠵᠢᠩ ᠤᠨ ᠵᠠᠰᠠᠯᠳᠠ» ᠪᠠᠷ ᠳᠠᠮᠵᠢᠨ ᠤᠷᠳᠤ ᠬᠤᠭᠤᠴᠠᠭᠠᠨ ᠤ ᠵᠠᠰᠠᠨ ᠰᠡᠯᠪᠢᠯᠳᠡ ᠬᠢᠭᠰᠡᠨ ᠠᠴᠠ ᠤᠯᠤᠰ | ᠤᠨ ᠬᠦᠴᠦᠨ ᠨᠢ ᠠᠭᠠᠵᠢᠮ ᠢᠶᠠᠷ ᠰᠡᠷᠬᠦᠨ ᠪᠤᠰᠤᠭᠰᠠᠨ ᠪᠠᠶᠢᠨᠠ᠃ ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠤ ᠦᠶᠡ ᠪᠤᠯᠬᠤ ᠳᠤ᠂ ᠬᠠᠨ ᠤᠯᠤᠰ ᠡᠬᠢᠯᠡᠨ ᠾᠸᠤᠩᠨᠤ ᠳᠤ | ᠢᠳᠡᠪᠬᠢᠳᠡᠢ ᠪᠠᠷ ᠲᠠᠭᠠᠷᠢᠯᠳᠠ ᠬᠢᠵᠦ᠂ ᠤᠷᠢᠳ ᠬᠤᠵᠢᠳ ᠠᠷᠪᠠᠭᠠᠳ ᠤᠳᠠᠭᠠ ᠴᠡᠷᠢᠭᠯᠡᠵᠦ᠂ ᠡᠬᠦᠨ ᠤ ᠲᠤᠳᠤᠷᠠ ᠭᠤᠷᠪᠠ ᠤᠳᠠᠭᠠᠨ ᠤ ᠲᠤᠮᠤ ᠬᠡᠪᠴᠢᠶᠡᠨ ᠤ | ᠳᠠᠶᠢᠨ ᠬᠢᠭᠰᠡᠨ ᠪᠠᠶᠢᠨᠠ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ127 ᠤᠨ ᠳᠤ᠂ ᠬᠠᠨ ᠤᠯᠤᠰ ᠤᠨ ᠵᠠᠩᠵᠤᠨ ᠸᠧᠢ ᠴᠢᠩ ᠴᠡᠷᠢᠭ ᠳᠠᠶᠢᠴᠢᠯᠠᠨ | ᠪᠠᠷᠠᠭᠤᠨᠰᠢ ᠳᠠᠭᠠᠷᠢᠵᠤ᠂ ᠾᠸᠤᠩᠨᠤ ᠶᠢᠨ ᠯᠸᠤ ᠹᠠᠨ ᠢ ᠢᠯᠠᠵᠤ᠂ ᠾᠧ ᠨᠠᠨ ᠤᠷᠤᠨ ᠢ ᠪᠤᠴᠠᠭᠠᠨ ᠠᠪᠴᠤ᠂ ᠱᠦᠸᠧ ᠹᠠᠩ ᠵᠢᠶᠦ᠋ᠨ ᠪᠤᠯᠤᠨ ᠦᠶᠤᠸᠠᠨ ᠵᠢᠶᠦ᠋ᠨ | ᠢ ᠪᠠᠶᠢᠭᠤᠯᠵᠠᠢ᠃ ᠮᠦᠨ ᠠᠷᠪᠠᠨ ᠲᠦᠮᠡᠨ ᠶᠠᠳᠠᠭᠤ ᠠᠷᠠᠳ ᠢ ᠡᠯᠰᠡᠨ ᠱᠦᠸᠧ ᠹᠠᠩ ᠳᠤ ᠨᠡᠬᠦᠯᠭᠡᠨ ᠠᠪᠴᠢᠷᠠᠪᠠ᠃ ᠴᠢᠨ ᠤᠯᠤᠰ ᠤᠨ ᠦᠶᠡ ᠳᠤ | ᠪᠠᠶᠢᠭᠤᠯᠤᠭᠰᠠᠨ ᠬᠤᠳᠠ ᠪᠠᠬᠢᠯᠡᠯᠳᠡ ᠶᠢ ᠵᠠᠰᠠᠨ ᠰᠡᠯᠪᠢᠵᠦ᠂ ᠬᠠᠳᠤᠨ ᠭᠤᠤᠯ ᠤᠨ ᠬᠦᠪᠡᠭᠡ ᠲᠠᠭᠠᠤ ᠶᠢᠨ ᠰᠡᠷᠭᠡᠶᠢᠯᠡᠯᠳᠡ ᠪᠠᠬᠢᠯᠡᠯᠳᠡ ᠶᠢ ᠪᠠᠬᠢᠵᠢᠬᠦᠯᠵᠡᠢ᠃ ᠲᠡᠬᠦᠨ | ᠤ ᠪᠠᠶᠢᠭᠤᠯᠤᠭᠰᠠᠨ ᠱᠦᠸᠧ ᠹᠠᠩ ᠵᠢᠶᠦ᠋ᠨ ︵ᠵᠢᠶᠦ᠋ᠨ ᠤ ᠵᠠᠬᠢᠷᠭᠠᠨ ᠭᠠᠵᠠᠷ ᠨᠢ ᠤᠳᠤ ᠶᠢᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠲᠤᠭᠤᠢ ᠲᠠᠯᠠ ᠶᠢᠨ ᠪᠠᠷᠠᠭᠤᠨ ᠳᠠᠬᠢ | ᠬᠠᠳᠤᠨ ᠭᠤᠤᠯ ᠤᠨ ᠡᠮᠦᠨᠡ ᠡᠷᠬᠢ ᠳᠤ ᠪᠤᠢ︶ ᠨᠢ ᠤᠳᠤ ᠶᠢᠨ ᠪᠠᠶᠠᠨᠨᠠᠭᠤᠷ ᠶᠢᠨ ᠠᠷᠤ ᠲᠤᠬᠤᠢ ᠪᠠ ᠶᠡᠭᠡ ᠵᠤᠤ ᠶᠢᠨ ᠬᠠᠩᠬᠢᠨ ᠬᠤᠰᠢᠭᠤᠨ ᠤ ᠨᠤᠳᠤᠭ ᠤᠷᠤᠨ | ᠢ ᠪᠠᠭᠳᠠᠭᠠᠵᠤ᠂ ᠠᠷᠪᠠᠨ ᠰᠢᠶᠠᠨ ᠢ ᠬᠠᠮᠤᠷᠴᠤ ᠪᠠᠶᠢᠵᠠᠢ᠂ ᠲᠡᠳᠡᠭᠡᠷ ᠨᠢ ᠲᠤᠰ ᠪᠦᠷᠢ᠄ ᠢᠦᠢ ᠾᠦᠨ᠂ ᠰᠠᠨ ᠹᠧᠩ᠂ ᠯᠢᠨ ᠷᠦᠩ᠂ ᠯᠢᠨᠾᠧ᠂ ᠸᠧ ᠶᠧ᠂ | ᠭᠤᠸᠠᠩ ᠮᠤ᠋᠂ ᠱᠦᠸᠧ ᠹᠠᠩ᠂ ᠴᠢᠦᠢ ᠰᠸᠤ᠂ ᠰᠢᠦ ᠳ᠋ᠦ᠋᠂ ᠬᠤ᠋ ᠴᠢᠦ ᠵᠡᠷᠭᠡ ᠪᠤᠯᠤᠨᠠ᠃ ᠲᠤᠰ ᠬᠤᠰᠢᠭᠤᠨ ᠤ ᠭᠠᠵᠠᠷ ᠨᠢ ᠲᠠᠷᠤᠢ ᠯᠢᠨᠾᠧ ᠰᠢᠶᠠᠨ ︵ᠰᠢᠶᠠᠨ ᠤ | ᠬᠤᠳᠠ ᠨᠢ ᠤᠳᠤ ᠶᠢᠨ ᠯᠢᠨᠾᠧ ᠰᠢᠶᠠᠨ ᠤ ᠡᠤ ᠰᠢᠩ ᠰᠢᠶᠠᠩ ᠤᠨ ᠭᠤᠤ ᠶᠸᠤ ᠹᠠᠩ ᠭᠧ ᠳ᠋ᠠᠨ︶ ᠤ ᠬᠠᠷᠢᠶᠠ ᠤᠷᠤᠨ ᠪᠤᠯᠤᠨᠠ᠃ ᠴᠢᠨ ᠤᠯᠤᠰ ᠤᠨ ᠦᠶᠡ ᠶᠢᠨ | ᠵᠢᠦ ᠶᠤᠸᠠᠨ ᠵᠢᠶᠦ᠋ᠨ ᠢ ᠦᠶᠤᠸᠠᠨ ᠵᠢᠶᠦ᠋ᠨ ᠬᠡᠮᠡᠨ ᠨᠡᠷᠡ ᠶᠢ ᠨᠢ ᠦᠭᠡᠷᠡᠴᠢᠯᠡᠨ᠂ ᠤᠳᠤ ᠶᠢᠨ ᠶᠡᠭᠡ ᠵᠤᠤ ᠠᠶᠢᠮᠠᠭ ᠤᠨ ᠵᠡᠬᠦᠨ ᠬᠤᠶᠢᠳᠤ ᠬᠡᠰᠡᠭ᠂ ᠮᠤᠨᠠ ᠠᠭᠤᠯᠠ | ᠶᠢᠨ ᠤᠶᠢᠷᠠᠯᠴᠠᠭᠠ ᠪᠠ ᠪᠤᠭᠤᠳᠤ ᠶᠢᠨ ᠬᠡᠰᠡᠭ ᠭᠠᠵᠠᠷ ᠤᠷᠤᠨ ᠢ ᠬᠠᠷᠢᠶᠠᠯᠠᠭᠤᠯᠵᠤ ᠪᠠᠶᠢᠪᠠ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 121 ᠤᠨ ᠳᠤ᠂ | ᠵᠠᠩᠵᠤᠨ ᠾᠦᠸᠧ ᠴᠢᠦᠢ ᠪᠢᠩ ᠭᠠᠨᠰᠤ ᠶᠢᠨ ᠪᠠᠷᠠᠭᠤᠨ ᠠᠴᠠ ᠬᠤᠶᠠᠷ ᠤᠳᠠᠭᠠ ᠾᠸᠤᠩᠨᠤ ᠶᠢ ᠳᠠᠭᠠᠷᠢᠨ ᠴᠤᠬᠢᠵᠤ ᠢᠯᠠᠯᠳᠠ ᠤᠯᠪᠠ᠃ ᠾᠸᠤᠩᠨᠤ ᠶᠢᠨ ᠾᠦᠨ | ᠶᠧ ᠸᠠᠩ ᠨᠢ ᠰᠢᠦ ᠲᠦ᠋ ᠸᠠᠩ ᠢ ᠬᠦᠨᠦᠭᠡᠵᠦ᠂ ᠲᠦᠮᠡᠨ ᠢᠷᠭᠡᠳ ᠢᠶᠠᠨ ᠳᠠᠭᠠᠭᠤᠯᠤᠨ ᠬᠠᠨ ᠤᠯᠤᠰ ᠲᠤ ᠪᠠᠭᠤᠵᠤ ᠦᠭᠴᠦ᠂ ᠬᠠᠨ ᠤᠯᠤᠰ ᠲᠡᠳᠡᠨ ᠢ ᠯᠦᠩ ᠰᠢ | ᠂ ᠪᠸᠢ ᠳ᠋ᠢ᠂ ᠱᠠᠩ ᠵᠢᠶᠦ᠋ᠨ᠂ ᠱᠦᠸᠧ ᠹᠠᠩ᠂ ᠶᠦᠨ ᠵᠦᠩ ᠲᠠᠪᠤᠨ ᠵᠢᠶᠦ᠋ᠨ ᠤ ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠ ᠰᠠᠭᠤᠷᠢᠰᠢᠭᠤᠯᠵᠤ᠂ ᠲᠠᠪᠤᠨ ᠬᠠᠷᠢᠶᠠᠳᠤ ᠤᠯᠤᠰ | ᠬᠡᠮᠡᠨ ᠨᠡᠷᠡᠯᠡᠪᠡ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 119 ᠤᠨ ᠳᠤ᠂ ᠶᠡᠭᠡ ᠵᠠᠩᠵᠤᠨ ᠸᠧᠢ ᠴᠢᠩ ᠳ᠋ᠢᠩ ᠰᠢᠶᠠᠩ ᠠᠴᠠ ᠮᠤᠷᠳᠠᠵᠤ᠂ ᠫᠢᠶᠤᠤ ᠴᠢ | ᠵᠠᠩᠵᠤᠨ ᠾᠦᠸᠧ ᠴᠢᠦᠢ ᠪᠢᠩ ᠳ᠋ᠠᠢ ᠵᠢᠶᠦ᠋ᠨ ᠠᠴᠠ ᠴᠡᠷᠢᠭᠯᠡᠨ᠂ ᠲᠤᠰ ᠪᠦᠷᠢ ᠶᠡᠭᠡ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠭᠤᠪᠢ ᠶᠢᠨ ᠤᠮᠠᠷᠠᠳᠤ ᠳᠤ ᠬᠦᠨᠵᠡᠭᠡᠶᠢᠷᠡᠨ ᠤᠷᠤᠵᠤ᠂ | ᠾᠸᠤᠩᠨᠤ ᠶᠢᠨ ᠭᠤᠤᠯ ᠬᠦᠴᠦᠨ ᠳᠤ ᠴᠤᠬᠢᠯᠳᠠ ᠦᠭᠴᠦ᠂ ᠾᠸᠤᠩᠨᠤ ᠶᠡᠬᠡᠪᠡᠷ ᠢᠯᠠᠭᠳᠠᠵᠠᠢ᠃ ᠡᠨᠡᠬᠦ ᠭᠤᠷᠪᠠᠨ ᠤᠳᠠᠭᠠᠨ ᠤ ᠶᠡᠭᠡ ᠳᠠᠶᠢᠨ ᠤ ᠲᠠᠷᠠᠭᠠ᠂ | ᠾᠸᠤᠩᠨᠤᠴᠤᠳ ᠳᠠᠬᠢᠨ ᠭᠤᠪᠢ ᠶᠢᠨ ᠡᠮᠦᠨᠡ ᠤᠷᠤᠬᠤ ᠠᠴᠠ ᠪᠠᠨ ᠵᠢᠷᠦᠬᠡᠰᠢᠶᠡᠬᠦ ᠪᠤᠯᠪᠠ᠃ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 110 ᠤᠨ ᠳᠤ᠂ | ᠬᠠᠨ ᠡᠤ ᠳ᠋ᠢ ᠬᠠᠭᠠᠨ ᠦᠪᠡᠷᠲᠡᠭᠡᠨ ᠠᠷᠪᠠᠨ ᠨᠢᠢᠮᠠᠨ ᠲᠦᠮᠡᠨ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠶᠦᠨ ᠶᠠᠩ ᠪᠠᠷ ᠳᠠᠮᠵᠢᠨ ᠱᠠᠩ ᠵᠢᠶᠦ᠋ᠨ᠂ ᠰᠢ ᠾᠧ᠂ ᠱᠦᠸᠧ ᠹᠠᠩ᠂ | ᠦᠶᠤᠸᠠᠨ ᠠᠴᠠ ᠮᠤᠷᠳᠠᠵᠤ᠂ ᠴᠠᠭᠠᠨ ᠬᠡᠷᠡᠮ ᠢ ᠳᠠᠪᠠᠵᠤ᠂ ᠮᠤᠨᠢ ᠠᠭᠤᠯᠠ ᠶᠢ ᠲᠤᠭᠤᠯᠤᠨ᠂ ᠴᠠᠨ ᠢᠦᠢ ᠶᠢᠨ ᠲᠠᠶᠢᠵᠠ ᠳᠤ ᠠᠪᠠᠷᠢᠨ ᠭᠠᠷᠤᠭᠰᠠᠨ ᠪᠤᠯᠪᠠᠴᠤ᠂ | ᠾᠸᠤᠩᠨᠤ ᠶᠢᠨ ᠴᠠᠨ ᠢᠦᠢ ᠨᠢᠭᠡᠨᠳᠡ ᠬᠤᠯᠠ ᠵᠠᠶᠢᠯᠠᠨ ᠲᠤᠳᠠᠭᠠᠵᠤ᠂ ᠳᠠᠶᠢᠯᠠᠯᠳᠤᠬᠤ ᠠᠴᠠ ᠳᠠᠳᠠᠭᠠᠯᠵᠠᠭᠰᠠᠨ ᠪᠠᠶᠢᠨᠠ᠃ | ᠬᠠᠨ ᠡᠤ ᠳ᠋ᠢ ᠤᠮᠠᠷᠠᠰᠢ ᠳᠠᠶᠢᠯᠠᠭᠰᠠᠨ ᠠᠴᠠ ᠡᠬᠢᠯᠡᠭᠡᠳ ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 60 ᠤᠨ ᠪᠤᠯᠳᠠᠯᠠᠬᠢ ᠲᠠᠪᠢᠨ ᠵᠢᠯ ᠤᠨ ᠲᠤᠷᠰᠢ᠂ | ᠬᠠᠨ ᠤᠯᠤᠰ ᠠᠴᠠ ᠾᠸᠤᠩᠨᠤ ᠳᠤ ᠭᠤᠤᠯᠳᠠᠭᠤ ᠰᠢᠭᠤᠳ ᠰᠡᠷᠭᠡᠶᠢᠯᠡᠬᠦ ᠴᠢᠭᠯᠡᠯᠳᠡ ᠶᠢ ᠬᠡᠷᠡᠭᠵᠢᠬᠦᠯᠪᠡ᠃ ᠨᠢᠭᠡ ᠳᠤ᠂ ᠬᠢᠯᠢ ᠲᠠᠭᠠᠤ ᠶᠢᠨ ᠴᠠᠭᠠᠨ ᠬᠡᠷᠡᠮ ᠪᠠ | ᠬᠤᠳᠠ ᠶᠢᠨ ᠪᠠᠬᠢᠯᠡᠯᠳᠡ ᠶᠢ ᠨᠡᠮᠡᠨ ᠰᠡᠯᠪᠢᠵᠦ᠂ ᠲᠠᠰᠤᠷᠠᠯᠳᠠ ᠦᠭᠡᠢ ᠶᠡᠭᠡ ᠴᠡᠷᠢᠭ ᠲᠤᠮᠢᠯᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠪᠠ᠃ ᠤᠷᠢᠳ ᠬᠤᠵᠢᠳ ᠪᠠ ᠬᠤ᠋ ᠵᠠᠩᠵᠤᠨ | ᠭᠦᠸᠧ ᠴᠠᠩ᠂ ᠴᠦ᠋ ᠶᠧ ᠾᠸᠤ ᠵᠤᠤ ᠫᠦᠸᠧ ᠨᠤ᠋ ᠶᠢ ᠲᠤᠮᠢᠯᠠᠨ ᠱᠦᠸᠧ ᠹᠠᠩ ᠠᠴᠠ ᠵᠡᠬᠦᠨᠰᠢᠬᠢ ᠭᠠᠵᠠᠷ ᠤᠷᠤᠨ ᠳᠤ ᠰᠠᠭᠤᠯᠭᠠᠪᠠ᠃ ᠭᠤᠸᠠᠩ ᠯᠤ᠋ ᠰᠢᠶᠦ᠋ᠨ | ᠰᠢᠦᠢ ᠽᠢ ᠸᠧᠢ ᠢ ᠵᠠᠷᠯᠢᠭᠳᠠᠨ ᠦᠶᠤᠸᠠᠨ ᠤ ᠪᠤᠭᠤᠮᠳᠠ ᠶᠢᠨ ᠭᠠᠳᠠᠨᠠ ᠤᠯᠠᠨ ᠬᠤᠳᠠ ᠪᠠᠶᠢᠭᠤᠯᠪᠠ᠃ ᠬᠤᠶᠠᠷ ᠲᠤ᠂ ᠠᠷᠠᠳ ᠢ ᠨᠡᠬᠦᠯᠭᠡᠨ ᠲᠠᠷᠢᠶᠠ ᠲᠠᠷᠢᠵᠤ | ᠬᠢᠯᠢ ᠶᠢ ᠪᠠᠳᠤᠳᠬᠠᠪᠠ᠃ ᠡᠷᠳᠡ ᠬᠠᠨ ᠡᠤ ᠳ᠋ᠢ ᠶᠤᠸᠠᠨ ᠱᠸᠤ ᠶᠢᠨ ᠭᠤᠷᠪᠠᠳᠤᠭᠠᠷ ᠤᠨ ︵ᠡᠮᠦᠨᠡ120 ᠤᠨ︶ ᠳᠤ ᠱᠠᠨᠳᠦ᠋ᠩ ᠳᠤ ᠤᠰᠤᠨ ᠭᠠᠮᠰᠢᠭ ᠪᠤᠯᠵᠤ᠂ | ᠲᠡᠨᠳᠡᠬᠢ ᠲᠠᠯᠠᠭᠠᠳ ᠲᠦᠮᠡᠨ ᠭᠠᠮᠰᠢᠭᠳᠠᠭᠰᠠᠨ ᠠᠷᠠᠳ ᠢ ᠬᠠᠨ ᠭᠦ᠋ ᠭᠤᠸᠠᠨ ᠠᠴᠠ ᠪᠠᠷᠠᠭᠤᠨᠰᠢ᠂ ᠱᠦᠸᠧ ᠹᠠᠩ ᠠᠴᠠ ᠡᠮᠦᠨᠡᠰᠢᠬᠢ ᠰᠢᠨᠡ ᠴᠢᠨ ᠤ ᠳᠤᠮᠳᠠᠳᠤ | ᠤᠷᠤᠨ ᠳᠤ ᠨᠡᠬᠦᠯᠭᠡᠨ ᠠᠪᠴᠢᠷᠠᠪᠠ᠃ ᠶᠤᠸᠠᠨ ᠳ᠋ᠢᠩ ᠤᠨ ᠵᠢᠷᠭᠤᠳᠤᠭᠠᠷ ᠤᠨ ︵ᠡᠮᠦᠨᠡ111 ᠤᠨ︶ ᠳᠤ᠂ ᠱᠠᠩ ᠵᠢᠶᠦ᠋ᠨ᠂ ᠱᠦᠸᠧ ᠹᠠᠩ᠂ ᠰᠢ ᠾᠧ᠂ | ᠾᠧ ᠰᠢ ᠳᠤ ᠲᠠᠷᠢᠶᠠᠯᠠᠩ ᠤᠨ ᠨᠤᠶᠠᠨ ᠲᠤᠮᠢᠯᠠᠵᠤ᠂ ᠬᠢᠯᠢ ᠬᠢᠵᠠᠭᠠᠷ ᠤᠨ ᠵᠢᠷᠠᠨ ᠲᠦᠮᠡᠨ ᠴᠡᠷᠢᠭ ᠢ ᠠᠯᠪᠠᠳᠠᠨ ᠲᠠᠷᠢᠶᠠ ᠲᠠᠷᠢᠵᠤ ᠬᠢᠯᠢ ᠶᠢ ᠰᠠᠬᠢᠭᠤᠯᠪᠠ᠃ ᠲᠢᠶᠠᠨ | ᠬᠠᠨ ᠤ ᠠᠩᠬᠠᠳᠠᠭᠴᠢ ᠤᠨ ︵ ᠡᠮᠦᠨᠡ110 ᠤᠨ︶ ᠤ ᠨᠠᠮᠤᠷ᠂ ᠪᠠᠰᠠ ᠳ᠋ᠢ ᠷᠦᠩ ᠢ ᠲᠤᠮᠢᠯᠠᠨ ᠦᠶᠤᠸᠠᠨ ᠳᠤ ᠰᠠᠭᠤᠯᠭᠠᠪᠠ᠃ ᠲᠠᠷᠢᠶᠠ ᠲᠠᠷᠢᠬᠤ ᠳᠤ ᠵᠠᠰᠠᠭ | ᠤᠨ ᠭᠠᠵᠠᠷ ᠠᠴᠠ ᠦᠬᠡᠷ ᠠᠨᠵᠢᠰᠤ ᠦᠷᠡ ᠲᠠᠷᠢᠶᠠ ᠶᠢ ᠨᠢ ᠬᠠᠩᠭᠠᠵᠤ ᠦᠭᠳᠡᠭ᠃ ᠱᠦᠸᠧ ᠹᠠᠩ ᠵᠡᠷᠭᠡ ᠭᠠᠵᠠᠷ ᠲᠤ ᠤᠰᠤᠨ ᠰᠤᠪᠠᠭ ᠮᠠᠯᠳᠠᠵᠤ᠂ ᠤᠰᠤ ᠲᠠᠳᠠᠨ | ᠤᠰᠤᠯᠠᠯᠳᠠ ᠬᠢᠵᠦ᠂ ᠲᠠᠷᠢᠶᠠᠯᠠᠩ ᠢ ᠬᠦᠭᠵᠢᠬᠦᠯᠦᠨ᠂ ᠬᠢᠯᠢ ᠶᠢ ᠴᠢᠩᠭᠠᠳᠬᠠᠪᠠ᠃ ᠭᠤᠷᠪᠠ ᠳᠤ᠂ ᠾᠸᠤᠩᠨᠤ ᠶᠢᠨ ᠵᠡᠬᠦᠨ ᠪᠠᠷᠠᠭᠤᠨ ᠵᠢᠬᠦᠷ ᠤᠨ ᠤᠯᠤᠰ ᠤᠷᠤᠨ | ᠲᠠᠢ ᠬᠠᠷᠢᠯᠴᠠᠭᠠ ᠪᠠᠨ ᠴᠢᠩᠭᠠᠳᠬᠠᠨ᠂ ᠲᠡᠳᠡᠨ ᠤ ᠲᠦᠰᠢᠭ ᠲᠤᠯᠭᠠᠭᠤᠷᠢ ᠶᠢ ᠠᠷᠢᠯᠭᠠᠪᠠ᠃ | ᠾᠸᠤᠩᠨᠤ ᠢᠯᠠᠭᠳᠠᠨ ᠤᠬᠤᠷᠢᠭᠰᠠᠨ ᠤ ᠲᠠᠷᠠᠭᠠ᠂ ᠲᠠᠪᠤᠨ ᠴᠠᠨ ᠢᠦᠢ ᠲᠡᠮᠡᠴᠡᠯᠳᠦᠨ ᠵᠡᠷᠭᠡᠪᠡᠷ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠪᠠᠶᠢᠳᠠᠯ ᠢᠯᠡᠷᠡᠪᠡ᠃ ᠡᠴᠦᠰ | ᠲᠡᠭᠡᠨ ᠬᠤ᠋ ᠬᠠᠨ ᠶᠧ ᠪᠤᠯᠤᠨ ᡁᠢ ᡁᠢ ︵ᠬᠤ᠋ ᠬᠠᠨ ᠶᠧ ᠶᠢᠨ ᠠᠬᠠ︶ ᠠᠬᠠ ᠲᠡᠬᠦᠦ ᠬᠤᠶᠠᠷ ᠲᠡᠮᠡᠴᠡᠯᠳᠦᠨ ᠵᠡᠬᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠬᠡᠰᠡᠭ ᠬᠤᠪᠢᠶᠠᠵᠤ ᠲᠤᠰ | ᠪᠦᠷᠢ ᠴᠠᠨ ᠢᠦᠢ ᠰᠠᠭᠤᠪᠠ᠃ ᠬᠤ᠋ ᠬᠠᠨ ᠶᠧ ᠠᠬᠠ ᡁᠢ ᡁᠢ ᠳᠡᠭᠡᠨ ᠢᠯᠠᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠭᠤᠪᠢ ᠶᠢᠨ ᠡᠮᠦᠨᠡᠳᠦ ᠳᠤ ᠤᠷᠤᠵᠤ ᠰᠠᠭᠤᠪᠠ᠃ ᠨᠡᠶᠢᠳᠡ ᠶᠢᠨ | ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 52 ᠤᠨ ᠳᠤ᠂ ᠬᠤ᠋ ᠬᠠᠨ ᠶᠧ ᠴᠠᠨ ᠢᠦᠢ ᠦᠶᠤᠸᠠᠨ ᠳᠤ ᠬᠦᠷᠴᠦ ᠬᠠᠨ ᠤᠯᠤᠰ ᠲᠤ ᠪᠠᠭᠤᠵᠤ ᠦᠭᠪᠡ᠃ ᠲᠠᠷᠠᠭᠠ ᠵᠢᠯ ᠤᠨ | ᠬᠠᠪᠤᠷ᠂ ᠬᠤ᠋ ᠬᠠᠨ ᠶᠧ ᠴᠠᠨ ᠢᠦᠢ ᠦᠶᠤᠸᠠᠨ᠂ ᠱᠦᠸᠧ ᠹᠠᠩ ᠵᠡᠷᠭᠡ ᠲᠤᠯᠤᠭᠠᠨ ᠵᠢᠶᠦ᠋ᠨ ᠢᠶᠠᠷ ᠦᠩᠭᠡᠷᠡᠨ ᠴᠠᠩ ᠠᠨ ᠳᠤ ᠬᠦᠷᠪᠡ᠃ « ᠬᠠᠨ ᠤᠯᠤᠰ | ᠶᠡᠬᠡᠪᠡᠷ ᠰᠤᠶᠤᠷᠬᠠᠨ ᠤᠨᠴᠠᠭᠠᠢ ᠪᠡᠯᠡᠭ ᠱᠠᠩᠨᠠᠵᠤ᠂ ᠵᠡᠷᠭᠡ ᠬᠡᠷᠬᠡᠮ ᠢ ᠨᠢ ᠤᠯᠠᠨ ᠾᠸᠤ ᠸᠠᠩ ᠠᠴᠠ ᠲᠡᠭᠡᠭᠦᠷ ᠡᠷᠬᠦᠮᠵᠢᠯᠡᠵᠦ »᠂ ᠲᠡᠬᠦᠨ ᠢ ᠾᠸᠤᠩᠨᠤ ᠶᠢᠨ | ᠬᠠᠮᠤᠭ ᠲᠤᠮᠤ ᠤᠳᠤᠷᠢᠳᠤᠭᠴᠢ ᠭᠡᠳᠡᠭ ᠢ ᠮᠡᠳᠡᠷᠡᠵᠦ᠂ ᠮᠦᠨ ᠲᠡᠬᠦᠨ ᠤ ᠮᠤᠨᠢ ᠠᠭᠤᠯᠠ ᠶᠢ ᠰᠡᠷᠭᠡᠶᠢᠯᠡᠨ ᠰᠠᠬᠢᠬᠤ ᠭᠡᠰᠡᠨ ᠭᠤᠶᠤᠴᠢᠯᠠᠯᠳᠡ ᠶᠢ ᠨᠢ ᠬᠦᠯᠢᠶᠡᠨ | ᠵᠦᠪᠰᠢᠶᠡᠷᠡᠵᠦ᠂ ᠳ᠋ᠦᠩ ᠵᠦᠩ᠂ ᠬᠠᠨ ᠴᠠᠩ ᠬᠤᠶᠠᠷ ᠵᠠᠩᠵᠤᠨ ᠢᠶᠠᠷ ᠲᠦᠮᠡ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠮᠤᠷᠢᠳᠤ ᠴᠡᠷᠢᠭ ᠳᠠᠶᠢᠴᠢᠯᠠᠭᠤᠯᠤᠨ ᠴᠠᠨ ᠢᠦᠢ ᠶᠢ ᠬᠠᠮᠠᠭᠠᠯᠠᠨ | ᠱᠦᠸᠧ ᠹᠠᠩ ᠤᠨ ᠵᠢᠢ ᠯᠤ᠋ ᠪᠤᠭᠤᠮᠳᠠ ︵ᠤᠳᠤ ᠶᠢᠨ ᠲᠠᠨ ᠵᠢᠶᠤᠤ ᠺᠸᠤ ᠶᠢᠨ ᠪᠠᠷᠠᠭᠤᠨ ᠳᠠᠬᠢ ᠬᠠᠯᠢᠭᠤᠨ ᠭᠡᠬᠦᠦ ᠶᠢᠨ ᠭᠤᠤ᠂ ᠭᠤᠤ ᠶᠢᠨ ᠠᠮᠠᠰᠠᠷ ᠲᠤ ᠤᠳᠤ | ᠪᠤᠯᠳᠠᠯᠠ ᠪᠠᠰᠠ ᠴᠢᠯᠠᠭᠤᠨ ᠪᠠᠬᠢᠯᠡᠯᠳᠡ ᠪᠠᠶᠢᠭᠰᠠᠭᠠᠷ︶ ᠪᠠᠷ ᠭᠠᠷᠭᠠᠵᠤ᠂ ᠳᠡᠨᠳᠡ ᠨᠢᠢᠮᠠᠨ ᠵᠢᠯ ᠮᠠᠯᠵᠢᠨ ᠰᠠᠭᠤᠷᠢᠰᠢᠵᠠᠢ᠃ ᠮᠦᠨ ᠳ᠋ᠦᠩ ᠵᠦᠩ ᠵᠡᠷᠭᠡ ᠲᠤ ᠵᠠᠷᠯᠢᠭ | ᠪᠠᠭᠤᠯᠭᠠᠨ« ᠲᠡᠨᠳᠡ ᠦᠯᠡᠳᠡᠨ ᠴᠠᠨ ᠢᠦᠢ ᠶᠢ ᠬᠠᠮᠠᠭᠠᠯᠠᠵᠤ᠂ ᠦᠯᠦ ᠳᠠᠭᠠᠭᠰᠠᠳ ᠢ ᠠᠷᠢᠯᠭᠠᠬᠤ ᠳᠤᠷ ᠳᠡᠮᠵᠢᠳᠦᠭᠡᠢ» ᠭᠡᠪᠡ᠃ « ᠮᠦᠨ ᠤᠷᠢᠳ ᠬᠤᠵᠢᠳ | ᠭᠤᠷᠪᠠᠨ ᠲᠦᠮᠡ ᠳᠦᠷᠪᠡᠨ ᠮᠢᠩᠭᠠᠨ ᠬᠦ᠋ ︵ᠨᠢᠭᠡ ᠬᠦ᠋ ᠨᠢ ᠤᠳᠤ ᠶᠢᠨ ᠭᠤᠴᠢᠨ ᠺᠢᠯᠤᠭ᠍ᠷᠠᠮ︶ ᠠᠮᠤ ᠬᠦᠨᠡᠰᠦ ᠬᠦᠷᠭᠡᠵᠦ᠂ ᠢᠳᠡᠰᠢ ᠨᠦᠬᠡᠴᠡ ᠶᠢ ᠬᠠᠩᠭᠠᠪᠠᠢ»᠃ | ᠨᠡᠶᠢᠳᠡ ᠶᠢᠨ ᠤᠨ ᠲᠤᠭᠠᠯᠠᠯ ᠠᠴᠠ ᠡᠮᠦᠨᠡ 48 ᠤᠨ ᠳᠤ᠂ ᠾᠸᠤᠩᠨᠤ ᠶᠢᠨ ᠨᠤᠳᠤᠭ ᠶᠡᠭᠡ ᠭᠠᠮᠰᠢᠭ ᠲᠤ ᠤᠴᠠᠷᠠᠵᠤ᠂ ᠬᠠᠨ ᠤᠯᠤᠰ ᠠᠴᠠ ᠦᠶᠤᠸᠠᠨ᠂ ᠶᠦᠨ | ᠵᠦᠩ ᠠᠴᠠ ᠪᠠᠰᠠ ᠬᠤᠶᠠᠷ ᠲᠦᠮᠡᠨ ᠬᠦ᠋ ᠠᠮᠤ ᠪᠤᠳᠠᠭᠠ ᠳᠠᠳᠠᠪᠤᠷᠢᠯᠠᠨ ᠲᠡᠳᠡᠨ ᠳᠤ ᠲᠤᠰᠠᠯᠠᠪᠠ᠃ ᠬᠤ᠋ ᠬᠠᠨ ᠶᠧ ᠴᠠᠨ ᠢᠦᠢ ᠬᠠᠨ ᠤᠯᠤᠰ ᠤᠨ ᠲᠡᠮᠵᠢᠯᠭᠡ ᠪᠠᠷ | ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠢ ᠢᠯᠠᠨ ᠲᠤᠭᠤᠯᠵᠤ᠂ ᠬᠦᠮᠦᠨ ᠠᠮᠠ ᠪᠠ ᠮᠠᠯ ᠤᠨᠤᠭᠠ ᠨᠢ ᠦᠨᠢᠷ ᠦᠰᠴᠦ᠂ ᠲᠡᠬᠦᠨ ᠤ ᠡᠵᠡᠮᠰᠢᠯ ᠨᠤᠳᠤᠭ ᠲᠤ ᠨᠢᠭᠡᠨ ᠦᠶᠡ | ᠪᠠᠳᠠᠷᠠᠨ ᠬᠦᠭᠵᠢᠭᠰᠡᠨ ᠪᠠᠶᠢᠳᠠᠯ ᠢᠯᠡᠷᠡᠵᠡᠢ᠃ | | | | | |