| | ᠮᠤᠩᠭᠤᠯ ᠬᠤᠷᠢᠮ ᠤᠨ ᠶᠤᠰᠤᠨ ᠪᠤᠯ ᠨᠠᠷᠢᠨ ᠨᠢᠭᠳᠠ ᠶᠠᠪᠤᠴᠠ ᠲᠠᠢ᠂ ᠲᠦᠪ ᠴᠢᠩᠭᠠ ᠲᠦᠷᠢᠮ ᠶᠤᠰᠤ ᠲᠠᠢ᠂ ᠡᠮᠬᠢ ᠴᠡᠭᠴᠡ ᠲᠠᠢ ᠶᠠᠪᠤᠭᠳᠠᠳᠠᠭ ᠤᠷᠤᠭ | ᠬᠤᠯᠪᠤᠬᠤ ᠶᠤᠰᠤᠯᠠᠯ ᠤᠨ ᠵᠠᠩ ᠤᠶᠢᠯᠡ ᠪᠤᠶᠤ᠃ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠪᠤᠯ ᠬᠦᠮᠦᠨ ᠤ ᠨᠢᠬᠡ ᠨᠠᠰᠤᠨ ᠳᠤ ᠪᠡᠶᠡ ᠳᠡᠭᠡᠨ ᠬᠢᠳᠡᠭ ᠬᠠᠮᠤᠭ ᠤᠨ ᠶᠡᠭᠡ ᠪᠠᠶᠠᠷ ᠨᠠᠶᠢᠷ | ᠪᠤᠯᠤᠨᠠ᠃ ᠮᠤᠩᠭᠤᠯᠴᠤᠳ ᠦᠷᠡ ᠬᠡᠦᠬᠡᠳ ᠤᠨ ᠢᠶᠠᠨ ᠤᠷᠤᠭ ᠤᠨ ᠶᠠᠪᠤᠳᠠᠯ ᠢ ︽ ᠪᠡᠶᠡ ᠪᠦᠳᠦᠭᠰᠡᠨ︾ ᠲᠤᠮᠤ ᠶᠠᠪᠤᠳᠠᠯ ᠬᠡᠵᠦ ᠮᠠᠰᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ | ᠮᠦᠷᠳᠡᠬᠡᠨ ᠬᠤᠷᠢᠮ ᠤᠨ ᠶᠤᠰᠤᠯᠠᠯ ᠢ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠭᠤᠯᠳᠠᠭ᠃ ᠲᠡᠬᠡᠬᠦ ᠳᠡᠭᠡᠨ ᠲᠤᠰ ᠦᠢᠯᠡ ᠶᠢ ᠬᠦᠢᠴᠡᠳᠬᠡᠬᠦ ᠳᠤ ᠮᠠᠰᠢ | ᠠᠷᠪᠢᠨ ᠶᠠᠪᠤᠴᠠ ᠪᠡ ᠲᠠᠰ ᠲᠠᠷᠠᠭᠠ ᠵᠢᠴᠢ ᠰᠢᠳᠦᠯᠬᠡ ᠪᠢᠰᠢᠷᠠᠯ᠂ ᠪᠡᠯᠬᠡᠳᠡᠯ ᠤᠨ ᠰᠢᠨᠵᠢ ᠲᠠᠢ ᠪᠠᠶᠢᠳᠠᠭ ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠤᠷᠳᠤᠰ ᠮᠤᠩᠭᠤᠯᠴᠤᠳ ᠨᠢ | ᠲᠡᠦᠬᠡ ᠶᠢᠨ ᠰᠢᠯᠳᠠᠭᠠᠨ ᠪᠤᠶᠤ ᠭᠠᠵᠠᠷ ᠤᠷᠤᠨ ᠤ ᠦᠪᠡᠷᠮᠢᠴᠠ ᠤᠷᠴᠢᠨ ᠠᠴᠠ ᠪᠤᠯᠵᠤ ᠤᠷᠤᠭ ᠬᠤᠷᠢᠮ ᠤᠨ ᠶᠤᠰᠤᠨ ᠲᠡᠭᠡᠷᠠ ᠴᠤ ᠢᠯᠡ ᠲᠤᠳᠤ ᠦᠪᠡᠷᠮᠢᠴᠡ | ᠵᠠᠩ ᠦᠢᠯᠡ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠲᠠᠢ ᠪᠠᠶᠢᠳᠠᠭ᠃ | ᠴ᠊ · ᠬᠠᠰᠪᠢᠯᠢᠭ᠍ᠳᠦ ᠪᠠᠭᠰᠢ ᠶᠢᠨ ᠨᠠᠶᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ︽ᠤᠷᠳᠤᠰ ᠬᠤᠷᠢᠮ︾ ᠨᠤᠮ ᠳᠤ ᠤᠳᠤᠭ ᠬᠤᠷᠢᠮ ᠤᠨ ᠲᠠᠰ ᠲᠠᠷᠠᠭᠠ ᠶᠢ ᠬᠤᠷᠢᠮ ᠤᠨ | ᠡᠮᠤᠨᠡᠬᠢ ᠪᠠᠯᠠᠳᠬᠡᠯ ᠪᠡ ᠬᠦᠢᠴᠡᠳᠬᠡᠯ ᠤᠨ ᠶᠤᠰᠤᠨ᠂ ᠬᠤᠷᠢᠮ ᠤᠨ ᠡᠬᠢᠯᠡᠯᠳᠡ ᠪᠡ ᠰᠠᠭᠠᠳᠠᠭ ᠮᠤᠷᠳᠠᠬᠤ ᠶᠤᠰᠤᠨ᠂ ᠰᠠᠭᠠᠳᠠᠭ ᠤᠨ ᠬᠦᠮᠦᠰ ᠢ ᠤᠭᠳᠤᠬᠤ ᠪᠡ | ᠡᠬᠦᠳᠡ ᠲᠠᠷᠤᠬᠤ ᠶᠤᠰᠤᠨ᠂ ᠬᠤᠷᠢᠮ ᠤᠨ ᠮᠡᠩᠯᠡᠢ ᠵᠤᠷᠢᠭ ᠮᠡᠳᠡᠬᠦᠯᠬᠦ ᠪᠡ ᠨᠠᠷᠠ ᠵᠢᠯ ᠭᠤᠶᠤᠬᠤ ᠶᠤᠰᠤᠨ᠂ ᠬᠡᠦᠬᠡᠨ ᠢᠶᠠᠨ ᠪᠤᠭᠳᠤᠯᠠᠵᠤ ᠮᠤᠷᠳᠠᠭᠤᠯᠬᠤ ᠪᠡ | ᠬᠦᠷᠬᠡᠵᠦ ᠦᠭᠬᠦ ᠶᠤᠰᠤᠨ᠂ ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠬᠤ ᠪᠡ ᠭᠠᠯ ᠳᠤ ᠮᠦᠷᠬᠦᠬᠦᠯᠬᠦ ᠶᠤᠰᠤᠨ᠂ ᠬᠡᠪᠡᠢ ᠶᠢᠨ ᠬᠤᠷᠢᠮ ᠲᠠᠯᠪᠢᠬᠤ ᠪᠠ ᠬᠡᠶᠢᠴᠢᠳ ᠢ | ᠮᠤᠷᠳᠠᠭᠤᠯᠬᠤ ᠶᠤᠰᠤᠨ ᠬᠡᠮᠡᠨ ᠲᠤᠯᠤᠭᠠᠨ ᠠᠯᠬᠤᠮ ᠬᠤᠪᠢᠶᠠᠨ ᠦᠬᠦᠯᠡᠭᠰᠡᠨ ᠪᠠᠶᠢᠨᠠ᠃ ᠲᠡᠬᠡᠬᠦ ᠳᠡᠭᠡᠨ ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠬᠤ ᠶᠤᠰᠤᠨ ᠢ ᠬᠠᠮᠢᠶᠠ | ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠳᠤ ︽ᠬᠠᠮᠤᠭ ᠤᠨ ᠤᠷᠢᠳ ᠰᠦ ᠲᠠᠢ ᠤᠰᠤ ᠠᠪᠴᠢᠷᠠᠵᠤ ᠪᠡᠷᠢ ᠶᠢᠨ ᠨᠢᠭᠤᠷ ᠭᠠᠷ ᠢ ᠤᠬᠢᠶᠠᠨᠠ᠃ ᠬᠤᠶᠠᠷ ᠬᠡᠰᠡᠭ ᠲᠦᠯᠡᠰᠢ ᠰᠢᠪᠠᠭ | ᠪᠠᠵᠠᠭᠠᠨᠠ᠂ ᠡᠬᠦᠨ ᠤ ᠲᠤᠮᠳᠠ ᠨᠢᠬᠡᠨ ᠮᠤᠳᠤ ᠶᠢ ᠬᠦᠨᠳᠠᠯᠠᠨ ᠲᠠᠯᠪᠢᠭᠠᠳ ᠲᠡᠬᠡᠷᠡ ᠨᠢ ᠢᠰᠡᠬᠡᠢ ᠲᠡᠪᠢᠰᠦᠬᠡᠳ ᠬᠤᠶᠠᠷ ᠲᠡᠯᠡ ᠶᠢᠨ ᠰᠢᠪᠠᠭ ᠢ ᠠᠷᠴᠠ ᠲᠠᠪᠤᠰᠤ | ᠬᠢᠵᠦ ᠰᠢᠳᠠᠭᠠᠮᠠᠭᠴᠠ ᠰᠢᠨᠡ ᠪᠡᠷᠢ ᠪᠠᠨ ᠪᠡᠷᠬᠡᠳ ᠨᠢ ᠭᠠᠯ ᠤᠨ ᠲᠤᠮᠳᠠᠭᠤᠷ ᠭᠠᠷᠭᠠᠬᠤ ᠪᠠᠷ ᠲᠤᠯᠤᠭ ᠲᠡᠬᠡᠷᠡ ᠲᠠᠭᠠᠭᠤᠯᠵᠤ ᠢᠷᠡᠬᠦ ᠳᠤ ᠬᠦᠷᠬᠡᠨ ᠬᠦᠦ | ᠲᠠᠰᠢᠭᠤᠷ ᠢᠶᠠᠨ ᠪᠠᠷᠢᠵᠤ ᠰᠢᠨᠡ ᠪᠡᠷᠢ ᠳᠤ ᠲᠠᠰᠢᠭᠤᠷ ᠤᠨ ᠨᠢᠬᠡᠨ ᠦᠵᠦᠬᠦᠷ ᠢ ᠦᠭᠬᠦ ᠳᠤ ᠰᠢᠨᠡ ᠪᠡᠷᠢ ᠲᠠᠬᠦᠨ ᠠᠴᠠ ᠨᠤᠴᠤᠨ ᠠᠪᠤᠭᠠᠳ ᠠᠯᠬᠤᠨ ᠭᠠᠷᠴᠤ | ᠢᠷᠡᠨᠡ︾ ᠬᠡᠮᠡᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠳᠠᠭ᠃ | ᠲᠤᠷᠤᠭᠰᠢ ᠵᠤᠬᠢᠶᠠᠭᠴᠢ ᠪᠢ ᠲᠤᠰ ᠦᠬᠦᠯᠡᠯ ᠢᠶᠠᠨ ︽ᠤᠷᠳᠤᠰ ᠬᠤᠷᠢᠮ ᠳᠠᠬᠢ ︿ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠬᠤ﹀ ᠲᠤᠬᠠᠢ ᠦᠬᠦᠯᠡᠬᠦᠢ︾ ᠬᠡᠮᠡᠨ | ᠭᠠᠷᠴᠠᠭᠯᠠᠵᠤ᠂ ᠨᠤᠮ ᠪᠢᠴᠢᠭ ᠠᠴᠠ ᠤᠩᠰᠢᠵᠤ ᠮᠡᠳᠡᠭᠰᠡᠨ ᠵᠦᠢᠯ ᠲᠡᠬᠡᠷᠡ ᠦᠪᠡᠷ ᠤᠨ ᠪᠤᠳᠤᠵᠤ ᠤᠯᠤᠭᠰᠠᠨ ᠢᠶᠠᠨ ᠡᠪᠯᠡᠬᠦᠯᠦᠬᠡᠳ᠂ ︽ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ | ᠠᠯᠬᠤᠭᠤᠯᠬᠤ︾ ᠲᠤᠬᠠᠢ ᠦᠪᠡᠷ ᠤᠨ ᠦᠵᠡᠯᠳᠡ ᠪᠠᠨ ᠲᠤᠷᠠᠳᠪᠠᠢ᠃ ᠦᠵᠡᠬᠦ ᠮᠡᠷᠬᠡᠳ ᠰᠢᠬᠦᠮᠵᠢᠯᠡᠨ ᠰᠤᠷᠭᠠᠵᠤ ᠠᠵᠢᠶᠠᠮᠤ᠃ | ᠰᠢᠷᠢᠭ ᠬᠡᠳᠡᠭ ᠪᠤᠯ ᠭᠠᠯ ᠢᠶᠠᠷ ᠠᠷᠢᠭᠤᠳᠬᠠᠯ ᠬᠢᠬᠦ ᠶᠢ ᠵᠢᠭᠠᠳᠠᠭ ᠦᠬᠡ᠃ ᠲᠡᠬᠡᠪᠡᠯ ᠶᠠᠭᠤᠨ ᠤ ᠤᠴᠢᠷ ᠠᠴᠠ ᠭᠠᠯ ᠢᠶᠠᠷ ᠠᠷᠢᠭᠤᠳᠬᠠᠯ ᠬᠢᠳᠡᠭ ᠪᠤᠢ | ᠬᠡᠳᠡᠭ ᠢ ᠨᠠᠷᠢᠨ ᠲᠠᠶᠢᠯᠪᠤᠷᠢᠯᠠᠬᠤ ᠳᠤ ᠡᠷᠬᠡᠪᠰᠢ ᠮᠤᠩᠭᠤᠯᠴᠤᠳ ᠤᠨ ᠰᠢᠳᠦᠯᠬᠡ ᠪᠢᠰᠢᠷᠠᠯ ᠠᠴᠠ ᠡᠬᠢᠯᠡᠨ ᠦᠬᠦᠯᠡᠬᠦ ᠬᠡᠷᠡᠭᠳᠡᠢ᠃ ᠡᠷᠳᠡ ᠲᠡᠬᠡᠷᠡ ᠴᠠᠭ ᠦᠶᠡ ᠠᠴᠠ | ᠮᠤᠩᠭᠤᠯ ᠤᠭᠰᠠᠭᠠᠳᠠᠨ ᠨᠡᠬᠦᠳᠡᠯᠯᠡᠵᠦ᠂ ᠮᠠᠯ ᠢᠶᠠᠨ ᠮᠠᠯᠯᠠᠵᠤ ᠠᠮᠢᠳᠤᠷᠠᠭᠰᠠᠭᠠᠷ ᠤᠯᠠᠨ ᠮᠢᠩᠭᠠᠨ ᠵᠢᠯ ᠢ ᠦᠳᠡᠬᠦ ᠳᠡᠭᠡᠨ ᠦᠪᠡᠷᠰᠡᠳ ᠤᠨ ᠠᠮᠢᠳᠤᠷᠠᠯ ᠤᠨ ᠬᠡᠪ | ᠮᠠᠶ᠋ᠢᠭ ᠲᠤ ᠲᠤᠬᠢᠷᠠᠭᠰᠠᠨ ᠤᠨᠴᠠᠯᠢᠭ ᠲᠠᠢ ᠰᠢᠳᠦᠯᠬᠡ ᠶᠢᠨ ᠬᠡᠯᠪᠡᠷᠢ ᠶᠢ ᠪᠤᠢ ᠪᠤᠯᠭᠠᠵᠠᠢ᠃ ᠮᠤᠩᠭᠤᠯᠴᠤᠳ ᠤᠨ ᠡᠨᠡ ᠬᠦ ᠰᠢᠳᠦᠯᠬᠡ ᠶᠢᠨ ᠬᠡᠯᠪᠡᠷᠢ ᠨᠢ ᠡᠷᠳᠡ | ᠴᠠᠭ ᠠᠴᠠ ᠪᠦᠬᠡ ᠮᠦᠷᠬᠦᠯ ᠢᠶᠠᠷ ᠲᠠᠮᠵᠢᠨ ᠲᠦᠯᠤᠪᠰᠢᠷᠡᠵᠡᠢ ᠬᠡᠰᠡᠨ ᠢ ᠮᠤᠩᠭᠤᠯ ᠤᠯᠤᠰ ᠤᠨ ᠠᠺᠠᠳᠧᠮᠢᠴᠢ ᠴ᠊ · ᠲᠠᠯᠠᠢ ᠨᠠᠷᠢᠨ ᠲᠠᠶᠢᠯᠪᠤᠷᠢᠯᠠᠯᠳᠠ ᠬᠢᠭᠰᠡᠨ ᠢᠶᠠᠷ | ᠪᠠᠷᠠᠬᠤ ᠦᠬᠡᠢ᠂ ᠮᠤᠩᠭᠤᠯᠴᠤᠳ ᠤᠨ ᠪᠦᠬᠡ ᠮᠦᠷᠬᠦᠯ ᠤᠨ ᠰᠤᠶᠤᠯ ᠨᠢ ᠨᠡᠩ ᠡᠷᠳᠡᠨ ᠠᠴᠠ ᠤᠯᠪᠠᠭᠠ ᠲᠠᠢ ᠪᠦᠬᠡᠳ ᠤᠨᠴᠠ ᠶᠢᠨ ᠦᠬᠡᠷᠡᠴᠢᠯᠡᠯᠳᠡ ᠦᠬᠡᠢ | ᠬᠠᠳᠠᠭᠠᠯᠠᠭᠳᠠᠨ ᠢᠷᠡᠭᠰᠡᠨ ᠬᠡᠳᠡᠭ ᠢ ᠮᠠᠰᠢ ᠠᠷᠪᠢᠨ ᠰᠤᠳᠤᠷ ᠨᠤᠮ ᠪᠤᠶᠤ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠵᠠᠩ ᠦᠢᠯᠡ ᠬᠡᠷᠡᠴᠢᠯᠠᠵᠦ ᠪᠤᠢ᠃ | ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠡᠬᠦᠰᠴᠦ ᠬᠦᠭᠵᠢᠬᠦ ᠵᠢᠮᠡ ᠪᠠᠷ ᠮᠤᠩᠭᠤᠯᠴᠤᠳ ᠴᠤ ᠭᠠᠯ ᠲᠠᠢ ᠤᠶᠢᠷᠠᠳᠴᠤ ᠭᠠᠯ ᠢ ᠲᠠᠨᠢᠵᠤ᠂ ᠭᠠᠯ ᠢ ᠲᠦᠰᠢᠭᠯᠡᠵᠦ᠂ ᠭᠠᠯ ᠢ | ᠠᠰᠢᠭᠯᠠᠵᠤ᠂ ᠭᠠᠯ ᠲᠠᠢ ᠤᠨᠴᠠ ᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠪᠤᠯᠤᠭᠰᠠᠨ ᠠᠴᠠ ᠪᠦᠬᠡ ᠮᠦᠷᠬᠦᠯ ᠳᠤ ᠭᠠᠯ ᠤᠨ ᠰᠢᠳᠦᠯᠬᠡ ᠪᠤᠢ ᠪᠤᠯᠵᠠᠢ᠃ ᠬᠡᠪᠡᠴᠦ ᠮᠤᠩᠭᠤᠯᠴᠤᠳ | ᠬᠡᠵᠢᠶᠡ ᠠᠴᠠ ᠭᠠᠯ ᠢ ᠲᠠᠬᠢᠬᠤ ᠪᠤᠯᠤᠭᠰᠠᠨ᠂ ᠬᠡᠷᠬᠢᠨ ᠲᠠᠬᠢᠵᠤ ᠪᠠᠶᠢᠭᠰᠠᠨ ᠢ ᠬᠡᠷᠡᠴᠢᠯᠡᠬᠦ ᠬᠡᠷᠡᠭᠯᠡᠭᠳᠡᠬᠦᠨ ᠲᠤᠩ ᠬᠤᠪᠤᠷ ᠪᠠᠶᠢᠳᠠᠭ ᠪᠤᠯᠪᠠᠴᠤ ︽ᠮᠤᠩᠭᠤᠯ ᠤᠨ | ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠵᠢᠴᠢ ᠡᠷᠳᠡᠨ ᠤ ᠭᠤᠷᠪᠠᠨ ᠶᠡᠭᠡ ᠵᠢᠭᠤᠯᠴᠢᠨ ᠤ ᠠᠯᠳᠠᠷᠳᠤ ᠵᠤᠬᠢᠶᠠᠯ ︽ᠫᠯᠠᠨ ᠺᠡᠷᠫᠢᠨ ᠤ ᠵᠢᠭᠤᠯᠴᠢᠯᠡᠯ ᠤᠨ ᠲᠡᠮᠳᠡᠭᠯᠡᠯ︾᠂ ︽ | ᠸᠢᠯᠯᠢᠶᠡᠮ ᠷᠦᠪᠷᠦᠩ ᠤᠨ ᠵᠢᠭᠤᠯᠴᠢᠯᠡᠯ ᠤᠨ ᠲᠡᠮᠳᠡᠭᠯᠡᠯ︾ ᠬᠢᠬᠡᠳ ︽ᠮᠠᠷᠺᠦ ᠫᠤᠯᠣ᠋ ᠶᠢᠨ ᠵᠢᠭᠤᠯᠴᠢᠯᠡᠯ ᠤᠨ ᠲᠡᠮᠳᠡᠭᠯᠡᠯ︾ ᠨᠢ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ | ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ ᠤᠯᠤᠰ ᠲᠦᠷᠦ᠂ ᠡᠳ᠋ ᠤᠨ ᠵᠠᠰᠠᠭ᠂ ᠴᠡᠷᠢᠭ ᠲᠠᠶᠢᠨ᠂ ᠬᠠᠤᠯᠢ ᠴᠠᠭᠠᠵᠠ᠂ ᠰᠤᠶᠤᠯ ᠤᠷᠠᠯᠢᠭ᠂ ᠱᠠᠰᠢᠨ ᠰᠢᠳᠦᠬᠡᠨ᠂ | ᠬᠡᠯᠡ ᠪᠢᠴᠢᠭ᠂ ᠵᠠᠩ ᠲᠠᠳᠬᠠᠯ ᠬᠡᠬᠦ ᠮᠡᠳᠦ ᠲᠠᠯᠠ ᠲᠠᠯᠠ ᠶᠢᠨ ᠪᠠᠶᠢᠳᠠᠯ ᠢ ᠪᠠᠷᠤᠭ ᠬᠡᠬᠡᠭᠳᠡᠬᠦᠯᠦᠭᠰᠡᠨ ᠦᠬᠡᠢ ᠪᠦᠷᠢᠨ ᠲᠡᠬᠦᠯᠳᠡᠷ᠂ ᠦᠨᠡᠨ ᠪᠤᠳᠠᠳᠠᠢ᠂ ᠨᠠᠷᠢᠨ | ᠲᠤᠳᠤᠷᠬᠠᠢ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠬᠡᠭᠰᠡᠨ ᠪᠠᠶᠢᠳᠠᠭ᠃ | ᠮᠤᠩᠭᠤᠯᠴᠤᠳ ᠠᠯᠢ ᠡᠷᠳᠡᠨ ᠠᠴᠠ ᠨᠠᠷᠠ᠂ ᠰᠠᠷᠠ᠂ ᠭᠠᠯ ᠬᠢᠬᠡᠳ ᠤᠰᠤ᠂ ᠭᠠᠵᠠᠷ ᠲᠡᠯᠡᠬᠡᠢ ᠶᠢ ᠴᠤ ᠴᠢᠩ ᠦᠨᠠᠨᠴᠢ ᠪᠠᠷ ᠰᠦᠰᠦᠭᠯᠡᠨ᠂ ᠭᠠᠯ ᠤᠨ | ᠲᠡᠷᠬᠡᠳᠡ ᠰᠦᠬᠡ ᠪᠠᠷ ᠶᠠᠭᠤᠮᠠ ᠴᠠᠪᠴᠢᠬᠤ ᠬᠡᠬᠦ ᠮᠡᠳᠦᠴᠢᠯᠡᠭᠰᠡᠨ ᠶᠡᠪᠤᠳᠠᠯ ᠤᠳ ᠴᠦᠮ ︽ᠭᠠᠯ︾ ᠤᠨ ᠲᠤᠯᠤᠭᠠᠢ ᠶᠢ ᠴᠠᠪᠴᠢᠭᠰᠠᠨ ᠨᠢᠬᠦᠯ ᠬᠡᠵᠦ ᠴᠢᠩᠭᠠ | ᠵᠢᠷᠤᠮᠯᠠᠳᠠᠭ ᠠᠴᠠ ᠪᠤᠵᠠᠷ ᠪᠤᠷᠳᠠᠭ ᠶᠠᠭᠤᠮᠠ ᠶᠢ ᠭᠠᠯ ᠳᠤ ᠦᠯᠦ ᠬᠠᠶᠠᠬᠤ᠂ ᠭᠠᠯ ᠤᠷᠤᠭᠤ ᠦᠯᠦ ᠨᠤᠯᠮᠤᠬᠤ᠂ ᠭᠠᠯ ᠤᠨ ᠤᠪᠤᠭᠠᠨ ᠲᠡᠷᠬᠡᠳᠡ ᠦᠯᠦ ᠠᠯᠴᠠᠶᠢᠵᠤ | ᠰᠠᠭᠤᠬᠤ᠂ ᠭᠠᠯ ᠳᠤ ᠬᠢᠳᠤᠭᠠ ᠲᠦᠷᠦᠬᠦ ᠶᠢ ᠴᠡᠬᠡᠷᠯᠡᠬᠦ᠂ ᠭᠠᠯ ᠳᠤ ᠮᠤᠷᠢᠨ ᠬᠤᠮᠤᠯ ᠦᠯᠤ ᠲᠦᠯᠡᠬᠦ᠂ ᠭᠠᠯ ᠢ ᠴᠢᠴᠢᠯᠡᠬᠦ ᠶᠢ ᠴᠡᠬᠡᠷᠯᠡᠳᠡᠭ ᠪᠠᠶᠢᠵᠠᠢ᠃ ᠭᠠᠯ ᠤᠨ | ᠴᠡᠬᠡᠷ ᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ ᠮᠤᠩᠭᠤᠯ ᠤᠨ ᠪᠦᠬᠡ ᠶᠢᠨ ᠮᠦᠷᠬᠦᠯᠳᠡᠨ ᠨᠦᠭᠦᠳ ᠪᠡᠰᠠ ᠭᠠᠯ ᠪᠤᠯ ᠪᠠᠷᠴᠢᠳ ᠢ ᠲᠠᠷᠤᠬᠤ ᠶᠠᠷᠤ ᠪᠤᠰᠤ ᠶᠢᠨ ᠴᠢᠳᠠᠯ ᠲᠠᠢ ᠬᠡᠵᠦ | ᠢᠳᠡᠬᠡᠨ ᠰᠢᠳᠦᠳᠡᠭ᠃ ᠲᠡᠬᠡᠬᠡᠳ ︽ᠶᠠᠭᠤᠮᠠ ᠪᠦᠬᠦᠨ ᠴᠦᠮ ᠭᠠᠯ ᠳᠤ ᠠᠷᠢᠭᠤᠳᠬᠠᠬᠳᠠᠳᠠᠭ︾ ᠬᠡᠮᠡᠨ ᠦᠵᠡᠳᠡᠭ ᠪᠤᠯᠬᠤᠷ ︽ᠬᠤᠶᠠᠷ ᠬᠡᠰᠡᠭ ᠭᠠᠯ ᠤᠨ | ᠲᠤᠮᠳᠠᠭᠤᠷ ᠶᠠᠪᠤᠭᠤᠯᠤᠨ ᠭᠠᠯ ᠤᠨ ᠠᠷᠢᠭᠤᠳᠬᠠᠯ︾ ᠬᠢᠬᠦ ᠳᠡᠭᠡᠨ᠄ ︽ᠰᠠᠬᠢᠭᠤᠯᠰᠤᠨ ᠲᠡᠭᠷᠢ ᠶᠢ ᠪᠤᠵᠠᠷᠯᠠᠭᠰᠠᠨ ᠪᠦᠬᠡᠰᠦ᠂ | ᠰᠠᠶᠢᠨ ᠤ ᠬᠡᠬᠡᠨ ᠬᠤᠭᠤᠰᠤᠨᠠ ᠠᠷᠢᠭᠤᠳᠬᠠᠬᠤ ᠪᠤᠯᠳᠤᠭᠠᠢ | ᠁ ᠁ ᠁ ᠁ | ᠤᠳᠬᠠᠨ ᠭᠠᠯ ᠤᠨ ᠲᠡᠭᠷᠢ ᠪᠤᠵᠠᠷᠯᠠᠭᠰᠠᠨ ᠪᠦᠬᠡᠰᠦ᠂ | ᠦᠨᠡᠨ ᠰᠠᠩ ᠤᠨ ᠦᠨᠦᠷ ᠢᠶᠠᠷ ᠠᠷᠢᠭᠤᠳᠬᠠᠬᠤ ᠪᠤᠯᠳᠤᠭᠠᠢ︾ ᠬᠡᠵᠦ ᠠᠯᠢᠪᠠ ᠵᠦᠢᠯ ᠪᠤᠵᠠᠷᠯᠠᠪᠠᠰᠤ᠂ ᠴᠦᠮ ᠲᠡᠭᠷᠢ ᠰᠠᠬᠢᠭᠤᠰᠤ ᠶᠢ ᠪᠤᠵᠠᠷᠯᠠᠭᠰᠠᠨ ᠶᠠᠪᠤᠳᠠᠯ | ᠪᠤᠯᠤᠨᠠ ᠬᠡᠵᠦ ᠲᠤᠰᠬᠠᠢ ᠠᠷᠢᠭᠤᠯᠠᠬᠤ ᠰᠠᠩ ᠤᠡᠭᠰᠢᠵᠤ ᠭᠠᠯ ᠳᠤ ᠠᠷᠢᠭᠤᠯᠠᠳᠠᠭ ᠪᠠᠶᠢᠨᠠ᠃ ᠭᠠᠯ ᠪᠤᠯ ᠭᠠᠢ ᠲᠦᠢᠳᠬᠡᠷ ᠢ ᠲᠠᠷᠤᠬᠤ ᠴᠢᠳᠠᠯ ᠲᠠᠢ ᠲᠡᠳᠦᠢ ᠪᠤᠰᠤ᠂ | ᠪᠠᠰᠠ ᠬᠦᠮᠦᠨ ᠤ ᠬᠠᠷᠠ ᠰᠠᠨᠠᠭᠠ ᠶᠢ ᠴᠤ ᠤᠰᠠᠳᠬᠠᠵᠤ ᠴᠢᠳᠠᠨᠠ ᠬᠡᠵᠦ ᠮᠤᠩᠭᠤᠯᠴᠤᠳ ᠦᠵᠡᠳᠡᠭ᠃ ᠬᠤᠶᠠᠷ ᠭᠠᠯ ᠤᠨ ᠲᠤᠮᠳᠠᠭᠤᠷ ᠶᠠᠪᠤᠭᠤᠯᠳᠠᠭ ᠵᠠᠩ | ᠲᠠᠳᠬᠠᠯ ᠬᠢᠬᠡᠳ ᠶᠤᠰᠤᠯᠠᠯ ᠮᠦᠷᠬᠦᠯ ᠨᠢ ᠭᠠᠯ ᠤᠨ ᠰᠢᠳᠦᠯᠬᠡ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠳᠠᠭ᠃ ᠪᠢᠳᠠ ᠪᠦᠬᠦᠨ ᠤ ᠮᠡᠳᠡᠬᠡᠵᠢ ᠪᠠᠷ | ᠮᠤᠩᠭᠤᠯᠴᠤᠳ ᠤᠨ ᠬᠢᠨ ᠤ ᠳᠤ ᠭᠠᠳᠠᠭᠠᠳᠤ ᠶᠢᠨ ᠡᠯᠴᠢᠨ ᠰᠠᠶᠢᠳ ᠢᠷᠡᠵᠦ ᠮᠤᠩᠭᠤᠯ ᠬᠠᠨ ᠳᠤ ᠪᠠᠷᠠᠭᠠᠯᠠᠬᠤ ᠦᠶᠡ ᠳᠤ ᠡᠷᠬᠡᠪᠰᠢ ᠬᠤᠶᠠᠷ ᠬᠡᠰᠡᠭ ᠭᠠᠯ ᠤᠨ | ᠲᠤᠮᠳᠠᠭᠤᠷ ᠶᠠᠪᠤᠭᠤᠯᠳᠠᠭ᠃ ᠤᠴᠢᠷ ᠨᠢ ᠭᠠᠯ ᠪᠤᠯ ᠬᠦᠮᠦᠰ ᠤᠨ ᠮᠠᠭᠤ ᠬᠡᠷᠡᠭ ᠦᠢᠯᠡᠳᠬᠦ ᠪᠤᠯᠤᠮᠵᠢ ᠶᠢ ᠤᠰᠠᠳᠬᠠᠵᠤ ᠴᠢᠳᠠᠨᠠ ᠬᠡᠵᠦ ᠲᠡᠳᠡᠨᠡᠷ ᠦᠵᠡᠳᠡᠭ᠃ | ᠡᠳᠡᠬᠡᠷ ᠵᠠᠩᠰᠢᠯ ᠨᠢ ᠦᠨᠦᠳᠦᠷ ᠪᠤᠯᠳᠠᠯᠠ ᠪᠠᠰᠠ ᠮᠤᠩᠭᠤᠯᠴᠤᠳ ᠤᠨ ᠲᠤᠮᠳᠠ ᠡᠳᠦᠷ ᠲᠡᠳᠦᠢ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠪᠠᠶᠢᠭᠠ ᠶᠤᠮ᠃ | ᠡᠬᠦᠨ ᠠᠴᠠ ᠦᠵᠡᠪᠡᠯ ᠭᠠᠯ ᠰᠢᠳᠦᠯᠬᠡ ᠪᠤᠯ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠲᠤᠮᠳᠠᠬᠢ ᠴᠢᠬᠤᠯᠠ ᠨᠢᠬᠡ ᠰᠢᠳᠦᠯᠬᠡ ᠪᠤᠯᠤᠭᠰᠠᠨ ᠢ ᠬᠠᠷᠠᠭᠤᠯᠵᠤ | ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠤᠨ ᠰᠢᠳᠦᠯᠬᠡ ᠪᠤᠯ ᠠᠯᠢ ᠡᠷᠳᠡ ᠪᠤᠢ ᠪᠤᠯᠤᠭᠰᠠᠨ ᠬᠡᠳᠡᠭ ᠢ ᠲᠡᠬᠡᠷᠡᠬᠢ ᠲᠤᠭᠠᠴᠢᠯᠳᠠ ᠬᠡᠷᠡᠴᠢᠯᠡᠵᠦ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ | ᠦᠬᠡᠢ ᠭᠠᠯ ᠤᠨ ᠰᠢᠳᠦᠬᠡᠨ ᠳᠤ ᠤᠩᠭᠤᠳ ᠤᠷᠤᠰᠢᠵᠤ ᠪᠤᠢ ᠲᠤᠯᠠ ᠲᠡᠷᠡ ᠨᠢ ᠠᠮᠢ ᠨᠠᠰᠤ ᠶᠢ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠵᠤ᠂ ᠠᠶᠤᠯ ᠪᠠᠷᠴᠢᠳ ᠢ ᠠᠷᠢᠯᠭᠠᠵᠤ᠂ ᠠᠪᠤᠷᠠᠯ | ᠡᠨᠡᠷᠢᠯ ᠬᠦᠷᠳᠡᠬᠡᠳᠡᠭ ᠬᠡᠮᠡᠨ ᠦᠵᠡᠳᠡᠭ ᠪᠤᠯᠬᠤᠷ ᠭᠠᠯ ᠢᠶᠠᠨ ᠲᠡᠬᠢᠵᠦ᠂ ᠭᠠᠯ ᠳᠠᠭᠠᠨ ᠮᠦᠷᠬᠦᠨ᠂ ᠭᠠᠯ ᠳᠠᠭᠠᠨ ᠰᠢᠷᠢᠭᠯᠡᠳᠡᠭ ᠵᠠᠩ ᠦᠢᠯᠡ ᠪᠠᠨ ᠦᠨᠦᠳᠦᠷ ᠪᠤᠯᠳᠠᠯᠠ | ᠤᠯᠠᠮᠵᠢᠯᠠᠵᠤ᠂ ︽ᠭᠠᠯ ᠤᠨ ᠪᠤᠷᠬᠠᠨ︾ ᠢᠶᠠᠨ ᠲᠡᠬᠡᠳᠦᠯᠡᠨ ᠲᠠᠬᠢᠳᠠᠭ᠃ ᠡᠷᠳᠡᠨ ᠤ ᠮᠤᠩᠭᠤᠯᠴᠤᠳ ᠭᠠᠯ ᠪᠤᠯ ᠪᠠᠷᠴᠢᠳ ᠢ ᠲᠠᠷᠤᠬᠤ ᠶᠡᠷᠦ ᠪᠤᠰᠤ ᠶᠢᠨ ᠬᠦᠴᠦᠨ | ᠴᠢᠳᠠᠯ ᠲᠠᠢ ᠲᠡᠳᠦᠢ ᠪᠤᠰᠤ᠂ ᠠᠯᠢᠪᠠ ᠮᠠᠭᠤ ᠮᠠᠭᠤᠬᠠᠢ ᠶᠢ ᠤᠰᠠᠳᠬᠠᠨ᠂ ᠬᠠᠷᠠᠩᠭᠤᠢ ᠬᠦᠢᠳᠡᠨ ᠢ ᠦᠯᠳᠡᠨ᠂ ᠬᠡᠷᠡᠯ ᠬᠡᠬᠡ ᠪᠠ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠢ | ᠠᠪᠴᠢᠷᠠᠳᠠᠭ ᠬᠡᠮᠡᠬᠦ ᠪᠠᠯᠠᠷᠯᠢᠭ ᠦᠵᠡᠯᠳᠡ ᠲᠠᠢ ᠪᠠᠶᠢᠳᠠᠭ ᠠᠴᠠ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠤᠨ ᠲᠤᠮᠳᠠᠬᠢ ︽ᠭᠠᠢ ᠲᠦᠢᠳᠬᠡᠷ︾ ᠢ ᠭᠠᠯ ᠢᠶᠠᠷ ᠠᠷᠢᠭᠤᠳᠬᠠᠨ | ᠠᠷᠢᠯᠭᠠᠵᠤ ᠪᠤᠯᠳᠠᠭ ᠬᠡᠰᠡᠨ ᠭᠤᠸᠠ ᠰᠠᠶᠢᠬᠠᠨ ᠤ ᠡᠷᠢᠯ ᠲᠠᠭᠠᠰᠢᠶᠠᠯ ᠬᠦᠬᠡᠬᠡᠴᠡᠯᠳᠦᠯ ᠤᠨ ᠠᠭᠤᠯᠭᠠ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ ᠃ ᠡᠶᠢᠮᠤ ᠠᠴᠠ ᠤᠷᠳᠤᠰᠴᠤᠳ ᠤᠨ | ︽ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠬᠤ︾ ᠶᠤᠰᠤᠨ ᠪᠤᠯ ᠨᠠᠶᠢᠳᠠ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠰᠢᠳᠦᠯᠬᠡ ᠠᠴᠠ ᠪᠤᠢ ᠪᠤᠯᠤᠭᠰᠠᠨ ︽ᠭᠠᠢ ᠲᠦᠢᠳᠬᠡᠷ ᠢ ᠲᠠᠷᠤᠵᠤ᠂ | ᠬᠠᠷᠠ ᠰᠠᠨᠠᠭᠠ ᠶᠢ ᠤᠰᠠᠳᠬᠠᠳᠠᠭ︾ ᠰᠤᠶᠤᠯ ᠤᠨ ᠤᠶᠢᠯᠠᠭᠠᠯᠳᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ᠃ ᠡᠨᠡ ᠬᠦ ᠵᠠᠩ ᠦᠢᠯᠡ ᠨᠢ ᠭᠠᠯ ᠰᠢᠳᠦᠯᠬᠡ ᠪᠠᠷ ᠲᠠᠮᠵᠢᠨ | ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠵᠠᠩ ᠦᠢᠯᠡ ᠮᠦᠨ ᠬᠡᠳᠡᠭ ᠨᠢ ᠲᠤᠳᠤᠷᠬᠠᠢ ᠪᠠᠶᠢᠵᠤ᠂ ᠬᠤᠷᠢᠮ ᠤᠨ ᠶᠤᠰᠤ ᠵᠢᠷᠤᠮ ᠨᠢ ᠡᠷᠳᠡᠨ ᠤ ᠭᠠᠯ ᠰᠢᠳᠦᠯᠬᠡ ᠳᠤ ᠬᠦᠨ | ᠨᠦᠯᠦᠬᠡᠯᠡᠭᠳᠡᠵᠦ᠂ ᠭᠠᠯ ᠢᠶᠠᠷ ᠠᠷᠢᠭᠤᠳᠬᠠᠬᠤ ᠪᠤᠯ ᠬᠠᠮᠤᠭ ᠲᠦᠢᠳᠬᠡᠷ ᠢ ᠠᠷᠢᠯᠭᠠᠳᠠᠭ ᠰᠤᠶᠤᠯ ᠢᠷᠬᠡᠨᠰᠢᠯ ᠪᠤᠯᠤᠨᠠ ᠬᠡᠳᠡᠭ ᠢ ᠤᠯᠵᠤ ᠮᠠᠳᠠᠵᠤ ᠪᠤᠯᠤᠨᠠ᠃ | ᠡᠬᠦᠨ ᠤ ᠲᠠᠭᠠᠤ ᠪᠠᠷ ᠤᠷᠳᠤᠰ ᠬᠤᠷᠢᠮ ᠳᠠᠬᠢ ︽ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠬᠤ︾ ᠶᠤᠰᠤᠨ ᠪᠤᠯ ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠦᠷᠡ | ᠬᠡᠦᠬᠡᠳ ᠤᠨ ᠢᠶᠠᠨ ᠬᠡᠰᠢᠭ ᠪᠤᠶᠠᠨ ᠨᠢ ᠨᠡᠮᠡᠭᠳᠡᠵᠦ᠂ ᠠᠵᠤ ᠠᠮᠢᠳᠤᠷᠠᠯ ᠤᠨ ᠠᠮᠤᠷ ᠵᠢᠷᠭᠠᠯ ᠢ ᠢᠷᠦᠬᠡᠬᠦ ᠶᠢᠨ ᠬᠠᠮᠳᠤ ᠤᠷᠳᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠬᠤ ᠶᠢ | ᠪᠡᠯᠬᠡᠳᠡᠭᠰᠡᠨ ᠰᠠᠨᠠᠭᠠ ᠪᠠᠨ ︽ᠰᠢᠷᠢᠭᠯᠡᠬᠦᠯᠬᠦ︾ ᠪᠠᠷ ᠲᠡᠮᠵᠢᠨ ᠪᠡᠯᠬᠡᠳᠡᠯ ᠢᠶᠠᠨ ᠪᠡᠶᠡᠯᠡᠬᠦᠯᠦᠭᠰᠡᠨ ᠲᠡᠳᠦᠢ ᠪᠤᠰᠤ ᠪᠠᠰᠠ ᠰᠢᠨᠡ ᠪᠡᠷᠢ ᠶᠢᠨ ᠢᠶᠠᠨ ︽ᠭᠠᠢ ᠪᠠᠷᠴᠢᠳ︾ | ᠢ ᠠᠷᠢᠯᠭᠠᠭᠰᠠᠨ ᠰᠠᠨᠠᠭᠠ ᠠᠬᠤᠢ ᠠᠭᠤᠯᠤᠭᠳᠠᠵᠤ ᠪᠤᠢ᠃ ᠡᠶᠢᠮᠤ ᠠᠴᠠ ᠪᠢᠳᠠ ᠤᠷᠳᠤᠰ ᠬᠤᠷᠢᠮ ᠤᠨ ᠶᠤᠰᠤᠨ ᠳᠠᠬᠢ ᠤᠤᠭᠠᠯ ᠰᠢᠳᠦᠯᠬᠡ ᠶᠢ ᠰᠢᠨᠵᠢᠯᠡᠨ | ᠰᠤᠳᠤᠯᠵᠤ᠂ ᠬᠦᠨ ᠲᠠᠯᠳᠠ ᠪᠡᠯᠬᠡᠳᠡᠯ ᠤᠨ ᠤᠳᠬᠠ ᠰᠠᠨᠠᠭᠠ ᠶᠢ ᠨᠠᠷᠢᠨ ᠲᠤᠩᠭᠠᠵᠤ᠂ ᠦᠨᠳᠦᠰᠦᠳᠡᠨ ᠤ ᠪᠠᠨ ᠤᠷᠳᠤ ᠤᠳᠠᠭᠠᠨ ᠲᠡᠦᠬᠡᠳᠦ ᠵᠠᠩ ᠦᠢᠯᠡ ᠪᠠᠨ | ᠬᠦᠨᠳᠦᠳᠬᠡᠨ ᠦᠪ ᠰᠤᠶᠤᠯ ᠢ ᠬᠢᠮᠠᠭᠠᠳᠠᠨ ᠠᠪᠤᠷᠠᠵᠤ᠂ ᠦᠨᠳᠦᠰᠦᠳᠡᠨ ᠤ ᠦᠬᠡ ᠬᠡᠯᠡ᠂ ᠵᠠᠩ ᠰᠠᠳᠬᠢᠴᠠ ᠬᠠᠶᠢᠯᠤᠭᠳᠠᠭᠠ ᠦᠬᠡᠢ ᠡᠨᠡ ᠡᠷᠢᠨ ᠳᠤ | ᠬᠦᠨᠳᠡᠯᠡᠨ ᠠᠴᠠ ᠤᠷᠤᠵᠤ ᠢᠷᠡᠭᠰᠡᠨ ᠤᠯᠠᠭᠠᠨ ᠴᠠᠭᠠᠰᠤᠨ ᠨᠢᠰᠬᠡ ᠤᠷᠢᠯᠭᠠ ᠲᠠᠯᠪᠢᠵᠦ ᠬᠤᠭᠤᠯᠠᠨ ᠬᠡᠷ ᠲᠤ ᠬᠤᠶᠠᠷ ᠴᠠᠭ ᠬᠤᠷᠭᠤᠳᠠᠨ ᠶᠠᠪᠤᠭᠳᠠᠳᠠᠭ ᠬᠤᠷᠢᠮ ᠤᠨ | ᠶᠤᠰᠤᠯᠠᠯ ᠨᠢ ᠶᠠᠮᠠᠷ ᠴᠤ ᠰᠤᠶᠤᠯ ᠢᠷᠬᠡᠨᠰᠢᠯ ᠤᠨ ᠠᠭᠤᠯᠭᠠ ᠦᠬᠡᠢ ᠬᠡᠳᠡᠭ ᠢ ᠤᠠᠬᠠᠭᠠᠨ ᠰᠠᠨᠠᠭᠠᠨ ᠳᠠᠭᠠᠨ ᠲᠤᠩᠭᠠᠪᠠᠯ ᠵᠤᠬᠢᠬᠤ ᠪᠤᠶᠤ᠃ | | | | | ᠰᠢᠨᠡ ᠪᠡᠷᠢ ᠳᠤ ᠲᠠᠷᠣᠭᠤᠯᠭᠠ ᠵᠡᠬᠦᠯᠬᠡᠨᠡ | | | ᠬᠡᠤᠬᠡᠨ ᠬᠦᠷᠭᠡᠨᠡ | | | | ᠰᠢᠨᠡ ᠪᠡᠷᠢ ᠶᠢ ᠰᠢᠷᠢᠭ ᠠᠯᠬᠤᠭᠤᠯᠤᠨᠡ | | | | ᠡᠬᠦᠳᠡ ᠲᠠᠷᠤᠨᠡ | | | |