| ︵ᠨᠢᠭᠡ︶ ᠤᠭᠤᠷᠠᠭ ᠤᠨ ᠮᠠᠯ ᠤᠨ ᠪᠡᠶᠡ ᠳᠠᠬᠢ ᠰᠢᠮᠡ ᠲᠡᠵᠢᠭᠡᠯ ᠤᠨ ᠦᠢᠯᠡᠳᠦᠯ | 1᠂ ᠤᠭᠤᠷᠠᠭ ᠪᠣᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠡᠷᠬᠡᠲᠡᠨ᠂ ᠨᠡᠬᠡᠳᠡᠰᠦ ᠬᠢᠭᠡᠳ ᠪᠡᠶᠡ ᠶᠢᠨ ᠡᠰ ᠢ ᠪᠦᠷᠢᠯᠳᠦᠭᠦᠯᠬᠦ ᠭᠤᠣᠯ ᠪᠦᠷᠢᠯᠳᠦᠭᠦᠨ ᠮᠥᠨ᠃ ᠵᠢᠱᠢᠶᠡᠯᠡᠪᠡᠯ᠄ | ᠪᠥᠮᠪᠦᠯᠢᠭ ᠤᠭᠤᠷᠠᠭ ᠪᠣᠯ ᠮᠠᠯ ᠤᠨ ᠨᠡᠬᠡᠳᠡᠰᠦ ᠶᠢ ᠪᠦᠷᠢᠯᠳᠦᠭᠦᠯᠬᠦ ᠲᠦᠭᠦᠬᠡᠢ ᠡᠳ᠋ ᠮᠥᠨ᠂ ᠴᠭᠠᠨ ᠤᠭᠤᠷᠠᠭ ᠪᠣᠯ ᠪᠡᠶᠡ ᠶᠢᠨ ᠰᠢᠩᠭᠡᠨ ᠢ ᠪᠦᠷᠢᠯᠳᠦᠭᠦᠯᠬᠦ | ᠲᠦᠭᠦᠬᠡᠢ ᠡᠳ᠋ ᠮᠥᠨ᠃ ᠴᠢᠰᠤᠨ ᠳᠠᠬᠢ ᠴᠢᠰᠤᠨ ᠤ ᠤᠯᠠᠭᠠᠨ ᠤᠭᠤᠷᠠᠭ ᠪᠣᠯ ᠤᠭᠤᠷᠠᠭ ᠪᠠ ᠲᠡᠮᠦᠷ ᠲᠠᠢ ᠨᠡᠶᠢᠯᠡᠵᠦ ᠪᠦᠲᠦᠭᠰᠡᠨ ᠶᠤᠮ᠃ ᠡᠯᠢᠭᠡ | ᠳᠡᠯᠢᠭᠦᠦ ᠳᠠᠬᠢ ᠡᠯᠢᠭᠡᠨ ᠤ ᠬᠦᠷᠡᠩ ᠡᠳ᠋ ᠪᠣᠯ ᠤᠭᠤᠷᠠᠭ ᠪᠠ ᠲᠡᠮᠦᠷ ᠢᠶᠠᠷ ᠪᠦᠲᠦᠭᠰᠡᠨ ᠶᠤᠮ᠃ ᠴᠢᠰᠤᠨ ᠤ ᠴᠠᠶᠢᠪᠠᠩ ᠤᠨ ᠤᠭᠤᠷᠠᠭ ᠪᠣᠯ ᠤᠭᠤᠷᠠᠭ ᠪᠠ | ᠵᠡᠰ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠶᠤᠮ᠃ ᠤᠭᠤᠷᠠᠭ ᠨᠢ ᠥᠭᠡᠬᠦ ᠲᠣᠰᠣ ᠲᠠᠢ ᠨᠢᠭᠡᠳᠬᠡᠪᠡᠯ ᠲᠣᠰᠣᠲᠤ ᠤᠭᠤᠷᠠᠭ ᠪᠤᠢ ᠪᠣᠯᠣᠭᠠᠳ᠂ ᠡᠰ ᠤᠨ ᠪᠥᠭᠡᠮ᠂ ᠴᠢᠰᠤ᠂ ᠰᠦᠨ | ᠳᠣᠲᠣᠷᠠ ᠣᠷᠣᠰᠢᠵᠤ ᠪᠠᠶᠢᠳᠠᠭ᠂ ᠥᠨᠳᠡᠭᠡᠨ ᠹᠣᠰᠹᠣᠷᠲᠤ ᠲᠤᠰᠤᠨ ᠤᠭᠤᠷᠠᠭ ᠨᠢ ᠲᠡᠳᠡᠭᠡᠷ ᠤᠨ ᠳᠣᠲᠣᠷᠠᠬᠢ ᠨᠢᠭᠡ ᠵᠦᠢᠯ ᠪᠣᠯᠣᠨᠠ᠃ ᠮᠠᠯ ᠤᠨ ᠪᠡᠶᠡ ᠶᠢᠨ | ᠭᠠᠳᠠᠭᠠᠳᠤ ᠳᠠᠬᠢ ᠡᠯᠡ ᠵᠦᠢᠯ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠨᠡᠬᠡᠳᠡᠰᠦ᠂ ᠵᠢᠱᠢᠶᠡᠯᠡᠪᠡᠯ᠂ ᠦᠰᠦ᠂ ᠨᠣᠣᠰᠣ᠂ ᠥᠳᠥ᠂ ᠲᠤᠭᠤᠷᠠᠢ᠂ ᠡᠪᠡᠷ ᠵᠡᠷᠭᠡ ᠨᠢ ᠴᠥᠮ ᠡᠪᠡᠷᠯᠢᠭ | ᠤᠭᠤᠷᠠᠭ ᠪᠠ ᠴᠠᠪᠠᠤᠯᠢᠭ ᠤᠭᠤᠷᠠᠭ ᠠᠴᠠ ᠪᠦᠲᠦᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠮᠠᠯ ᠤᠨ ᠪᠤᠯᠴᠢᠩ ᠮᠢᠬᠠ᠂ ᠮᠡᠳᠡᠷᠡᠯ᠂ ᠬᠡᠯᠬᠢᠶᠡ ᠨᠡᠬᠡᠳᠡᠰᠦ᠂ ᠠᠷᠠᠰᠤ᠂ ᠴᠢᠰᠤᠨ | ᠰᠢᠩᠭᠡᠨ ᠵᠡᠷᠭᠡ ᠪᠣᠯ ᠪᠦᠷ ᠤᠭᠤᠷᠠᠭ ᠢᠶᠠᠷ ᠦᠨᠳᠦᠰᠦᠨ ᠪᠦᠷᠢᠯᠳᠦᠭᠦᠨ ᠢᠶᠠᠨ ᠪᠣᠯᠭᠠᠳᠠᠭ᠃ | 2᠂ ᠤᠭᠤᠷᠠᠭ ᠪᠣᠯ ᠪᠡᠶᠡ ᠶᠢᠨ ᠨᠡᠬᠡᠳᠡᠰᠦ ᠶᠢ ᠰᠡᠯᠪᠢᠨ ᠨᠥᠬᠦᠪᠦᠷᠢᠯᠡᠬᠦ ᠳᠤ ᠲᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠪᠣᠳᠠᠰ ᠮᠥᠨ᠃ ᠮᠠᠯ ᠤᠨ ᠪᠡᠶᠡ ᠶᠢᠨ | ᠨᠡᠬᠡᠳᠡᠰᠦ ᠡᠷᠬᠡᠲᠡᠨ ᠤ ᠤᠭᠤᠷᠠᠭ ᠨᠢ ᠰᠢᠨᠡ ᠬᠠᠭᠤᠴᠢᠨ ᠤ ᠰᠣᠯᠢᠯᠴᠠᠭᠠ ᠪᠠᠷ ᠳᠠᠮᠵᠢᠵᠤ ᠳᠠᠰᠤᠷᠠᠯ ᠦᠭᠡᠢ ᠰᠢᠨᠡᠴᠢᠯᠡᠭᠳᠡᠵᠦ ᠪᠠᠶᠢᠳᠠᠭ᠃ ᠤᠭᠤᠷᠠᠭ ᠢ | ᠲᠠᠰᠤᠷᠠᠯᠳᠠ ᠦᠭᠡᠢ ᠠᠰᠢᠭᠯᠠᠨ᠂ ᠠᠮᠢ ᠨᠠᠰᠤᠨ ᠤ ᠬᠥᠳᠡᠯᠭᠡᠭᠡᠨ ᠪᠠ ᠡᠷᠡᠭᠦᠯ ᠴᠢᠭᠢᠷᠠᠭ ᠢᠶᠠᠨ ᠪᠠᠲᠤᠯᠠᠳᠠᠭ ᠪᠠᠶᠢᠨᠠ᠃ ᠰᠤᠳᠤᠯᠤᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠪᠠᠷᠤᠭ | 6～7 ᠰᠠᠷᠠ ᠥᠩᠭᠡᠷᠡᠪᠡᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠪᠦᠬᠦᠶᠢᠯᠡ ᠤᠭᠤᠷᠠᠭ ᠤᠨ ᠬᠠᠭᠠᠰ ᠨᠢ ᠳᠠᠷᠤᠢ ᠰᠢᠨᠡ ᠤᠭᠤᠷᠠᠭ ᠢᠶᠠᠷ ᠣᠷᠣᠯᠠᠭᠳᠠᠳᠠᠭ ᠪᠠᠶᠢᠨᠠ᠃ | 3᠂ ᠤᠭᠤᠷᠠᠭ ᠪᠣᠯ ᠮᠠᠯ ᠤᠨ ᠪᠡᠶᠡ ᠶᠢᠨ ᠢᠯᠴᠢ ᠶᠢᠨ ᠡᠨᠧᠷᠬᠢ ᠶᠢ ᠬᠠᠩᠭᠠᠳᠠᠭ ᠦᠢᠯᠡᠳᠦᠯ ᠲᠠᠢ᠃ ᠮᠠᠯ ᠤᠨ ᠪᠡᠶᠡ ᠶᠢᠨ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠢᠭᠡᠳᠦᠯ | ᠪᠠ ᠥᠭᠡᠬᠦ ᠳᠤᠲᠠᠭᠳᠠᠭᠰᠠᠨ ᠦᠶᠡᠰ ᠲᠤ᠂ ᠤᠭᠤᠷᠠᠭ ᠨᠢ ᠮᠠᠯ ᠤᠨ ᠪᠡᠶᠡ ᠶᠢᠨ ᠳᠣᠲᠣᠷᠠ ᠵᠠᠳᠠᠷᠠᠨ ᠢᠰᠦᠯᠳᠦᠵᠦ᠂ ᠢᠯᠴᠢ ᠶᠢᠨ ᠡᠨᠧᠷᠬᠢ ᠢᠯᠭᠠᠷᠠᠭᠤᠯᠬᠤ ᠪᠠᠷ | ᠳᠠᠮᠵᠢᠨ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠢᠭᠡᠳᠦᠯ ᠪᠠ ᠥᠭᠡᠬᠦ ᠳᠤᠲᠠᠭᠳᠠᠭᠰᠠᠨ ᠢ ᠨᠥᠬᠦᠪᠦᠷᠢᠯᠡᠵᠦ ᠪᠣᠯᠣᠨᠠ᠃ ᠢᠯᠡᠭᠦᠴᠡ ᠤᠭᠤᠷᠠᠭ ᠨᠢ ᠡᠯᠢᠭᠡ᠂ ᠴᠢᠰᠤ ᠪᠠ | ᠪᠤᠯᠴᠢᠩ ᠤᠨ ᠳᠣᠲᠣᠷᠠ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠠᠷ ᠬᠠᠳᠠᠭᠠᠯᠠᠭᠳᠠᠬᠤ ᠪᠤᠶᠤ ᠡᠰᠡᠬᠦᠯᠡ ᠠᠮᠢᠨᠤ᠋ ᠦᠭᠡᠶᠢᠳᠡᠭᠦᠯᠬᠦ ᠦᠢᠯᠡᠳᠦᠯ ᠢᠶᠠᠷ ᠳᠠᠮᠵᠢᠵᠤ᠂ ᠠᠽᠣᠲ ᠥᠯᠥ | ᠠᠭᠤᠯᠬᠤ ᠬᠡᠰᠡᠭ ᠢᠶᠠᠨ ᠥᠭᠡᠬᠦ ᠪᠣᠯᠭᠠᠨ ᠨᠥᠭᠡᠴᠡᠯᠡᠵᠦ᠂ ᠰᠢᠮᠡ ᠲᠡᠵᠢᠭᠡᠯ ᠳᠤᠲᠠᠭᠳᠠᠭᠰᠠᠨ ᠦᠶᠡ ᠳᠤ ᠲᠠᠬᠢᠨ ᠵᠠᠳᠠᠷᠠᠭᠤᠯᠵᠤ ᠮᠠᠯ ᠤᠨ ᠪᠡᠶᠡ ᠶᠢᠨ ᠡᠨᠧᠷᠬᠢ ᠶᠢᠨ | ᠱᠠᠭᠠᠷᠳᠠᠯᠭᠠ ᠶᠢ ᠬᠠᠩᠭᠠᠬᠤ ᠳᠤ ᠪᠡᠯᠡᠳᠬᠡᠳᠡᠭ ᠶᠤᠮ᠃ | 4᠂ ᠤᠭᠤᠷᠠᠭ ᠪᠣᠯ ᠡᠯᠡ ᠲᠥᠷᠥᠯ ᠤᠨ ᠮᠠᠯ ᠤᠨ ᠠᠰᠢᠭ ᠰᠢᠮᠡ ᠪᠤᠯᠬᠤ ᠰᠦ᠋᠂ ᠮᠢᠬᠠ᠂ ᠥᠨᠳᠡᠭᠡ᠂ ᠨᠣᠣᠰᠣ ᠵᠢᠴᠢ ᠮᠠᠯ ᠤᠨ ᠪᠡᠶᠡ ᠶᠢᠨ | ᠳᠣᠲᠣᠭᠠᠳᠤ ᠶᠢᠨ ᠢᠰᠬᠡᠭᠦᠷ᠂ ᠬᠤᠷᠮᠣᠨ᠂ ᠡᠰᠡᠷᠭᠦ ᠴᠣᠭᠴᠠ᠂ ᠪᠤᠳᠤᠭᠲᠤ ᠡᠳ᠋ ᠵᠡᠷᠭᠡ ᠶᠢ ᠪᠦᠷᠢᠯᠳᠦᠭᠦᠯᠦᠨᠡ᠃ ᠮᠠᠯ ᠤᠨ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠳᠤ ᠤᠭᠤᠷᠠᠭ | ᠳᠤᠲᠠᠭᠳᠠᠪᠠᠯ ᠲᠡᠭᠦᠨ ᠤ ᠠᠮᠢ ᠨᠠᠰᠤ᠂ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠥᠰᠦᠯᠲᠡ ᠪᠤᠶᠢᠵᠢᠯᠳᠠ ᠪᠠ ᠦᠷᠡᠵᠢᠯ ᠢ ᠨᠥᠯᠥᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠠᠯ ᠤᠨ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠪᠣᠯᠣᠨ ᠠᠰᠢᠭ ᠰᠢᠮᠡ ᠶᠢᠨ ᠭᠠᠷᠤᠯᠲᠠ᠂ ᠶᠠᠰᠤ ᠴᠢᠨᠠᠷ ᠢ ᠴᠤ ᠪᠠᠭᠤᠷᠠᠭᠤᠯᠬᠤ ᠪᠣᠯᠣᠨᠠ᠃ | ︵ᠬᠤᠶᠠᠷ︶ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠳᠤ ᠤᠭᠤᠷᠠᠭ ᠳᠤᠲᠠᠭᠳᠠᠬᠤ ᠨᠥᠯᠥᠭᠡ | ᠬᠡᠷᠪᠡ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠳᠠᠬᠢ ᠤᠭᠤᠷᠠᠭ ᠳᠤᠲᠠᠭᠳᠠᠪᠠᠯ ᠮᠠ ᠤᠨ ᠪᠡᠶᠡ ᠳᠠᠬᠢ ᠤᠭᠤᠷᠠᠭ ᠤᠨ ᠰᠣᠯᠢᠯᠴᠠᠭᠠ ᠨᠢ ᠰᠥᠭᠡᠷᠭᠦ ᠲᠡᠩᠴᠡᠭᠦᠷᠢ ᠪᠣᠯᠵᠤ᠂ | ᠴᠢᠰᠤᠨ ᠤ ᠤᠯᠠᠭᠠᠨ ᠤᠭᠤᠷᠠᠭ ᠪᠠ ᠴᠢᠰᠤᠨ ᠡᠰ ᠤᠨ ᠤᠭᠤᠷᠠᠭ ᠲᠤᠲᠠᠭᠳᠠᠵᠤ ᠴᠢᠰᠤ ᠳᠤᠲᠠᠭᠳᠠᠬᠤ ᠡᠪᠡᠳᠴᠢᠨ ᠣᠯᠣᠨᠠ᠃ ᠮᠠᠯ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ᠂ | ᠰᠦᠨ ᠤ ᠭᠠᠷᠤᠯᠲᠠ᠂ ᠥᠰᠦᠯᠲᠡ ᠶᠢᠨ ᠨᠤᠷᠮᠠ ᠵᠡᠷᠭᠡ ᠨᠢ ᠪᠠᠭᠤᠷᠠᠳᠠᠭ ᠪᠠᠶᠢᠨᠠ᠃ | ᠮᠠᠯ ᠲᠡᠵᠢᠭᠡᠪᠦᠷᠢ ᠶᠢᠨ ᠦᠷᠡᠵᠢᠯ ᠤᠨ ᠴᠢᠳᠠᠪᠤᠷᠢ ᠶᠢ ᠨᠥᠯᠥᠭᠡᠯᠡᠵᠦ᠂ ᠬᠡᠭᠡᠯᠲᠦᠭᠦᠯᠦᠭᠴᠢ ᠶᠢᠨ ᠦᠷᠡ ᠶᠢᠨ ᠲᠤᠭᠠ ᠬᠡᠮᠵᠢᠶᠡ ᠨᠢ ᠬᠠᠰᠤᠭᠳᠠᠬᠤ ᠪᠥᠭᠡᠳ | ᠴᠢᠨᠠᠷ ᠨᠢ ᠮᠠᠭᠤᠳᠠᠨᠠ᠃ ᠬᠡᠭᠡᠯᠲᠦᠭᠴᠢ ᠮᠠᠯ ᠣᠷᠤᠭᠠ ᠣᠷᠣᠬᠤ ᠦᠭᠡᠢ᠂ ᠬᠡᠭᠡᠯ ᠲᠣᠭᠲᠠᠬᠤ ᠪᠤᠶᠤ ᠬᠥᠪᠥᠷᠡᠯ ᠤᠨ ᠪᠤᠶᠢᠵᠢᠯᠳᠠ ᠮᠠᠭᠤ ᠪᠤᠯᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ | ᠂ ᠪᠠᠰᠠ ᠵᠡᠷᠡᠮᠳᠡᠭ ᠲᠥᠯ᠂ ᠦᠬᠦᠭᠰᠡᠨ ᠲᠥᠯ ᠪᠤᠶᠤ ᠪᠠᠭᠤᠷᠠᠢ ᠲᠥᠯ ᠲᠥᠯᠯᠡᠳᠡᠭ᠃ | ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠤ ᠤᠭᠤᠷᠠᠭ ᠤᠨ ᠬᠡᠮᠵᠢᠶᠡ ᠨᠢ ᠮᠠᠯ ᠤᠨ ᠱᠠᠭᠠᠷᠳᠠᠯᠭᠠ ᠠᠴᠠ ᠬᠡᠲᠦᠷᠡᠪᠡᠯ ᠤᠭᠤᠷᠠᠭ ᠢ ᠪᠦᠷᠢᠯᠭᠡᠨ ᠰᠦᠢᠳᠬᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ | ᠮᠠᠯ ᠤᠨ ᠪᠡᠶᠡ ᠶᠢᠨ ᠰᠥᠯᠢᠯᠴᠠᠭᠠ ᠰᠠᠮᠠᠭᠤᠷᠠᠬᠤ ᠪᠤᠶᠤ ᠤᠭᠤᠷᠠᠭ ᠤᠨ ᠬᠤᠣᠷᠳᠠᠯ ᠪᠣᠯᠣᠨᠠ᠃ ᠡᠶᠢᠮᠦ ᠠᠴᠠ ᠮᠠᠯ ᠤᠨ ᠠᠳᠠᠯᠢ ᠪᠤᠰᠤ ᠹᠢᠽᠢᠣᠯᠣᠭᠢ ᠶᠢᠨ ᠪᠠᠶᠢᠳᠠᠯ | ᠪᠣᠯᠣᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠨᠢ ᠦᠨᠳᠦᠰᠦᠯᠡᠨ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠᠨ ᠤ ᠤᠭᠤᠷᠠᠭ ᠤᠨ ᠬᠡᠮᠵᠢᠶᠡ ᠶᠢ ᠵᠣᠬᠢᠰᠲᠠᠢ ᠪᠠᠷ ᠲᠣᠬᠢᠷᠠᠭᠤᠯᠬᠤ ᠪᠣᠯ ᠮᠠᠯ | ᠲᠡᠵᠢᠭᠡᠪᠦᠷᠢ ᠶᠢᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠢ ᠪᠠᠲᠤᠯᠠᠵᠤ᠂ ᠮᠠᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠴᠢᠬᠤᠯᠠ ᠨᠢᠭᠡᠨ ᠵᠠᠩᠭᠢᠯᠠᠭᠠ ᠪᠣᠯᠣᠨᠠ᠃ | | ︽ᠲᠡᠵᠢᠭᠡᠯ ᠪᠣᠷᠳᠤᠭᠠ ᠪᠣᠯᠣᠨ ᠠᠷᠠᠴᠢᠯᠠᠭᠠ ᠶᠢᠨ ᠰᠤᠳᠤᠯᠤᠯ︾ ᠭᠡᠬᠦ ᠨᠣᠮ ᠠᠴᠠ ᠪᠠᠭᠤᠯᠭᠠᠪᠠ | | |