| | ᠤᠤᠯ ᠤᠨ ᠬᠤᠷᠤᠭᠠᠨᠴᠠᠶᠢᠲᠠᠮ ᠰᠤᠮᠤᠨ ᠤ ᠲᠦᠪ ᠰᠠᠭᠤᠭᠠ ᠬᠤᠷᠤᠭᠠᠨ ᠵᠤᠤ ᠠᠴᠠ ᠡᠮᠦᠨᠡᠰᠢ ᠪᠠᠨ ᠲᠠᠪᠤᠨ ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠨᠢᠭᠡᠨ ᠴᠠᠶᠢᠲᠠᠮ ᠪᠠᠶᠢᠳᠠᠭ᠃ | ᠬᠤᠶᠠᠷ ᠨᠤᠮᠤᠬᠠᠨ ᠤᠷᠤᠢ ᠶᠢᠨ ᠬᠤᠶᠢᠳᠤ ᠪᠡᠶᠠ ᠳᠠᠬᠢ ᠬᠠᠳᠠᠨ ᠡ᠊ᠩᠭᠡᠷ ᠠᠴᠠ ᠡᠬᠢ ᠠᠪᠴᠤ ᠬᠤᠶᠢᠰᠢ ᠪᠠᠨ ᠦᠷᠭᠦᠯᠵᠢᠯᠡᠨ ᠬᠤᠷᠤᠭᠠᠨ ᠵᠤᠤ ᠶᠢᠨ ᠡᠮᠦᠨᠠ ᠬᠦᠷᠴᠤ | ᠡᠷᠭᠢᠭᠡᠳ ᠪᠠᠷᠠᠭᠤᠨᠰᠢ ᠪᠠᠨ ᠭᠤᠷᠪᠠᠨ ᠤᠯᠠᠭᠠᠨ ᠰᠡᠭᠡᠷ ᠤᠨ ᠠᠷᠦ ᠪᠠᠷ ᠪᠤᠷᠤᠳᠤᠯᠤᠭᠠᠢ ᠶᠢᠨ ᠤᠷᠢᠳᠤ ᠬᠦᠪᠡᠭᠡ ᠶᠢ ᠲᠠᠭᠠᠨ᠂ ᠬᠦᠭᠡ ᠲᠠᠯᠠ ᠶᠢᠨ ᠵᠡᠭᠦᠨᠲᠠᠢ ᠬᠦᠷᠦᠭᠰᠡᠨ | ᠴᠠᠶᠢᠲᠠᠮ ᠢ ᠪᠠᠶᠠᠨ ᠴᠠᠶᠢᠲᠠᠮ ᠭᠡᠳᠡᠭ᠃ ᠡᠨᠡ ᠬᠦ ᠴᠠᠶᠢᠲᠠᠮ ᠤᠨ ᠵᠡᠭᠦᠨ ᠭᠡᠰᠡᠭ ᠤᠨ ᠲᠤᠮᠳᠠᠭᠤᠷ ᠨᠢ ᠰᠠᠳᠠᠭ ᠤᠨ ᠭᠤᠤᠯ ᠤᠷᠤᠰᠴᠤ ᠬᠤᠶᠢᠰᠢ ᠪᠠᠨ ᠤᠯᠠᠭᠠᠨ | ᠲᠤᠭᠤᠷᠢᠮ ᠳᠤ ᠴᠢᠳᠬᠤᠵᠦ ᠪᠠᠶᠢᠳᠠᠭ᠃ ᠭᠤᠤᠯ ᠤᠨ ᠲᠤᠮᠳᠠ ᠭᠡᠰᠡᠭ ᠪᠠ ᠵᠠᠷᠢᠮ ᠭᠠᠵᠠᠷ ᠲᠤᠨᠢ ᠲᠡᠮᠡᠭᠡᠨ ᠴᠦᠭᠦᠷᠦᠮ᠂ ᠮᠤᠷᠢᠨ ᠴᠦᠭᠦᠷᠦᠮ ᠭᠡᠬᠦ ᠬᠦᠨ | ᠤᠰᠤ ᠲᠠᠢ ᠪᠤᠯᠤᠩ ᠲᠤᠬᠤᠢ ᠪᠤᠢ᠃ ᠪᠠᠶᠠᠨ ᠴᠠᠶᠢᠲᠠᠮ ᠤᠨ ᠡᠮᠦᠨᠡᠬᠢ ᠭᠤᠷᠪᠠᠨ ᠰᠡᠭᠡᠷ ᠤᠨ ᠠᠰ ᠬᠤᠶᠢᠰᠢ ᠵᠦᠭ ᠲᠤ ᠬᠤᠷᠤᠭᠠᠨ ᠵᠤᠤ ᠶᠢᠨ ᠪᠠᠷᠠᠭᠤᠨ ᠪᠠᠶᠠ ᠪᠠᠷ | ᠠᠷᠤᠡᠰᠢ ᠪᠠᠨ ᠤᠯᠠᠭᠠᠨ ᠲᠤᠭᠤᠷᠢᠮ ᠬᠦᠷᠦᠭᠰᠡᠨ ᠴᠠᠶᠢᠲᠠᠮ ᠢ ᠦᠬᠡᠭᠦᠢ ᠶᠢᠨ ᠴᠠᠶᠢᠲᠠᠮ ᠭᠡᠳᠡᠭ᠃ ᠬᠤᠷᠤᠭᠠᠨ ᠵᠤᠤ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠳᠤ ᠪᠠᠶᠠ ᠪᠠᠷ ᠲᠠᠪᠤ | ᠵᠢᠷᠭᠤᠭᠠᠨ ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠦᠭᠡᠬᠦᠢ ᠶᠢᠨ ᠴᠠᠶᠢᠲᠠᠮ ᠠᠴᠠ ᠡᠬᠢ ᠠᠪᠴᠤ ᠵᠡᠭᠦᠨᠰᠢ᠂ ᠵᠡᠭᠦᠨ ᠤᠷᠤᠭᠰᠢ ᠪᠠᠨ ᠦᠷᠭᠦᠯᠵᠢᠯᠡᠭᠰᠡᠨ ᠴᠠᠶᠢᠲᠠᠮ ᠢ ᠦᠩᠭᠦᠯᠴᠡᠭ ᠤᠨ | ᠴᠠᠶᠢᠲᠠᠮ ᠭᠡᠳᠡᠭ᠃ ᠬᠦᠬᠡ ᠲᠠᠯᠠ ᠶᠢᠨ ᠵᠡᠭᠦᠨ ᠪᠡᠶᠠ ᠳᠤ ᠬᠦᠷᠦᠭᠰᠡᠨ ᠪᠠᠶᠠᠨ ᠴᠠᠶᠢᠲᠠᠮ ᠠᠴᠠ ᠤᠷᠤᠭᠰᠢ ᠪᠠᠨ ᠵᠠᠯᠭᠠᠯᠳᠤᠵᠦ᠂ ᠡᠷᠭᠢᠨ ᠲᠤᠭᠤᠷᠢᠨ ᠢᠶᠠᠷ ᠢᠶᠠᠨ ᠡᠬᠡᠬᠡ | ᠯᠠ ᠬᠤᠷᠤᠭᠠ ᠬᠠᠰᠢᠶᠠ ᠮᠡᠳᠤ ᠪᠠᠶᠢᠷᠢᠯᠠᠵᠦ ᠪᠠᠶᠢᠳᠠᠭ ᠠᠴᠠ ᠪᠠᠨ ᠬᠦᠮᠦᠰ ᠭᠤᠷᠪᠠᠨ ᠴᠠᠶᠢᠲᠠᠮ ᠢ ᠨᠡᠶᠢᠯᠡᠭᠦᠯᠦᠭᠡᠳ ᠶᠡᠷᠦᠩᠬᠡᠶᠢᠯᠡᠨ ᠬᠤᠷᠤᠭᠠᠨᠴᠠᠶᠢᠲᠠᠮ ᠭᠡᠵᠦ ᠨᠡᠷᠡᠯᠡᠨ | ᠲᠠᠭᠤᠳᠠᠳᠠᠭ ᠪᠤᠯᠤᠭᠰᠠᠨ ᠭᠡᠨᠠ᠃ ᠴᠢᠯᠦᠭᠡᠯᠡᠭᠳᠡᠬᠦ ᠦᠶᠠ ᠳᠤ ᠰᠤᠮᠤᠨ ᠤ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠨᠡᠷᠠ ᠪᠤᠯᠵᠦ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨᠠ᠃ | ᠴᠢᠯᠦᠭᠡᠯᠡᠭᠳᠡᠬᠦ ᠶᠢᠨ ᠤᠷᠢᠳᠤ ᠭᠡᠳᠤᠨ ᠵᠢᠯ ᠳᠤ ᠮᠦᠩᠭᠡᠨᠠᠰᠤᠨ ᠭᠡᠭᠴᠢ ᠵᠠᠯᠠᠭᠤ ᠬᠠᠩᠭᠢᠨ ᠤ ᠴᠡᠷᠢᠭ ᠤᠨ ᠠᠯᠪᠠ ᠬᠠᠭᠠᠵᠦ ᠪᠠᠶᠢᠭᠠᠳ ᠬᠠᠩᠭᠢᠨ ᠶᠠᠮᠦᠨ ᠤ | ᠲᠤᠮᠢᠯᠠᠭᠠ ᠪᠠᠷ ᠲᠦᠷᠪᠡᠨ ᠵᠠᠯᠠᠭᠤ ᠶᠢ ᠰᠦᠢᠶᠤᠸᠠᠨ ︵ᠬᠦᠬᠡᠬᠤᠳᠠ︶ ᠳᠤ ᠴᠡᠷᠢᠭ ᠤᠨ ᠪᠦᠷᠢᠶᠡᠴᠢᠨ ᠰᠤᠷᠭᠠᠬᠤ ᠪᠠᠷ ᠶᠠᠪᠤᠭᠤᠯᠬᠤ ᠳᠤ ᠲᠡᠳᠡᠨ ᠤ ᠨᠢᠭᠡ ᠨᠢ ᠪᠤᠯᠵᠦ | ᠶᠠᠪᠤᠵᠠᠢ᠃ ᠬᠡᠳᠤᠨ ᠰᠠᠷᠠ ᠶᠢᠨ ᠪᠤᠯᠪᠠᠰᠤᠷᠠᠯ ᠢᠶᠠᠷ ᠲᠠᠮᠵᠢᠭᠠᠳ ᠮᠦᠩᠭᠡᠨᠠᠰᠤᠨ ᠶᠡᠭᠡ ᠰᠠᠶᠢᠨ ᠪᠦᠷᠢᠶᠡᠴᠢᠨ ᠪᠤᠯᠤᠭᠰᠠᠨ ᠪᠠᠶᠢᠵᠠᠢ᠃ ᠭᠡᠪᠡᠴᠤ ᠡᠪᠡᠳᠴᠢᠨ ᠲᠠᠬᠤᠯ | ᠤᠷᠤᠵᠦ ᠵᠠᠰᠠᠷᠠᠵᠦ ᠲᠠᠶᠢᠯᠦᠭᠰᠡᠨ ᠦᠭᠡᠢ ᠪᠠᠷ ᠪᠤᠰᠤᠳ ᠲᠠᠢ ᠪᠠᠨ ᠬᠠᠮᠳᠤ ᠬᠠᠷᠢᠵᠦ ᠢᠷᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠬᠦᠮᠦᠨ ᠤ ᠭᠠᠵᠠᠷ ᠦᠭᠡᠳᠡ ᠪᠤᠯᠤᠭᠰᠠᠨ ᠪᠠᠶᠢᠪᠠ᠃ | ᠮᠦᠩᠭᠡᠨᠠᠰᠤᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠲᠠᠭᠤᠯᠠᠵᠦ ᠬᠦᠭᠵᠢᠮᠳᠡᠭᠦ ᠳᠡᠭᠡᠨ ᠠᠪᠢᠶᠠᠰ ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠬᠠᠮᠳᠤ ᠶᠠᠪᠤᠭᠠ | ᠬᠦᠮᠦᠰ ᠲᠡᠭᠡᠨ ᠲᠠᠭᠤᠤ ᠵᠤᠬᠢᠶᠠᠵᠦ ᠭᠡᠷ ᠨᠤᠳᠤᠭ᠂ ᠠᠪᠤ ᠡᠵᠢ ᠪᠠᠨ ᠰᠠᠨᠠᠭᠠᠯᠵᠠᠭᠰᠠᠨ ᠢᠶᠠᠨ ᠢᠯᠡᠳᠭᠡᠵᠦ ᠪᠢᠴᠢᠭᠰᠡᠨ ︽ᠬᠤᠷᠤᠭᠠᠨ ᠴᠠᠶᠢᠲᠠᠮ︾ ᠭᠡᠮᠡᠬᠦ ᠲᠠᠭᠤᠤ ᠨᠢ | ᠬᠤᠯᠠ ᠤᠢᠢᠷᠠ ᠳᠤ ᠠᠯᠲᠠᠷᠰᠢᠨ ᠲᠡᠯᠭᠡᠷᠡᠭᠰᠡᠨ ᠪᠠᠶᠢᠪᠠ᠃ | ᠬᠤᠷᠤᠭᠠᠨᠴᠠᠶᠢᠲᠠᠮ ᠨᠤᠳᠤᠭ ᠲᠠᠢ ᠯᠠ ᠶᠤᠮ | ᠬᠤᠶᠠᠷ ᠦᠨᠳᠦᠷ ᠨᠤᠮᠶᠠᠭᠠᠨ ᠲᠠᠢ ᠯᠠ ᠶᠤᠮ | ᠬᠤᠷᠤᠭᠠᠨ ᠵᠤᠦ ᠶᠢᠨ ᠡᠭᠦᠲᠡᠨ ᠳᠤ | ᠬᠤᠶᠠᠷ ᠮᠤᠳᠤ ᠲᠠᠢ ᠠᠶᠢᠯ ᠪᠠᠶᠢᠯᠠ ᠬᠦ᠋ | ᠁ ᠭᠡᠵᠦ ᠲᠠᠭᠤᠯᠠᠨ ᠵᠤᠬᠢᠶᠠᠭᠰᠠᠨ ᠲᠠᠭᠤᠤ ᠨᠢ ᠡᠳᠦᠭᠡ ᠴᠤ ᠭᠡᠳ ᠠᠷᠠᠳ ᠤᠨ ᠲᠤᠮᠳᠠ ᠤᠯᠠᠮᠵᠢᠯᠠᠭᠲᠠᠨ ᠲᠠᠭᠤᠯᠠᠭᠳᠠᠭᠰᠠᠭᠠᠷ ᠪᠠᠶᠢᠳᠠᠭ᠃ | ᠮᠦᠩᠭᠡᠨᠠᠰᠤᠨ ᠤ ᠭᠡᠷ ᠨᠢ ᠲᠠᠷᠤᠢ ᠲᠠᠭᠤᠤ ᠳᠤ ᠲᠠᠭᠤᠯᠠᠭᠳᠠᠭᠰᠠᠨ ᠲᠡᠷᠡ ᠶᠤᠰᠤᠭᠠᠷ ᠬᠤᠷᠤᠭᠠᠨ ᠵᠤᠤ ᠰᠦᠮᠠ ᠶᠢᠨ ᠡᠭᠦᠳᠡᠨ ︵ᠡᠮᠦᠨᠠ ᠨᠢ︶ ᠠᠴᠠ ᠨᠠᠢᠮᠠ ᠶᠢᠰᠤᠨ | ᠭᠠᠵᠠᠷ ᠤᠨ ᠵᠠᠶᠢᠲᠠᠢ ᠬᠤᠶᠠᠷ ᠬᠠᠶᠢᠯᠠᠰᠤᠨ ᠮᠤᠳᠤ ᠲᠠᠢ ᠲᠡᠷᠡ ᠠᠶᠢᠯ ᠪᠤᠯᠤᠨᠠ᠃ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠤ ᠲᠠᠷᠠᠭᠠ ᠰᠤᠮᠤ᠂ ᠪᠠᠷᠢᠭᠠᠲᠠ ᠭᠡᠵᠦ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ | ᠲᠠᠷᠠᠭᠠ ᠴᠠᠶᠢᠲᠠᠮ ᠶᠡᠭᠡ ᠪᠠᠷᠢᠭᠠᠲᠠ ᠶᠢᠨ ᠵᠦᠪᠯᠡᠯ ᠶᠠᠭ ᠰᠠᠶᠢᠬᠠᠨ ᠮᠦᠩᠭᠡᠨᠠᠰᠤᠨ ᠤ ᠭᠡᠷ ᠤᠨ ᠪᠠᠭᠤᠷᠢ ᠲᠡᠭᠡᠷᠠ ᠠᠯᠪᠠ ᠬᠢᠵᠦ ᠪᠠᠶᠢᠪᠠ᠃ ᠡᠳᠦᠭᠡ ᠬᠤᠶᠠᠷ | ᠬᠠᠶᠢᠯᠠᠰᠤᠨ ᠮᠤᠳᠤᠨ ᠤ ᠨᠢᠭᠡ ᠨᠢ ᠦᠭᠡᠢ ᠪᠤᠯᠴᠢᠬᠠᠵᠠᠢ᠂ ᠨᠢᠭᠡ ᠨᠢ ᠪᠠᠶᠢᠵᠦ ᠪᠠᠶᠢᠭᠰᠠᠨ ᠢᠶᠠᠨ ᠡᠳᠦᠭᠡ ᠰᠠᠭᠤᠭᠠ ᠠᠶᠢᠯ ᠤᠨ ᠭᠠᠷ ᠦᠵᠦᠭᠦᠷ ᠤᠨ ᠪᠡᠯᠡ ᠪᠤᠯᠵᠦ | ᠲᠠᠭᠠᠷᠢᠭᠳᠠᠭᠰᠠᠨ ᠪᠠᠶᠢᠯᠠ᠃ | | | | | | |