| ᠡᠪᠰᠡᠬᠦ ᠣᠷᠤᠭ ᠤᠨ ᠡᠭᠦᠰᠦᠯ | | 和亲 ︵ᠡᠪᠰᠡᠬᠦ ᠣᠷᠤᠭ︶ ᠭᠡᠳᠡᠭ ᠦᠭᠡ ᠪᠣᠯ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠬᠠᠨ ᠣᠯᠣᠰ ᠤᠨ ᠲᠠᠯᠠ ᠶᠢᠨ ᠦᠭᠡ ᠬᠡᠯᠡᠯᠭᠡ ᠪᠠᠷ ᠨᠡᠷᠡᠶᠢᠳᠦᠭᠰᠡᠨ ᠣᠯᠣᠰ | ᠲᠦᠷᠦ ᠶᠢᠨ ᠴᠢᠨᠠᠷᠳᠠᠢ ᠨᠡᠷᠡᠰ ᠦᠭᠡ ᠪᠣᠯᠣᠨᠠ᠂ ᠾᠦᠩᠨᠦ ᠶᠢᠨ ᠲᠠᠯᠠ ᠠᠴᠠ ᠬᠡᠯᠡᠪᠡᠯ᠂ ᠬᠠᠨ ᠣᠯᠣᠰ ᠵᠢᠯ ᠪᠦᠷᠢ ᠠᠯᠳᠠ ᠮᠦᠩᠭᠦ᠂ ᠲᠣᠷᠭᠠ ᠲᠣᠷᠳᠣᠩ᠂ ᠠᠮᠣ | ᠪᠣᠳᠠᠭᠠ᠂ ᠬᠦᠪᠦᠩ ᠮᠢᠨᠳᠠᠰᠤ᠂ ᠠᠷᠢᠬᠢ ᠲᠠᠷᠠᠰᠣ ᠵᠡᠷᠭᠡ ᠶᠢ ᠲᠣᠭᠳᠠᠭᠰᠠᠨ ᠲᠤᠭᠠ ᠬᠡᠮᠵᠢᠶᠡ ᠪᠠᠷ ᠾᠦᠩᠨᠦᠴᠦᠳ ᠲᠤ ᠬᠦᠷᠭᠡᠵᠥ ᠠᠯᠪᠠ ᠪᠠᠷᠢᠬᠤ ᠠᠴᠠ ᠭᠠᠳᠠᠨᠠ | ᠪᠠᠰᠠ ᠬᠠᠭᠠᠨ ᠤ ᠪᠠᠨ ᠭᠦᠩᠵᠥ ᠬᠡᠣᠬᠡᠨ ᠢᠶᠠᠨ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠳᠤ ᠬᠦᠷᠭᠡᠵᠥ ᠪᠠᠶᠢᠬᠤ ᠭᠠᠳᠠᠭᠠᠳᠣ ᠬᠠᠷᠢᠴᠠᠭᠠ ᠶᠢ ᠲᠣᠪᠴᠢᠯᠠᠨ ︽ᠠᠯᠪᠠ ᠪᠠᠷᠢᠵᠣ | ᠭᠦᠩᠵᠥ ᠬᠦᠷᠭᠡᠬᠦ︾ ᠭᠡᠳᠡᠭ ᠪᠠᠶᠢᠵᠤ᠂ ᠾᠦᠩᠨᠦ ᠪᠣᠯᠣᠨ ᠬᠠᠨ ᠣᠯᠣᠰ ᠤᠨ ᠬᠤᠭᠤᠷᠣᠨᠳᠣᠬᠢ ᠡᠪᠰᠡᠬᠦ ᠣᠷᠤᠭ ᠤᠨ ᠬᠠᠷᠢᠴᠠᠭᠠ ᠶᠢ ᠢᠯᠡᠳᠭᠡᠭᠰᠡᠨ | ᠲᠣᠪᠴᠢᠯᠠᠭᠰᠠᠨ ᠨᠡᠷᠡ ᠦᠭᠡ ᠪᠣᠯᠣᠨᠠ᠃ ᠡᠨᠡᠬᠦ ᠡᠪᠰᠡᠬᠦ ᠣᠷᠤᠭ ᠤᠨ ᠡᠭᠦᠰᠦᠯ ᠪᠣᠯ ᠮᠠᠰᠢ ᠨᠠᠷᠢᠨ ᠪᠣᠳᠣᠯᠢᠶᠠᠨ ᠲᠠᠢ ᠭᠠᠳᠠᠭᠠᠳᠣ ᠬᠠᠷᠢᠯᠴᠠᠭᠠ ᠪᠠ ᠴᠡᠷᠢᠭ ᠲᠠᠶᠢᠨ | ᠤ ᠶᠠᠪᠣᠴᠠ ᠶᠢ ᠲᠠᠮᠵᠢᠨ ᠡᠭᠦᠰᠴᠡᠢ᠃ ᠭᠡᠪᠡᠴᠥ ᠬᠡᠳᠦᠶᠢᠪᠡᠷ ᠬᠠᠨ ᠣᠯᠣᠰ ᠤᠨ ᠠᠩᠬᠠᠨ ᠤ ᠬᠠᠭᠠᠨ ᠯᠢᠥ ᠪᠠᠩ ᠤᠨ ᠦᠶᠡ ᠳᠤ ᠾᠦᠩᠨᠦ ᠶᠢᠨ ᠪᠣᠭᠳᠠ ︵冒顿 | ︶ ᠴᠠᠨ ᠢᠥᠢ ᠳᠤ ᠴᠡᠷᠢᠭ ᠲᠠᠷᠣᠭᠳᠠᠨ ᠪᠦᠰᠡᠯᠡᠭᠳᠡᠵᠥ ᠠᠷᠭᠠ ᠪᠣᠰᠣ ᠪᠠᠶᠢᠳᠠᠯ ᠳᠤ ᠡᠪᠰᠡᠬᠦ ᠣᠷᠤᠭ ᠤᠨ ᠪᠣᠯᠵᠤᠭᠠ ᠶᠢ ᠲᠣᠭᠳᠠᠭᠰᠠᠨ ᠪᠣᠯᠪᠠᠴᠤ᠂ ᠵᠢᠭᠠᠬᠠᠨ | ᠬᠤᠵᠢᠮ ᠰᠢᠭ᠋ ᠦᠶᠡ ᠪᠣᠯᠣᠭᠠᠳ ᠬᠠᠨ ᠣᠯᠣᠰ ᠪᠣᠯᠵᠤᠭᠠ ᠶᠣᠰᠣᠭᠠᠷ ᠢᠶᠠᠨ ᠠᠯᠪᠠ ᠪᠠᠷᠢᠬᠤ ᠪᠠᠨ ᠪᠣᠯᠢᠭᠰᠠᠨ ᠪᠣᠶᠤ ᠣᠳᠠᠭᠠᠰᠢᠷᠠᠭᠤᠯᠬᠤ ᠵᠡᠷᠭᠡ ᠪᠠᠶᠢᠳᠠᠯ ᠨᠡᠶᠢᠳᠡᠮ | ᠣᠷᠣᠰᠢᠵᠤ ᠪᠠᠶᠢᠵᠠᠢ᠃ ᠡᠶᠢᠮᠦ ᠪᠠᠶᠢᠳᠠᠯ ᠲᠣᠣᠷᠠ ᠾᠦᠩᠨᠦ ᠶᠢᠨ ᠲᠠᠯᠠ ᠠᠴᠠ ᠠᠪᠣᠭᠰᠠᠨ ᠠᠷᠭᠠ ᠬᠡᠮᠵᠢᠶᠡ ᠭᠡᠪᠡᠯ ᠠᠩᠬᠠᠨ ᠦᠶᠡ ᠶᠢᠨ ᠪᠣᠭᠳᠠ ᠴᠠᠨ ᠢᠥᠢ ᠵᠡᠷᠭᠡ | ᠬᠦᠮᠦᠰ ᠪᠣᠯ ᠬᠠᠰᠢᠯᠠ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠰᠢᠢᠳᠪᠦᠷᠢᠯᠡᠬᠦ ᠶᠢ ᠵᠣᠷᠢᠵᠤ᠂ ᠵᠠᠬᠢᠳᠠᠯ ᠴᠢᠮᠡᠭᠡ ᠨᠡᠪᠳᠡᠷᠡᠯᠴᠡᠵᠥ ᠠᠰᠠᠭᠤᠳᠠᠯ ᠢᠶᠠᠨ ᠰᠢᠢᠳᠪᠦᠷᠢᠯᠡᠬᠦ ᠶᠢ ᠵᠣᠷᠢᠵᠤ ᠪᠠᠶᠢᠪᠠ᠃ | ᠮᠢᠨᠦ ᠠᠳᠡ ᠨᠡᠶᠢᠳᠡᠯᠡᠬᠦ ᠪᠠᠷ ᠪᠡᠯᠡᠳᠭᠡᠭᠰᠡᠨ ᠠᠭᠤᠯᠭᠠ ᠪᠣᠯ ᠲᠠᠷᠣᠢ ᠬᠠᠨ ᠣᠯᠣᠰ ᠪᠣᠯᠣᠨ ᠾᠦᠩᠨᠦ ᠶᠢᠨ ᠬᠠᠭᠠᠳ ᠨᠠᠷ ᠤᠨ ᠬᠤᠭᠤᠷᠣᠨᠳᠣ ᠬᠢ ᠡᠶᠢᠮᠦᠷᠭᠦ ᠵᠠᠬᠢᠳᠠᠯ | ᠴᠢᠮᠡᠭᠡᠨ ᠤ ᠬᠠᠷᠢᠯᠴᠠᠭᠠ ᠶᠢ ᠦᠭᠦᠯᠡᠶᠡ ᠭᠡᠰᠡᠨ ᠶᠤᠮ᠃ ᠵᠠᠬᠢᠳᠠᠯ ᠴᠢᠮᠡᠭᠡ ᠪᠠᠷ ᠰᠢᠢᠳᠪᠦᠷᠢᠯᠡᠵᠥ ᠴᠢᠳᠠᠬᠤ ᠦᠭᠡᠢ ᠦᠶᠡ ᠳᠤ ᠲᠠᠶᠢᠨ ᠪᠠᠶᠢᠯᠳᠣᠭᠠᠨ ᠢᠶᠠᠷ | ᠠᠰᠠᠭᠤᠳᠠᠯ ᠢ ᠰᠢᠢᠳᠬᠦ ᠭᠠᠭᠴᠠ ᠵᠠᠮ ᠦᠯᠡᠳᠡᠬᠦ ᠨᠢ ᠮᠡᠳᠡᠵᠢ ᠶᠢᠨ ᠬᠡᠷᠡᠭ ᠶᠤᠮ᠃ ᠲᠣᠷᠣᠭᠰᠢ ᠡᠭᠦᠨ ᠤ ᠲᠡᠣᠬᠡ ᠶᠢᠨ ᠦᠨᠳᠦᠰᠦ ᠠᠴᠠ ᠲᠣᠪᠴᠢᠯᠠᠨ ᠦᠭᠦᠯᠡᠶᠡ᠃ | ᠾᠦᠩᠨᠦ ᠲᠦᠷᠦ ᠶᠢᠨ ᠲᠡᠣᠬᠡᠨ ᠳᠤ ᠲᠡᠮᠳᠡᠭᠯᠡᠯ ᠲᠠᠢ ᠬᠤᠶᠠᠳᠣᠭᠠᠷ ᠦᠶᠡ ᠶᠢᠨ ᠡᠵᠡᠨ ᠪᠣᠭᠳᠠ ᠴᠠᠨ ᠢᠥᠢ᠂ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ | ᠶᠢᠰᠦᠳᠦᠭᠡᠷ ᠣᠨ᠂ ᠬᠠᠨ ᠣᠯᠣᠰ ᠤᠨ ᠠᠩᠬᠠᠨ ᠤ ᠬᠠᠭᠠᠨ ᠯᠢᠥ ᠪᠠᠩ ᠬᠠᠭᠠᠨ ᠰᠠᠭᠤᠷᠢᠨ ᠳᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭᠠ ᠭᠤᠷᠪᠠᠳᠣᠭᠠᠷ ᠣᠨ᠂ ᠨᠡᠶᠢᠲᠡ ᠶᠢᠨ | ᠣᠨ ᠲᠣᠭᠠᠯᠠᠯ ᠤᠨ ᠡᠮᠦᠨᠡ 200 ᠣᠨ ᠳᠤ ᠾᠦᠩᠨᠦ ᠪᠣᠯᠣᠨ ᠬᠠᠨ ᠣᠯᠣᠰ ᠤᠨ ᠬᠠᠷᠢᠴᠠᠭᠠᠨ ᠤ ᠲᠡᠤᠬᠡᠨ ᠳᠤ ᠠᠷᠢᠯᠣᠰᠢ ᠦᠭᠡᠢ ᠨᠢᠭᠡᠨ ᠶᠡᠭᠡ ᠬᠡᠷᠡᠭ | ᠡᠭᠦᠰᠴᠡᠢ᠃ ᠡᠨᠡ ᠶᠡᠭᠡ ᠬᠡᠷᠡᠭ ᠬᠤᠶᠠᠷ ᠣᠯᠣᠰ ᠤᠨ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠴᠠᠭ ᠤᠨ ᠪᠠᠶᠢᠳᠠᠯ ᠲᠠᠢ ᠨᠢᠬᠳᠠ ᠬᠤᠯᠪᠣᠭᠳᠠᠯ ᠲᠠᠢ ᠪᠠᠶᠢᠵᠠᠢ᠃ ᠾᠦᠩᠨᠦ ᠶᠢᠨ | ᠲᠠᠯᠠ ᠠᠴᠠ ᠦᠬᠦᠯᠡᠪᠡᠯ᠂ ᠡᠷᠲᠡ ᠦᠶᠡ ᠴᠢᠨ ᠣᠯᠣᠰ ᠬᠦᠴᠦᠷᠬᠡᠭᠵᠢᠨ ᠮᠠᠨᠳᠣᠭᠠᠳ ᠾᠦᠩᠨᠦ ᠶᠢᠨ ᠨᠣᠳᠤᠭ ᠲᠡᠪᠢᠰᠭᠡᠷ ᠢ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠲᠦᠷᠢᠮᠡᠬᠡᠶᠢᠯᠡᠨ | ᠡᠵᠡᠯᠡᠵᠥ᠂ ᠾᠦᠩᠨᠦᠴᠦᠳ ᠤᠨ ᠭᠤᠪᠢ ᠶᠢᠨ ᠡᠮᠦᠨᠡ ᠠᠮᠢᠳᠣᠷᠠᠬᠤ ᠪᠣᠯᠣᠮᠵᠢ ᠶᠢ ᠬᠦᠷᠳᠡᠯᠡ ᠨᠢᠭᠡᠮᠦᠰᠦᠨ ᠪᠣᠰᠨᠢᠭᠤᠯᠵᠠᠢ᠃ ᠡᠶᠢᠮᠦ ᠠᠴᠠ ᠾᠦᠩᠨᠦ ᠶᠢᠨ ᠡᠵᠡᠳ | ᠬᠠᠭᠠᠳ ᠨᠢ ᠪᠦᠷ ᠭᠤᠪᠢ ᠶᠢᠨ ᠠᠷᠣ ᠳᠤ ᠣᠴᠢᠭᠠᠳ ᠠᠮᠢᠳᠣᠷᠠᠵᠣ ᠪᠠᠶᠢᠵᠠᠢ᠃ ᠣᠳᠠᠯ ᠴᠢᠨ ᠣᠯᠣᠰ ᠦᠳᠳᠡᠷ ᠲᠦᠷᠭᠡᠨ ᠨᠣᠷᠠᠨ ᠮᠦᠬᠦᠬᠦ ᠦᠶᠡ ᠳᠤ ᠾᠦᠩᠨᠦ | ᠶᠢᠨ ᠪᠣᠭᠳᠠ ᠴᠠᠨ ᠢᠥᠢ ᠶᠢᠨ ᠴᠠᠭ ᠦᠶᠡ ᠬᠦᠷᠴᠦ ᠢᠷᠡᠨ᠂ ᠾᠦᠩᠨᠦᠴᠦᠳ ᠡᠬᠢᠯᠡᠨ ᠬᠦᠴᠦᠷᠬᠡᠭᠵᠢᠨ ᠪᠣᠰᠴᠤ᠂ ᠠᠯᠳᠠᠭᠰᠠᠨ ᠨᠣᠳᠤᠭ ᠣᠰᠣ ᠪᠠᠨ ᠡᠭᠡᠭᠦᠯᠦᠨ | ᠠᠪᠴᠣ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠬᠦᠷᠴᠥ ᠢᠷᠡᠪᠡ᠃ ᠡᠭᠦᠨ ᠢ ᠰᠧ ᠮᠠ ᠴᠢᠶᠠᠨ ᠤ ᠰᠣᠳᠣᠷ ᠲᠡᠮᠳᠡᠭᠯᠡᠯ ᠭᠡᠳᠡᠭ ᠲᠡᠣᠬᠡᠨ ᠪᠢᠴᠢᠭ ᠳᠠᠬᠢ ᠦᠭᠡ ᠪᠠᠷ ᠬᠡᠯᠡᠪᠡᠯ ︽ | ᠨᠢᠭᠡᠨᠲᠡ ᠬᠠᠭᠤᠴᠢᠨ ᠬᠢᠯᠢ ᠪᠠᠷ ᠬᠠᠨ ᠣᠯᠣᠰ ᠲᠠᠢ ᠬᠢᠯᠢᠯᠡᠬᠦ ᠪᠣᠯᠪᠠ︾ ᠭᠡᠵᠡᠢ᠃ ᠬᠠᠭᠤᠴᠢᠨ ᠬᠢᠯᠢ ᠭᠡᠳᠡᠭ ᠨᠢ ᠴᠢᠨ ᠣᠯᠣᠰ ᠤᠨ ᠠᠩᠬᠠᠨ ᠦᠶᠡ ᠶᠢᠨ ᠾᠦᠩᠨᠦ | ᠪᠣᠯᠣᠨ ᠴᠢᠨ ᠣᠯᠣᠣᠰ ᠤᠨ ᠬᠢᠯᠢ ᠪᠣᠯᠣᠨᠠ᠃ ᠬᠠᠨ ᠣᠯᠣᠰ ᠤᠨ ᠲᠠᠯᠠ ᠠᠴᠠ ᠦᠵᠡᠪᠡᠯ᠂ ᠣᠯᠣᠰ ᠪᠠᠶᠢᠭᠤᠯᠬᠤ ᠠᠩᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠠᠯᠢ ᠣᠯᠠᠨ | ᠭᠠᠪᠢᠶᠠᠳᠣ ᠳᠦᠰᠢᠮᠡᠳ ᠢᠶᠠᠨ ᠨᠢᠭᠡᠨᠳᠡ ᠸᠠᠩ ᠾᠸᠥ ᠡᠷᠭᠦᠮᠵᠢᠯᠡᠬᠦ ᠪᠠᠷ ᠦᠭᠶᠦᠭᠡᠳᠡᠨ ᠲᠠᠳᠠᠵᠣ᠂ ᠣᠯᠣᠰ ᠪᠠᠶᠢᠭᠤᠯᠣᠮᠠᠭᠴᠠ ᠪᠠᠨ ᠡᠬᠢᠯᠡᠨ ᠡᠳᠡᠭᠡᠷ ᠬᠠᠷᠢ | ᠣᠪᠣᠭᠳᠠᠨ ᠤ ᠸᠠᠩ ᠨᠡᠷ ᠢᠶᠠᠨ ᠣᠰᠠᠳᠬᠠᠵᠣ ᠡᠬᠢᠯᠡᠵᠡᠢ᠃ ᠢᠩᠬᠢᠵᠥ ᠶᠡᠭᠡ ᠡᠷᠬᠡ ᠶᠢ ᠪᠦᠷ ᠲᠦᠪ ᠲᠡᠭᠡᠨ ᠲᠦᠪᠯᠡᠷᠡᠬᠦᠯᠬᠦ ᠪᠠᠷ ᠣᠷᠣᠯᠳᠣᠵᠣ ᠡᠬᠢᠯᠡᠵᠡᠢ᠃ ᠦᠭᠡᠷᠡ | ᠪᠠᠷ ᠬᠡᠯᠡᠪᠡᠯ ᠬᠠᠭᠠᠨ ᠭᠠᠭᠴᠠᠭᠠᠷ ᠡᠵᠡᠮᠰᠢᠯᠳᠥ ᠡᠷᠬᠡ ᠠᠳᠬᠤᠬᠤ ᠶᠢᠨ ᠲᠦᠯᠦᠭᠡ᠂ ᠣᠯᠠᠨ ᠸᠠᠩ ᠾᠸᠥ ᠶᠢᠨ ᠡᠷᠬᠡ ᠶᠢ ᠶᠡᠬᠡᠪᠡᠷ ᠬᠢᠵᠠᠭᠠᠷᠯᠠᠬᠤ ᠠᠷᠭᠠ ᠬᠡᠮᠵᠢᠶᠡ | ᠠᠪᠴᠠᠢ᠃ ᠢᠩᠭᠢᠵᠥ ᠵᠠᠷᠢᠮ ᠸᠠᠩ ᠨᠡᠷ ᠨᠢ ᠡᠰᠡᠷᠭᠦᠴᠡᠯ ᠭᠠᠷᠭᠠᠵᠤ ᠠᠯᠠᠭᠳᠠᠨ᠂ ᠵᠠᠷᠢᠮ ᠨᠢ ᠬᠡᠷᠭᠢᠮ ᠵᠡᠷᠭᠡ ᠪᠠᠨ ᠬᠤᠰᠣᠭᠳᠠᠭᠰᠠᠨ ᠳᠤ ᠦᠯᠡᠳᠡᠭᠰᠡᠨ ᠪᠣᠰᠣᠳ ᠨᠢ | ᠠᠶᠣᠬᠤ ᠶᠢᠨ ᠡᠷᠬᠡᠨ ᠳᠤ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠣᠷᠪᠠᠵᠣ ᠪᠣᠰᠬᠤ ᠬᠡᠷᠡᠭ ᠵᠣᠷᠢᠭ ᠦᠷᠬᠦᠯᠵᠢᠯᠡᠨ ᠭᠠᠷᠴᠣ᠂ ᠲᠣᠲᠣᠭᠠᠳᠣ ᠶᠢᠨ ᠵᠢᠭᠤᠷᠭᠠᠨ ᠰᠠᠮᠠᠭᠤᠨ | ᠲᠠᠰᠣᠷᠠᠰᠢ ᠦᠭᠡᠢ ᠦᠷᠬᠦᠯᠵᠢᠯᠡᠨ᠂ ᠭᠠᠳᠠᠭᠠᠳᠣ ᠳᠠᠭᠠᠨ ᠲᠡᠮᠡᠢ ᠶᠡᠭᠡ ᠰᠠᠨᠠᠭᠠ ᠪᠣᠯᠵᠤ ᠠᠮᠵᠢᠬᠤ ᠦᠭᠡᠢ ᠴᠠᠭ ᠦᠶᠡ ᠪᠣᠯᠣᠭᠠᠳ ᠪᠠᠶᠢᠵᠠᠢ᠃ | ᠶᠠᠭ ᠡᠶᠢᠮᠦᠷᠬᠦ ᠵᠣᠷᠢᠯᠭᠠ ᠪᠠᠷ ᠬᠠᠨ ᠭᠤᠣ ᠽᠣ᠋ ᠬᠠᠭᠠᠨ ᠯᠢᠥ ᠪᠠᠩ᠂ ᠲᠣᠯᠣᠭᠠᠨ ᠬᠠᠷᠢ ᠣᠪᠣᠭᠲᠠᠨ ᠤ ᠸᠠᠩ ᠤᠨ ᠨᠢᠭᠡ ᠮᠦᠷᠳᠡᠭᠡᠨ ᠬᠦᠴᠦᠨ ᠴᠢᠳᠠᠯ ᠢᠶᠠᠷ | ᠬᠠᠮᠤᠭ ᠲᠣᠷᠣᠢ ᠨᠢᠭᠡᠨ ᠪᠣᠯᠬᠤ ᠬᠠᠨ ᠸᠠᠩ ᠬᠠᠨ ᠰᠢᠨ ᠤ ᠡᠷᠭᠦᠮᠵᠢᠯᠡᠯᠲᠥ ᠨᠣᠳᠤᠭ ᠢ ᠨᠢ ᠪᠣᠯᠢᠶᠠᠨ ᠠᠪᠴᠤ᠂ ᠲᠡᠭᠦᠨ ᠢ ᠾᠦᠩᠨᠦ ᠲᠠᠢ ᠬᠢᠯᠢ ᠵᠠᠯᠭᠠᠵᠤ ᠪᠠᠶᠢᠭᠠ | ᠬᠢᠵᠠᠭᠠᠷ ᠣᠷᠣᠨ ᠳ᠋ᠠᠢ ᠭᠠᠵᠠᠷ ᠲᠤ ᠲᠠᠬᠢᠨ ᠲᠣᠬᠢᠷᠠᠭᠤᠯᠣᠨ᠂ ᠮᠠ ᠶᠢ ᠭᠡᠳᠡᠭ ᠦᠴᠦᠬᠡᠨ ᠬᠤᠲᠠ ᠳᠤ ᠨᠡᠶᠢᠰᠯᠡᠳᠦᠬᠡᠢ ᠬᠡᠮᠡᠨ ᠶᠠᠪᠣᠭᠤᠯᠣᠭᠰᠠᠨ ᠶᠤᠮ᠃ ᠬᠠᠨ | ᠣᠯᠣᠰ ᠤᠨ ᠲᠦᠷᠦ ᠶᠢᠨ ᠠᠩᠬᠠᠨ ᠦᠶᠡ ᠪᠠᠷ ᠬᠠᠨ ᠰᠢᠨ ᠨᠡᠷᠡ ᠲᠠᠢ ᠬᠦᠮᠦᠨ ᠬᠤᠶᠠᠷ ᠪᠠᠶᠢᠵᠠᠢ᠃ ᠨᠢᠭᠡ ᠨᠢ ᠮᠠᠨ ᠤ ᠠᠳᠡ ᠦᠭᠦᠯᠡᠨ ᠪᠦᠬᠦᠢ ᠬᠠᠨ ᠸᠠᠩ ᠬᠠᠨ | ᠰᠢᠨ ᠪᠣᠯ ᠡᠷᠲᠡᠨ ᠤ ᠪᠠᠶᠢᠯᠳᠣᠭᠠᠨᠳᠣ ᠣᠯᠣᠰ ᠤᠨ ᠨᠢᠭᠡᠨ ᠪᠣᠯᠬᠤ ᠬᠠᠨ ᠣᠯᠣᠰ ᠤᠨ ᠸᠠᠩ ᠤᠨ ᠬᠤᠶᠢᠴᠢᠰ ᠮᠦᠷᠳᠡᠭᠡᠨ ᠯᠢᠥ ᠪᠠᠩ ᠤᠨ ᠪᠣᠰᠣᠯᠭᠠ ᠶᠢ | ᠴᠣᠣᠷᠢᠶᠠᠳᠣᠨ ᠲᠠᠭᠠᠭᠰᠠᠨ ᠭᠠᠪᠢᠶᠠ ᠪᠣᠢ ᠶᠢᠨ ᠲᠣᠯᠠ ᠬᠠᠨ ᠸᠠᠩ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠬᠠᠨ ᠰᠢᠨ ᠭᠡᠳᠡᠭ ᠬᠦᠮᠦᠨ ᠶᠤᠮ᠃ ᠨᠦᠭᠦᠭᠡ ᠨᠢ ᠬᠠᠨ ᠣᠯᠣᠰ ᠤᠨ ᠡᠬᠢᠨ | ᠦᠶᠡ ᠶᠢᠨ ᠴᠡᠷᠢᠭ ᠲᠠᠶᠢᠨ ᠤ ᠡᠷᠲᠡᠮᠳᠡᠨ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠬᠤᠸᠠᠢ ᠶᠢᠨ ᠾᠸᠥ ᠬᠡᠷᠭᠢᠮ ᠲᠠᠢ ᠶᠡᠭᠡ ᠵᠠᠩᠵᠣᠨ ᠬᠠᠨ ᠰᠢᠨ ᠪᠣᠯᠣᠨᠠ᠃ ᠡᠮᠦᠨᠡᠬᠢ ᠶᠢ ᠨᠢ | ᠪᠢᠳᠡ ᠬᠠᠨ ᠸᠠᠩ ᠬᠠᠨ ᠰᠢᠨ ᠭᠡᠵᠥ᠂ ᠬᠤᠶᠢᠨᠠᠬᠢ ᠶᠢ ᠨᠢ ᠬᠤᠸᠠᠢ ᠶᠢᠨ ᠾᠸᠥ ᠬᠠᠨ ᠰᠢᠨ ᠭᠡᠵᠥ ᠲᠣᠲᠣᠳᠬᠠᠶᠠ᠃ | ᠳ᠋ᠠᠢ ᠭᠠᠵᠠᠷ ᠪᠣᠯ ᠶᠡᠭᠡ ᠲᠦᠯᠦᠪ ᠣᠳᠣᠬᠢ ᠾᠧᠪᠸᠢ ᠮᠣᠵᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠬᠡᠰᠡᠭ ᠪᠣᠯᠣᠨ ᠱᠠᠨ ᠰᠢ ᠮᠣᠵᠢ ᠶᠢᠨ ᠲᠣᠮᠳᠠᠳᠣ ᠵᠡᠭᠦᠨ ᠬᠤᠶᠢᠳᠤ | ᠬᠡᠰᠡᠭ ᠢ ᠪᠠᠭᠳᠠᠭᠠᠵᠤ ᠪᠠᠶᠢᠭᠰᠠᠨ ᠨᠣᠳᠤᠭ ᠶᠤᠮ᠃ ᠡᠨᠡ ᠨᠣᠳᠤᠭ ᠬᠠᠨ ᠰᠢᠨ ᠤ ᠠᠩᠬᠠ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠨᠣᠳᠤᠭ ᠵᠦᠩ ᠶᠣᠸᠠᠨ ᠣᠷᠣᠨ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ ᠬᠦᠮᠦᠨ ᠠᠮᠨ ᠴᠦᠬᠡᠨ᠂ ᠭᠠᠷᠣᠯᠳᠠ ᠪᠠᠭᠠ ᠡᠳ᠋ ᠬᠤᠮᠰᠠ ᠶᠠᠳᠠᠭᠤ ᠲᠠᠷᠴᠢᠭ ᠢ ᠬᠡᠯᠡᠬᠦ ᠦᠭᠡᠢ᠂ ᠨᠡᠩ ᠴᠢᠬᠤᠯᠠ ᠨᠢ ᠾᠦᠩᠨᠦ ᠣᠯᠣᠰ ᠲᠠᠢ ᠬᠢᠯᠢ | ᠵᠠᠯᠭᠠᠵᠤ ᠲᠠᠶᠢᠨ ᠲᠠᠵᠢᠨ ᠤ ᠠᠶᠣᠯ ᠴᠠᠭ ᠮᠦᠴᠡ ᠨᠢᠭᠤᠷᠯᠠᠵᠣ ᠪᠠᠶᠢᠳᠠᠭ ᠭᠠᠵᠠᠷ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠬᠠᠨ ᠸᠠᠩ ᠬᠠᠨ ᠰᠢᠨ ᠤ ᠲᠣᠣᠷᠠᠬᠢ ᠬᠦᠮᠦᠰ | ᠬᠡᠯᠡᠯᠭᠡᠨ ᠦᠭᠡᠢ ᠯᠢᠥ ᠪᠠᠩ ᠤᠨ ᠬᠠᠭᠠᠨ ᠲᠦᠷᠦ ᠳᠤ ᠲᠣᠩ ᠶᠡᠭᠡ ᠲᠣᠷᠠ ᠦᠭᠡᠶᠢᠴᠡᠬᠦ ᠨᠢ ᠮᠡᠳᠡᠭᠡᠵᠢ ᠶᠢᠨ ᠬᠡᠷᠡᠭ ᠶᠤᠮ᠃ ᠶᠠᠭ ᠡᠨᠡ ᠦᠶᠡ ᠪᠠᠷ ᠾᠦᠩᠨᠦ ᠶᠢᠨ | ᠴᠡᠷᠢᠭ ᠢᠷᠡᠵᠥ ᠲᠡᠭᠦᠨ ᠤ ᠨᠡᠶᠢᠰᠯᠡᠯ ᠮᠠ ᠶᠢ ᠶᠢ ᠪᠦᠰᠡᠯᠡᠭᠰᠡᠨᠡ᠂ ᠬᠠᠨ ᠰᠢᠨ ᠬᠠᠭᠠᠨ ᠲᠦᠷᠦ ᠳᠡᠭᠡᠨ ᠭᠠᠯ ᠮᠡᠳᠦ ᠲᠦᠷᠭᠡᠨ ᠲᠣᠰᠠᠯᠠᠬᠤ ᠴᠡᠷᠢᠭ ᠢᠢᠷᠡᠭᠦᠯᠬᠦ | ᠪᠣᠯᠪᠠᠣ ᠬᠡᠮᠡᠨ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠨᠢ ᠡᠯᠴᠢ ᠲᠣᠪᠳᠣᠯᠭᠠᠭᠰᠠᠨ ᠴᠦ ᠬᠠᠭᠠᠨ ᠲᠦᠷᠦ ᠨᠢ ᠡᠯᠳᠡᠪ ᠰᠢᠯᠳᠠᠭ ᠢᠶᠠᠷ ᠴᠡᠷᠢᠭ ᠭᠠᠷᠴᠤ ᠲᠡᠭᠦᠨ ᠢ ᠲᠣᠰᠠᠯᠠᠭᠰᠠᠨ | ᠦᠭᠡᠢ ᠪᠣᠯᠬᠤᠷ᠂ ᠲᠡᠷᠡ ᠠᠷᠭᠠ ᠦᠭᠡᠢ ᠾᠦᠩᠨᠦ ᠣᠯᠣᠰ ᠲᠤ ᠪᠠᠭᠤᠵᠤ ᠦᠭᠴᠡᠢ᠃ ᠲᠡᠭᠡᠭᠡᠳ ᠾᠦᠩᠨᠦ ᠶᠢᠨ ᠲᠠᠯᠠ ᠠᠴᠠ ᠲᠡᠭᠦᠨ ᠲᠠᠢ ᠠᠯᠢ ᠲᠠᠯᠠ ᠨᠢ ᠲᠠᠶᠢᠨ | ᠳᠤ ᠨᠢᠭᠤᠷᠯᠠᠪᠠᠯ ᠨᠦᠭᠦᠭᠡ ᠲᠠᠯᠠ ᠨᠢ ᠵᠠᠪᠠᠯ ᠴᠡᠷᠢᠭ ᠭᠠᠷᠴᠣ ᠬᠠᠷᠢᠯᠴᠠᠨ ᠲᠣᠰᠠᠯᠠᠬᠤ ᠪᠠᠷ ᠣᠷᠢᠳᠠᠯ ᠨᠦᠬᠦᠴᠡᠯ ᠪᠣᠯᠭᠠᠨ ᠪᠣᠯᠵᠤᠭᠠ ᠲᠣᠭᠳᠠᠨ᠂ ᠲᠡᠭᠦᠨ ᠢ ᠣᠯᠣᠰ | ᠲᠤᠨᠢ ᠲᠠᠯᠪᠢᠨ ᠶᠠᠪᠣᠭᠤᠯᠵᠠᠢ᠃ | ᠡᠶᠢᠮᠦ ᠠᠴᠠ ᠬᠠᠨ ᠰᠢᠨ ᠪᠣᠯᠣᠨ ᠲᠡᠭᠦᠨ ᠤ ᠭᠠᠷ ᠲᠣᠣᠷᠠᠬᠢ ᠵᠠᠩᠵᠣᠨ ᠨᠡᠷ ᠨᠢ ᠶᠠᠪᠣᠬᠤ ᠲᠤᠲᠤᠮ ᠬᠠᠨ ᠣᠯᠣᠰ ᠤᠨ ᠬᠠᠭᠠᠨ ᠲᠦᠷᠦ ᠶᠢ ᠨᠢᠳᠣᠨ ᠳᠡᠭᠡᠨ | ᠬᠠᠪᠴᠢᠬᠤ ᠦᠭᠡᠢ ᠪᠣᠯᠵᠤ᠂ ᠾᠦᠩᠨᠦ ᠶᠢᠨ ᠨᠡᠷᠡ ᠶᠢ ᠡᠷᠭᠦᠨ ᠲᠠᠬᠢᠨ ᠲᠠᠪᠳᠠᠨ ᠡᠮᠦᠨᠡᠰᠢ ᠲᠦᠷᠢᠵᠥ ᠪᠣᠯᠢᠶᠠᠨ ᠲᠡᠭᠡᠷᠡᠮᠳᠡᠬᠦ ᠪᠣᠯᠵᠠᠢ᠃ ᠲᠠᠪᠰᠢᠭᠤᠷᠠᠭᠰᠠᠭᠠᠷ ᠪᠠᠶᠢᠵᠤ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠱᠠᠨ ᠰᠢ ᠮᠣᠵᠢ ᠶᠢᠨ ᠬᠠᠮᠤᠭ ᠶᠡᠭᠡ ᠬᠤᠲᠠ ᠲᠠᠢ ᠶᠣᠸᠠᠨ ᠪᠣᠯᠣᠨ ᠶᠢᠨ ᠶᠠᠩ ᠢ ᠬᠦᠷᠲᠡᠯᠡ ᠪᠣᠯᠢᠶᠠᠨ ᠲᠡᠭᠡᠷᠡᠮᠳᠡᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠪᠡ | ᠃ ᠯᠢᠥ ᠪᠠᠩ ᠦᠪᠡᠷ ᠤᠨ ᠬᠠᠭᠠᠨ ᠰᠠᠭᠤᠷᠢᠨ ᠢᠶᠠᠨ ᠵᠢᠭᠠᠬᠠᠨ ᠲᠦᠪᠬᠢᠨᠡᠭᠦᠯᠦᠮᠡᠭᠴᠡ ᠪᠠᠨ ᠡᠨᠡᠬᠦ ᠵᠢᠷᠦᠬᠡ ᠰᠡᠳᠭᠢᠯ ᠤᠨ ᠶᠡᠭᠡ ᠵᠣᠪᠠᠯᠠᠩ ᠪᠣᠯᠣᠭᠰᠠᠨ ᠬᠠᠨ ᠸᠠᠩ | ᠬᠠᠨ ᠰᠢᠨ ᠢ ᠪᠠᠭᠳᠠᠭᠠᠭᠰᠠᠨ ᠣᠷᠪᠠᠭᠰᠠᠨ ᠸᠠᠩ ᠨᠡᠷ ᠢᠶᠠᠨ ᠵᠠᠪᠠᠯ ᠲᠠᠷᠣᠩᠭᠤᠶᠢᠯᠠᠬᠤ ᠪᠠᠷ ᠪᠦᠬᠦ ᠣᠯᠣᠰ ᠤᠨ ᠭᠤᠴᠢᠨ ᠬᠤᠶᠠᠷ ᠲᠦᠮᠡᠨ ᠮᠣᠷᠢᠳᠣ ᠶᠠᠪᠠᠭᠨ ᠶᠡᠭᠡ | ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠮᠣᠷᠳᠠᠨ ᠭᠠᠷᠪᠠ᠃ ᠬᠠᠨ ᠰᠢᠨ ᠴᠢᠮᠡᠭᠡ ᠣᠯᠣᠮᠠᠭᠴᠠ ᠪᠠᠨ ᠾᠦᠩᠨᠦ ᠶᠢᠨ ᠪᠣᠭᠳᠠ ᠴᠠᠨ ᠢᠥᠢ ᠳᠤ ᠡᠯᠴᠢ ᠢᠯᠡᠭᠡᠨ ᠲᠣᠰᠠᠯᠠᠷᠠ ᠢᠷᠡᠬᠦ | ᠪᠣᠯᠪᠠᠤ ᠬᠡᠮᠡᠨ ᠭᠤᠶᠣᠴᠢᠯᠠᠯ ᠡᠷᠭᠦᠪᠡ᠃ ᠢᠩᠭᠢᠭᠡᠳ ᠪᠣᠭᠳᠠ ᠴᠠᠨ ᠢᠥᠢ ᠴᠦ ᠶᠡᠭᠡ ᠴᠡᠷᠢᠭ ᠢᠶᠠᠨ ᠲᠠᠶᠢᠴᠢᠯᠠᠨ ᠬᠠᠨ ᠣᠯᠣᠰ ᠤᠨ ᠬᠢᠯᠢ ᠳᠤ ᠣᠷᠣᠪᠠ᠃ ᠭᠡᠪᠡᠴᠦ | ᠬᠠᠨ ᠸᠠᠩ ᠬᠠᠨ ᠰᠢᠨ ᠤ ᠴᠡᠷᠢᠭ ᠭᠠᠭᠴᠠᠬᠠᠨ ᠣᠳᠠᠭᠠᠨ ᠤ ᠲᠠᠶᠢᠨ ᠢᠶᠠᠷ ᠯᠢᠥ ᠪᠠᠩ ᠤᠨ ᠴᠡᠷᠢᠭ ᠲᠤ ᠢᠯᠠᠭᠳᠠᠨ ᠰᠠᠷᠨᠢᠨ ᠪᠣᠷᠣᠭᠤᠯᠠᠪᠠ᠃ ᠡᠨᠡ ᠦᠶᠡ ᠪᠠᠷ | ᠪᠣᠭᠳᠠ ᠴᠠᠨ ᠢᠥᠢ ᠴᠦᠬᠡᠨ ᠲᠣᠭᠠᠨ ᠤ ᠪᠠᠭᠤᠷᠠᠢ ᠴᠡᠷᠢᠭ ᠢᠶᠠᠨ ᠭᠠᠷᠭᠠᠨ ᠶᠢᠨ ᠶᠠᠩ ᠳᠤ ᠢᠯᠡᠭᠡᠨ ᠬᠠᠨ ᠣᠯᠣᠰ ᠤᠨ ᠶᠡᠭᠡ ᠴᠡᠷᠢᠭ ᠢ ᠦᠳᠦᠭᠡᠨ ᠣᠮᠠᠷᠠᠰᠢ | ᠨᠡᠬᠡᠭᠦᠯᠵᠥ᠂ ᠦᠪᠡᠷ ᠢᠶᠠᠨ ᠵᠢᠩᠬᠢᠨᠢ ᠭᠤᠣᠯ ᠬᠦᠴᠦ ᠪᠠᠨ ᠫᠢᠩ ᠴᠧᠩ ᠬᠤᠳᠠ ︵ᠣᠳᠣᠬᠢ ᠳ᠋ᠠ ᠲᠥᠩ ᠬᠤᠳᠠ︶ ᠶᠢᠨ ᠣᠶᠢᠷᠠᠯᠴᠠᠭᠠ ᠪᠠᠢ ᠳ᠋ᠧᠩ ᠱᠠᠨ ᠭᠡᠳᠡᠭ | ᠠᠭᠤᠯᠠᠨ ᠳᠤ ᠪᠦᠭᠬᠦᠨ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ ᠬᠤᠯᠠ ᠵᠠᠮ ᠠᠶᠠᠯᠠᠭᠤᠯᠣᠨ ᠵᠦᠳᠡᠭᠡᠵᠥ ᠪᠠᠶᠢᠭᠠᠳ ᠪᠠᠶᠢᠯᠳᠣᠬᠤ ᠪᠠᠷ ᠪᠡᠯᠡᠳᠭᠡᠨ ᠬᠦᠯᠢᠶᠡᠵᠠᠢ᠃ | ᠬᠠᠨ ᠣᠯᠣᠰ ᠤᠨ ᠣᠯᠠᠨ ᠵᠠᠩᠵᠣᠨ ᠨᠠᠷ ᠤᠨ ᠦᠵᠡᠬᠦ ᠪᠠᠷ ᠾᠦᠩᠨᠦ ᠶᠢᠨ ᠶᠢᠨ ᠶᠠᠩ ᠳᠤ ᠢᠷᠡᠭᠰᠡᠨ ᠴᠡᠷᠢᠭ᠂ ᠦᠩᠭᠡᠷᠡᠭᠰᠡᠨ ᠤ ᠬᠦᠮᠦᠰ ᠤᠨ ᠬᠡᠯᠡᠯᠴᠡᠬᠦ | ᠮᠡᠳᠦ ᠲᠡᠶᠢᠮᠦ ᠠᠶᠢᠬᠤᠪᠳᠣᠷ ᠴᠡᠷᠢᠭ ᠪᠢᠰᠢ ᠪᠠᠶᠢᠨᠠ ᠬᠡᠮᠡᠨ ᠣᠮᠠᠷᠠᠰᠢ ᠨᠡᠬᠡᠶᠡ ᠭᠡᠵᠥ ᠭᠤᠶᠣᠴᠢᠯᠠᠪᠠ᠃ ᠯᠢᠥ ᠪᠠᠩ ᠤᠨ ᠦᠵᠡᠬᠦ ᠪᠠᠷ ᠬᠡᠷᠰᠡᠥ ᠣᠷᠣᠬᠤ ᠨᠢ ᠬᠠᠮᠤᠭ | ᠮᠡᠷᠭᠡᠨ ᠠᠷᠭᠠ ᠬᠡᠮᠡᠨ ᠲᠠᠬᠢᠨ ᠲᠠᠪᠳᠠᠨ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠳᠤ ᠡᠯᠴᠢ ᠢᠯᠡᠭᠡᠨ᠂ ᠠᠮᠠᠨ ᠲᠡᠭᠡᠷᠡ ᠪᠠᠨ ᠣᠷᠪᠠᠭᠰᠠᠨ ᠬᠤᠯᠠᠭᠠᠢ ᠬᠠᠨ ᠰᠢᠨ ᠲᠠᠢ | ᠪᠠᠶᠢᠯᠳᠣᠨᠠ᠂ ᠾᠦᠩᠨᠦ ᠲᠠᠢ ᠲᠠᠶᠢᠳᠣᠬᠤ ᠦᠭᠡᠢ ᠬᠡᠮᠡᠨ ᠬᠡᠯᠡᠯᠴᠡᠭᠡ ᠬᠢᠵᠥ ᠣᠬᠠᠭᠠᠯᠠᠵᠣ ᠪᠠᠶᠢᠪᠠᠴᠣ᠂ ᠠᠯᠣᠰ ᠴᠠᠭᠠᠨᠠ ᠪᠠᠨ ᠾᠦᠩᠨᠦ ᠶᠢᠨ ᠴᠡᠷᠢᠭ ᠤᠨ ᠦᠨᠡᠨ | ᠪᠠᠶᠢᠳᠠᠯ ᠢ ᠲᠠᠩᠨᠠᠵᠣ ᠮᠡᠳᠡᠬᠦ ᠪᠠᠷ ᠴᠢᠷᠮᠠᠶᠢᠨ ᠣᠷᠣᠯᠳᠣᠵᠣ ᠪᠠᠶᠢᠵᠠᠢ᠃ ᠲᠡᠭᠦᠨ ᠤ ᠪᠣᠳᠣᠬᠤ ᠪᠠᠷ ᠨᠠᠭᠠᠳᠣ ᠵᠠᠬᠠ ᠨᠢ ᠾᠦᠩᠨᠦ ᠬᠦᠮᠦᠰ ᠲᠠᠢ ᠲᠠᠶᠢᠯᠠᠯᠳᠣᠬᠤ ᠦᠭᠡᠢ | ᠪᠠᠷ ᠲᠡᠳᠡᠨᠡᠷ ᠢ ᠬᠢᠯᠢ ᠠᠴᠠ ᠬᠦᠭᠡᠭᠡᠨ ᠭᠠᠷᠭᠠᠪᠠᠴᠤ ᠲᠡᠭᠦᠨ ᠳᠤ ᠠᠰᠢᠭ ᠲᠠᠢ ᠬᠡᠷᠡᠭ ᠭᠡᠵᠥ ᠪᠣᠳᠣᠵᠠᠢ᠂ ᠣᠴᠢᠷ ᠨᠢ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠴᠧᠨ ᠰᠢ ᠴᠦ | ᠣᠷᠪᠠᠭᠠᠳ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠠᠳᠡ ᠠᠴᠠ ᠴᠢᠨᠠᠭᠰᠢ ᠪᠠᠰᠠ ᠴᠧᠨ ᠰᠢ ᠶᠢ ᠲᠠᠷᠣᠩᠭᠤᠶᠢᠯᠠᠬᠤ ᠴᠢᠬᠤᠯᠠ ᠲᠠᠢ ᠪᠠᠶᠢᠵᠠᠢ᠃ ᠾᠦᠩᠨᠦ ᠶᠢᠨ ᠲᠠᠯᠠ ᠴᠦ ᠦᠪᠡᠷ ᠤᠨ | ᠠᠯᠢᠪᠠ ᠪᠡᠯᠡᠳᠭᠡᠯ ᠠᠵᠢᠯ ᠢᠶᠠᠨ ᠠᠮᠵᠢᠭᠤᠯᠣᠨ ᠬᠢᠵᠥ᠂ ᠰᠢᠯᠢᠳᠡᠭ ᠴᠢᠬᠢᠷᠠᠭ ᠴᠡᠷᠢᠭ ᠢᠶᠠᠨ ᠨᠢᠭᠡᠴᠥ ᠮᠡᠳᠡᠭᠳᠡᠭᠰᠡᠨ ᠦᠭᠡᠢ ᠨᠢᠭᠤᠵᠤ ᠪᠠᠶᠢᠪᠠ᠃ ᠣᠯᠠᠨ ᠣᠳᠠᠭᠠᠨ ᠤ | ᠡᠯᠴᠢ ᠬᠠᠷᠢᠯᠴᠠᠬᠤ ᠪᠠᠷ ᠲᠠᠮᠵᠢᠨ ᠾᠦᠩᠨᠦ ᠶᠢᠨ ᠴᠡᠷᠢᠭ ᠰᠠᠨᠠᠭᠠᠨ ᠠᠴᠠ ᠭᠠᠳᠠᠭᠤᠷ ᠪᠠᠭᠤᠷᠠᠢ ᠭᠡᠳᠡᠭ ᠪᠣᠷᠣᠭᠤ ᠣᠶᠢᠯᠭᠠᠯᠳᠠ ᠣᠯᠣᠭᠰᠠᠨ ᠬᠠᠨ ᠣᠯᠣᠰ ᠤᠨ | ᠬᠠᠭᠠᠨ ᠵᠠᠩᠵᠣᠨ ᠨᠡᠷ ᠦᠷᠬᠦᠯᠵᠢᠯᠡᠨ ᠣᠮᠠᠷᠠᠰᠢ ᠲᠣᠪᠳᠣᠯᠣᠨ᠂ ᠾᠦᠩᠨᠦᠴᠦᠳ ᠢ ᠬᠢᠯᠢ ᠭᠠᠷᠬᠤ ᠠᠴᠠ ᠡᠮᠦᠨᠡ ᠵᠠᠪᠳᠣᠨ ᠣᠰᠠᠳᠬᠠᠬᠤ ᠪᠠᠷ ᠪᠠᠵᠠᠭᠠᠨ ᠶᠡᠭᠡ | ᠴᠡᠷᠢᠭ ᠢᠶᠠᠨ ᠰᠢᠪᠠᠳᠠᠨ ᠣᠮᠠᠷᠠᠰᠢᠢ ᠲᠣᠪᠳᠣᠯᠭᠠᠪᠠ᠃ ᠲᠣᠬᠠᠢ ᠶᠢᠨ ᠦᠶᠡ ᠡᠪᠦᠯ ᠪᠣᠯᠣᠭᠠᠳ᠂ ᠴᠠᠰᠣ ᠪᠣᠷᠣᠭᠠᠨ ᠬᠤᠯᠢᠯᠳᠣᠨ ᠣᠷᠣᠵᠤ ᠮᠠᠰᠢ ᠬᠦᠢᠳᠡᠨ ᠪᠠᠶᠢᠭᠰᠠᠨ | ᠴᠦ ᠡᠳᠦᠷ ᠲᠠᠷᠠᠭᠠᠯᠠᠨ ᠴᠡᠷᠢᠭ ᠮᠣᠷᠢᠳ ᠢᠶᠠᠨ ᠲᠦᠷᠭᠡᠨ ᠲᠣᠪᠳᠣᠯᠭᠠᠭᠰᠠᠨ ᠤ ᠣᠯᠠᠮ ᠢᠶᠠᠷ ᠬᠠᠨ ᠣᠯᠣᠰ ᠤᠨ ᠲᠣᠯᠣᠭᠠᠨ ᠲᠦᠮᠡ ᠭᠠᠷᠣᠢ ᠮᠣᠷᠢᠳᠣ ᠴᠡᠷᠢᠭ ᠨᠢ | ᠫᠢᠩ ᠴᠧᠩ ᠣᠶᠢᠷᠠᠳᠴᠣ ᠢᠷᠡᠲᠡᠯᠡ᠂ ᠶᠠᠪᠠᠭᠠᠨ ᠴᠡᠷᠢᠭ ᠨᠢ ᠮᠣᠷᠢᠳᠤ ᠴᠡᠷᠢᠭ ᠠᠴᠠ ᠪᠠᠨ ᠬᠤᠯᠠ ᠲᠠᠰᠣᠷᠠᠨ ᠬᠤᠶᠢᠨᠠ ᠬᠤᠴᠣᠷᠴᠡᠢ᠃ ᠰᠣᠳᠣᠷ ᠲᠡᠮᠳᠡᠭᠯᠡᠯ ᠳᠤ | ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠡᠷᠡᠰ ᠴᠠᠰᠣ ᠪᠣᠷᠣᠭᠠᠨ ᠰᠦᠷᠦᠨ ᠣᠷᠣᠭᠰᠢᠯᠠᠵᠤ᠂ ᠬᠦᠢᠲᠡᠨ ᠳᠤ ᠢᠯᠳᠦ ᠵᠢᠳᠡ ᠪᠠᠨ ᠠᠳᠬᠤᠵᠤ ᠴᠢᠳᠠᠬᠤ ᠦᠭᠡᠢ | ᠪᠣᠯᠵᠤ᠂ ᠭᠠᠷ ᠤᠨ ᠬᠤᠷᠣᠭᠤ ᠪᠠᠨ ᠬᠦᠯᠳᠡᠭᠡᠨ ᠣᠨᠠᠭᠠᠰᠠᠳ ᠠᠷᠪᠠᠨ ᠤ ᠬᠤᠶᠠᠷ ᠭᠤᠷᠪᠠ ᠪᠠᠶᠢᠯᠠ ᠭᠡᠵᠡᠢ᠃ ᠶᠠᠮᠠᠷ ᠪᠠᠶᠢᠭᠰᠠᠨ ᠴᠦ ᠬᠠᠨ ᠣᠯᠣᠰ ᠤᠨ ᠮᠣᠷᠢᠳᠣ | ᠴᠡᠷᠢᠭ ᠪᠠᠢ ᠳ᠋ᠧᠩ ᠱᠠᠨ ᠠᠭᠤᠯᠠ ᠣᠶᠢᠷᠠᠳᠣᠨ ᠬᠦᠷᠬᠦ ᠦᠶᠡ ᠳᠤ ᠾᠦᠩᠨᠦ ᠶᠢᠨ ᠴᠡᠷᠢᠭ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠡᠮᠦᠨᠡ ᠲᠠᠯᠠ ᠳᠤ ᠦᠷᠬᠦᠯᠵᠢᠯᠡᠨ | ᠣᠮᠠᠷᠠᠰᠢ ᠪᠣᠷᠣᠭᠤᠯᠠᠵᠤ ᠪᠠᠶᠢᠭᠠ ᠨᠢ ᠬᠠᠷᠠᠭᠳᠠᠵᠠᠢ᠃ ᠯᠢᠥ ᠪᠠᠩ ᠵᠠᠷᠯᠢᠭ ᠣᠯᠠᠮᠵᠢᠯᠠᠨ᠂ ᠲᠠᠶᠢᠰᠣᠨ ᠢ ᠬᠢᠯᠢ ᠭᠠᠷᠬᠤ ᠠᠴᠠ ᠡᠮᠦᠨᠡ ᠲᠠᠷᠣᠨ ᠣᠰᠠᠳᠬᠠᠭᠴᠢᠳ ᠲᠤ | ᠬᠦᠨᠳᠦᠳᠡ ᠱᠠᠩ ᠬᠦᠷᠲᠡᠭᠡᠮᠦᠢ ᠬᠡᠮᠡᠨ ᠴᠡᠷᠢᠭ ᠵᠠᠩᠵᠣᠨ ᠢᠶᠠᠨ ᠬᠦᠬᠢᠭᠦᠯᠦᠨ ᠲᠣᠪᠳᠣᠯᠭᠠᠨ ᠣᠷᠣᠪᠠ᠃ ᠦᠵᠡᠳᠡᠯᠡ ᠲᠠᠶᠢᠰᠣᠨ ᠢᠶᠠᠨ ᠨᠡᠬᠡᠵᠥ ᠠᠮᠵᠢᠲᠠᠯᠠ᠂ | ᠭᠡᠨᠡᠳᠲᠡ ᠪᠠᠷ ᠠᠭᠤᠯᠠᠨ ᠬᠤᠶᠠᠷ ᠬᠠᠵᠠᠭᠤ ᠠᠴᠠ ᠾᠦᠩᠨᠦ ᠶᠢᠨ ᠬᠡᠳᠦᠨ ᠲᠦᠮᠡᠨ ᠮᠣᠷᠢᠳᠣ ᠴᠡᠷᠢᠭ ᠲᠠᠭᠠᠷᠢᠨ ᠭᠠᠷᠴᠣ ᠢᠷᠡᠨ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ | ᠬᠦᠳᠡᠯᠵᠥ ᠪᠠᠷᠢᠵᠣ ᠠᠮᠵᠢᠬᠤ ᠠᠴᠠ ᠡᠮᠦᠨᠡ ᠲᠠᠪᠬᠤᠷ ᠲᠠᠪᠬᠤᠷ ᠪᠦᠰᠡᠯᠡᠨ ᠠᠪᠣᠪᠠ᠃ ᠠᠳᠡ ᠬᠦᠷᠦᠭᠡᠳ ᠬᠠᠨ ᠣᠯᠣᠰ ᠤᠨ ᠬᠠᠭᠠᠨ ᠳᠦᠰᠢᠮᠡᠳ ᠠᠴᠠ ᠴᠡᠷᠢᠭ | ᠡᠷᠡᠰ ᠬᠦᠷᠳᠡᠯᠡ ᠨᠢᠳᠦ ᠨᠢ ᠪᠦᠷ ᠣᠳᠣ ᠪᠣᠯᠵᠤ ᠣᠷᠣᠢ ᠲᠡᠭᠡᠷᠡ ᠪᠠᠨ ᠭᠠᠷᠴᠠᠢ᠃ ᠣᠪᠣᠨ ᠴᠣᠪᠣᠨ ᠡᠮᠦᠨᠡ ᠨᠢ ᠲᠣᠳᠠᠭᠠᠵᠤ ᠪᠠᠶᠢᠭᠰᠠᠨ ᠾᠦᠩᠨᠦ ᠴᠡᠷᠢᠭ ᠲᠠᠢ | ᠬᠠᠷᠢᠴᠠᠭᠤᠯᠪᠠᠯ᠂ ᠡᠨᠡ ᠰᠠᠶ᠋ᠢ ᠾᠦᠩᠨᠦ ᠶᠢᠨ ᠰᠢᠯᠢᠳᠡᠭ ᠴᠡᠷᠢᠭ ᠪᠠᠶᠢᠵᠣ᠂ ᠵᠢᠳᠠ ᠢᠯᠳᠦ ᠲᠤᠭ ᠬᠢᠬᠢᠷᠢ ᠨᠠᠷᠠ ᠰᠠᠷᠠᠨ ᠢ ᠬᠠᠯᠬᠠᠯᠠᠨ᠂ ᠬᠤᠶᠠᠭ ᠲᠣᠭᠤᠯᠭᠠ ᠠᠴᠠ | ᠭᠡᠷᠡᠯ ᠰᠠᠴᠣᠷᠠᠨ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ ᠬᠡᠳᠦᠨ ᠲᠠᠪᠬᠤᠷ ᠬᠤᠮᠣᠷᠭᠠᠯᠠᠨ ᠠᠪᠣᠪᠠ᠃ ᠬᠠᠨ ᠣᠯᠣᠰ ᠤᠨ ᠮᠣᠷᠢᠳᠣ ᠴᠡᠷᠢᠭ ᠨᠡᠶᠢᠲᠡ ᠲᠣᠯᠣᠭᠠᠨ ᠲᠦᠮᠡ | ᠪᠠᠶᠢᠯᠤᠭᠠ ᠭᠡᠵᠥ ᠲᠡᠣᠬᠡ ᠰᠣᠳᠣᠷ ᠲᠤ ᠲᠡᠮᠳᠡᠭᠯᠡᠵᠡᠢ᠃ ᠡᠨᠡ ᠲᠣᠯᠣᠭᠠᠨ ᠲᠦᠮᠡᠨ ᠴᠡᠷᠢᠭ ᠲᠣᠲᠣᠷᠠ ᠲᠡᠷᠡ ᠪᠦᠬᠦᠨ ᠢᠶᠠᠷ ᠢᠶᠠᠨ ᠪᠦᠷ ᠮᠣᠷᠢ ᠣᠨᠣᠭᠰᠠᠨ ᠮᠣᠷᠢᠲᠤ | ᠴᠡᠷᠢᠭ ᠪᠢᠰᠢ᠂ ᠬᠠᠷᠢᠨ ᠨᠡᠯᠢᠶᠡᠳ ᠲᠣᠭᠠᠨ ᠤ ᠮᠣᠷᠢᠳᠣ ᠴᠡᠷᠢᠭ ᠨᠢ ᠪᠣᠳᠠᠳᠠᠢ ᠬᠡᠯᠡᠪᠡᠯ ᠮᠣᠷᠢᠨ ᠲᠡᠷᠭᠡᠳᠥ ᠴᠡᠷᠢᠭ ᠪᠠᠶᠢᠵᠠᠢ᠃ ᠮᠣᠷᠢᠨ ᠲᠡᠷᠭᠡᠳᠦ ᠴᠡᠷᠢᠭ ᠪᠣᠯ ᠮᠣᠷᠢ | ᠣᠨᠣᠵᠤ ᠲᠠᠶᠢᠯᠠᠯᠳᠣᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠶᠣ ᠮᠣᠷᠢ ᠣᠨᠣᠵᠤ ᠲᠠᠶᠢᠯᠠᠯᠳᠣᠬᠤ ᠲᠣᠨᠤᠭ ᠬᠡᠷᠡᠭᠰᠡᠨ ᠭᠦᠢᠴᠡᠳ ᠦᠭᠡᠢ ᠬᠢᠲᠠᠳ ᠬᠦᠮᠦᠰ ᠤᠨ ᠦᠪᠡᠷ ᠤᠨ ᠪᠠᠶᠢᠳᠠᠯ | ᠳᠠᠭᠠᠨ ᠲᠣᠬᠢᠷᠠᠭᠤᠯᠣᠭᠰᠠᠨ ᠴᠡᠷᠢᠭ ᠠᠩᠬᠢ ᠠᠵᠠᠢ᠃ ᠯᠢᠥ ᠪᠠᠩ ᠲᠡᠷᠡ ᠲᠣᠣᠷᠠ ᠪᠠᠨ ᠴᠡᠷᠢᠭ ᠤᠨ ᠲᠡᠷᠭᠡ ᠪᠠᠷ ᠭᠠᠳᠠᠭᠤᠷ ᠢᠶᠠᠨ ᠬᠦᠷᠢᠶᠡ ᠲᠠᠳᠠᠨ ᠾᠦᠩᠨᠦ ᠶᠢᠨ | ᠮᠣᠷᠢᠳᠣ ᠴᠡᠷᠢᠭ ᠤᠨ ᠲᠠᠭᠠᠷᠢᠯᠲᠠ ᠶᠢ ᠬᠤᠷᠢᠭᠯᠠᠵᠤ᠂ ᠲᠡᠷᠭᠡᠨ ᠵᠢᠬᠰᠠᠭᠠᠯ ᠤᠨ ᠲᠣᠲᠣᠷᠠ ᠪᠠᠨ ᠬᠦᠴᠦᠳᠥ ᠨᠣᠮᠣ ᠪᠠᠷᠢᠭᠰᠠᠨ ᠴᠡᠷᠢᠭ ᠢᠶᠠᠨ ᠬᠡᠳᠦᠨ ᠲᠠᠪᠬᠤᠷ | ᠵᠢᠬᠰᠠᠭᠠᠨ᠂ ᠾᠦᠩᠨᠦ ᠴᠡᠷᠢᠭ ᠣᠶᠢᠷᠠᠳᠣᠨ ᠢᠷᠡᠪᠡᠯ ᠬᠠᠷᠪᠣᠨ ᠬᠤᠷᠢᠭᠯᠠᠵᠤ ᠪᠠᠶᠢᠪᠠ᠃ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠡᠨᠡ ᠮᠡᠳᠦ ᠪᠠᠷ ᠪᠦᠰᠡᠯᠡᠭᠳᠡᠨ᠂ ᠲᠣᠯᠣᠭᠠᠨ | ᠡᠳᠦᠷ ᠲᠣᠯᠣᠭᠠᠨ ᠰᠦᠨᠢ ᠦᠯ ᠬᠤᠭᠤᠯᠠ ᠦᠭᠡᠢ ᠮᠦᠷᠳᠡᠭᠡᠨ ᠬᠤᠶᠢᠨᠠ ᠬᠤᠴᠣᠷᠣᠭᠰᠠᠨ ᠶᠠᠪᠠᠭᠠᠨ ᠴᠡᠷᠢᠭ ᠲᠠᠢ ᠪᠠᠨ ᠴᠢᠮᠡᠭᠡ ᠮᠡᠳᠡᠭᠡ ᠲᠠᠰᠣᠷᠠᠨ᠂ ᠬᠠᠷᠢᠯᠴᠠᠨ | ᠶᠠᠮᠠᠷᠴᠣ ᠬᠤᠯᠪᠣᠭᠠ ᠠᠪᠴᠣ ᠴᠢᠳᠠᠭᠰᠠᠨ ᠦᠭᠡᠢ ᠠᠵᠠᠢ᠃ ᠾᠦᠩᠨᠦ ᠴᠡᠷᠢᠭ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠪᠦᠰᠡᠯᠡᠯᠲᠡ ᠶᠢᠨ ᠭᠠᠳᠠᠭᠤᠷ ᠲᠦᠷᠪᠡᠨ ᠲᠠᠯᠠ ᠪᠠᠷ | ᠠᠭᠳᠠᠨ ᠤ ᠦᠩᠭᠡ ᠪᠠᠷ ᠢᠯᠭᠠᠷᠠᠭᠰᠠᠨ ᠮᠣᠷᠢᠳᠣ ᠴᠡᠷᠢᠭ ᠪᠦᠰᠡᠯᠡᠵᠥ᠂ ᠡᠮᠦᠨᠡ ᠲᠠᠯᠠ ᠪᠠᠷ ᠰᠢᠷᠭᠠ ᠮᠣᠷᠢᠳᠣ ᠴᠡᠷᠢᠭ᠂ ᠠᠷᠣ ᠲᠠᠯᠠ ᠪᠠᠷ ᠨᠢ ᠣᠰᠣᠨ ᠬᠠᠷᠠ ᠬᠡᠬᠡᠷ | ᠮᠣᠷᠢ ᠣᠨᠣᠭᠰᠠᠨ ᠴᠡᠷᠢᠭ᠂ ᠵᠡᠭᠦᠨ ᠲᠠᠯᠠ ᠪᠠᠷ ᠨᠢ ᠪᠦᠷ ᠪᠣᠷᠤ ᠮᠣᠷᠢ ᠣᠨᠣᠭᠰᠠᠨ ᠴᠡᠷᠢᠭ᠂ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠨᠢ ᠪᠦᠷ ᠴᠠᠭᠠᠨ ᠰᠠᠷᠠᠯ ᠮᠣᠷᠢᠳᠠᠨ ᠪᠠᠶᠢᠯᠤᠭᠠ | ᠭᠡᠵᠡᠢ᠃ | ᠯᠢᠥ ᠪᠠᠩ ᠶᠠᠮᠠᠷ ᠪᠠᠶᠢᠭᠰᠠᠨ ᠴᠦ ᠨᠢᠭᠡᠨ ᠨᠠᠰᠣᠨ ᠳᠠᠭᠠᠨ ᠯᠣᠶᠢᠪᠠᠷᠴᠢᠨ ᠣᠯᠣᠰ ᠲᠦᠷᠦᠴᠢ ᠶᠠᠪᠣᠭᠰᠠᠨ ᠬᠦᠮᠦᠨ ᠪᠣᠯᠬᠤᠷ᠂ ᠭᠤᠣᠯ ᠨᠢ ᠲᠠᠰᠣᠷᠠᠬᠤ ᠦᠭᠡᠢ | ᠪᠣᠯ ᠭᠤᠷᠢ ᠨᠢ ᠳᠠᠰᠣᠷᠠᠬᠤ ᠦᠭᠡᠢ ᠭᠡᠳᠡᠭᠴᠢᠯᠡᠨ᠂ ᠬᠡᠳᠦᠶᠢᠪᠡᠷ ᠲᠠᠶᠢᠰᠣᠨ ᠳᠠᠭᠠᠨ ᠪᠦᠰᠡᠯᠡᠭᠳᠡᠵᠥ ᠪᠠᠶᠢᠪᠡᠴᠦ᠂ ᠦᠪᠡᠷ ᠤᠨ ᠴᠡᠷᠢᠭ ᠤᠨ ᠵᠢᠬᠰᠠᠭᠠᠯ ᠢᠶᠠᠨ ᠵᠢᠭᠠᠬᠠᠨ | ᠪᠠᠬᠢᠯᠡᠨ ᠠᠪᠣᠮᠠᠭᠴᠠ ᠪᠠᠨ ᠵᠦᠪᠯᠡᠭᠴᠢ ᠨᠡᠷ ᠢᠶᠠᠨ ᠬᠤᠷᠠᠭᠤᠯᠣᠨ ᠲᠦᠷᠭᠡᠨ ᠵᠦᠪᠯᠡᠯᠭᠡ ᠠᠪᠴᠠᠢ᠃ ᠡᠨᠡ ᠦᠶᠡ ᠳᠤ ᠡᠯᠳᠡᠪ ᠰᠠᠨᠠᠯ ᠤᠨ ᠲᠣᠮᠳᠠ᠂ ᠲᠡᠭᠦᠨ ᠤ ᠨᠢᠭᠡᠨ | ᠮᠡᠷᠭᠡᠨ ᠵᠦᠪᠯᠡᠭᠴᠢ ᠴᠧᠨ ᠫᠢᠩ ᠭᠡᠳᠡᠭ ᠬᠦᠮᠦᠨ ᠲᠡᠭᠦᠨ ᠳᠤ ᠨᠢᠭᠤᠴᠠ ᠠᠷᠭᠠ ᠡᠷᠭᠦᠨ᠂ ᠰᠠᠶᠢᠨ ᠠᠷᠭᠠ ᠶᠢ ᠢᠯᠡ ᠬᠡᠯᠡᠵᠥ ᠪᠣᠯᠬᠤ ᠦᠭᠡᠢ ᠬᠡᠮᠡᠨ ᠡᠵᠡᠨ | ᠳᠦᠰᠢᠮᠡᠯ ᠰᠢᠪᠡᠨᠡᠨ ᠨᠢᠭᠡᠨ ᠵᠡᠷᠭᠡ ᠶᠠᠷᠢᠯᠴᠠᠭᠰᠠᠨ ᠤ ᠡᠴᠦᠰ ᠲᠤ ᠯᠢᠥ ᠪᠠᠩ ᠪᠦᠬᠦ ᠴᠡᠷᠢᠭ ᠲᠡᠭᠡᠨ ᠵᠠᠷ ᠲᠠᠷᠬᠠᠭᠠᠨ᠂ ᠠᠯᠢᠪᠠ ᠬᠦᠮᠦᠨ ᠤ ᠪᠡᠶᠡ ᠳᠡᠭᠡᠨ ᠠᠪᠴᠣ | ᠶᠠᠪᠣᠵᠤ ᠪᠠᠶᠢᠭᠠ ᠠᠯᠳᠠ ᠮᠦᠩᠭᠦ ᠡᠳ᠋ ᠡᠷᠳᠡᠨᠢᠰ ᠢᠶᠠᠨ ᠪᠦᠬᠦᠨ ᠢ ᠠᠪᠴᠢᠷᠠᠨ ᠬᠠᠭᠠᠨ ᠡᠵᠡᠨ ᠳᠤ ᠲᠣᠰᠢᠶᠠᠭᠳᠣᠨ᠂ ᠬᠤᠵᠢᠮ ᠬᠡᠳᠦᠨ ᠲᠡᠭᠢᠨ ᠢᠶᠠᠷ ᠱᠠᠩᠨᠠᠵᠤ᠂ | ᠡᠰᠡ ᠲᠣᠰᠢᠶᠠᠭᠴᠢᠳ ᠢ ᠬᠦᠨᠳᠦ ᠪᠠᠷ ᠰᠢᠳᠭᠡᠮᠣᠢ ᠬᠡᠮᠡᠨ ᠵᠠᠷᠯᠠᠵᠤ᠂ ᠬᠡᠳᠦᠨ ᠲᠠᠭᠠᠷ ᠡᠳ᠋ ᠡᠷᠳᠡᠨᠢᠰ ᠣᠯᠵᠣ᠂ ᠲᠡᠭᠦᠨ ᠢᠶᠠᠨ ᠨᠢᠭᠡᠨ ᠡᠳᠡᠭᠡᠮᠵᠢ ᠲᠠᠢ ᠶᠡᠭᠡ | ᠳᠦᠰᠢᠮᠡᠯ ᠳᠡᠭᠡᠨ ᠲᠣᠰᠢᠶᠠᠨ ᠦᠭᠴᠦ᠂ ᠾᠦᠩᠨᠦ ᠶᠢᠨ ᠴᠡᠷᠢᠭ ᠤᠨ ᠬᠦᠷᠢᠶᠡᠨ ᠳᠤ ᠣᠴᠢᠭᠤᠯᠣᠨ ᠬᠡᠯᠡᠯᠴᠡᠭᠡᠷ ᠬᠢᠬᠦ ᠪᠠᠷ ᠶᠠᠪᠣᠭᠤᠯᠵᠠᠢ᠃ ᠡᠯᠴᠢᠨ ᠳᠦᠰᠢᠮᠡᠯ ᠨᠢ | ᠾᠦᠩᠨᠦ ᠶᠢᠨ ᠴᠡᠷᠢᠭ ᠤᠨ ᠬᠦᠷᠢᠶᠡ ᠬᠦᠷᠦᠭᠡᠳ ᠠᠪᠴᠢᠷᠠᠭᠰᠠᠨ ᠡᠳ᠋ ᠡᠷᠳᠡᠨᠢᠰ ᠤᠨ ᠬᠠᠭᠠᠰ ᠲᠤᠭᠠ ᠶᠢ ᠬᠠᠭᠠᠨ ᠵᠠᠷᠯᠢᠭ ᠢᠶᠠᠷ ᠴᠠᠨ ᠢᠥᠢ ᠳᠤ ᠨᠢᠭᠤᠷ ᠵᠣᠯᠭᠠᠬᠤ | ᠪᠡᠯᠡᠭ ᠬᠡᠮᠡᠨ ᠡᠷᠭᠦᠵᠥ᠂ ᠨᠦᠭᠦᠭᠡ ᠬᠠᠭᠠᠰ ᠢ ᠦᠵᠢ ᠬᠠᠳᠣᠨ ᠳᠤ ᠡᠷᠭᠦᠬᠦ ᠪᠡᠯᠡᠭ ᠬᠡᠮᠡᠨ᠂ ᠮᠠᠨ ᠤ ᠬᠠᠭᠠᠨ ᠵᠠᠪᠠᠯ ᠡᠯᠴᠢ ᠨᠠᠳᠠ ᠶᠢ ᠦᠵᠢ ᠬᠠᠳᠣᠨ ᠳᠤ | ᠨᠢᠭᠤᠷᠲᠠᠨ ᠵᠣᠯᠭᠠᠵᠤ ᠡᠨᠡᠬᠦ ᠪᠡᠯᠡᠭ ᠢ ᠡᠷᠭᠦᠳᠦᠭᠡᠢ ᠭᠡᠰᠡᠨ ᠵᠠᠷᠯᠢᠭ ᠲᠠᠢ ᠬᠡᠮᠡᠨ ᠦᠵᠢ ᠬᠠᠳᠣᠨ ᠳᠤ ᠪᠠᠷᠠᠭᠠᠳᠠᠪᠠ᠃ ᠲᠡᠭᠡᠭᠡᠳ ᠦᠵᠢ ᠬᠠᠳᠣᠨ ᠳᠤ ᠬᠠᠵᠠᠭᠤ ᠶᠢᠨ | ᠬᠦᠮᠦᠰ ᠢᠶᠠᠨ ᠵᠠᠶᠢᠯᠠᠭᠤᠯᠣᠮᠣ ᠬᠡᠮᠡᠨ ᠭᠤᠶᠣᠴᠢᠯᠠᠨ ᠵᠠᠶᠢᠯᠠᠭᠤᠯᠵᠤ᠂ ᠬᠠᠨᠴᠣᠢ ᠲᠣᠲᠣᠷᠠ ᠠᠴᠠ ᠪᠠᠨ ᠨᠢᠭᠡᠨ ᠣᠷᠢᠶᠠᠮᠠᠭ ᠵᠢᠷᠤᠭ ᠭᠠᠷᠭᠠᠨ ᠦᠵᠢ ᠬᠠᠳᠣᠨ ᠳᠤ | ᠡᠷᠭᠦᠨ ᠪᠠᠷᠢᠬᠤ ᠶᠢᠨ ᠬᠠᠮᠳᠣ ᠦᠭᠦᠯᠡᠭᠰᠡᠨ ᠨᠢ᠂ ᠴᠠᠨ ᠢᠥᠢ ᠡᠵᠡᠨ ᠮᠠᠨ ᠤ ᠬᠠᠭᠠᠨ ᠢ ᠪᠦᠰᠡᠯᠡᠨ ᠬᠠᠭᠠᠭᠰᠠᠨ ᠳᠤ ᠵᠦᠪᠯᠡᠭᠴᠢ ᠲᠦᠰᠢᠮᠡᠳ ᠠᠷᠭᠠ ᠡᠷᠭᠦᠨ ᠬᠠᠨ | ᠣᠯᠣᠰ ᠤᠨ ᠬᠠᠮᠤᠭ ᠭᠤᠸᠠ ᠦᠬᠢᠳ ᠠᠴᠠ ᠠᠷᠪᠠᠨ ᠬᠦᠮᠦᠨ ᠰᠣᠩᠭᠤᠨ ᠴᠠᠨ ᠢᠥᠢ ᠳᠤ ᠬᠦᠷᠭᠡᠰᠦᠭᠡᠢ ᠬᠡᠮᠡᠨ ᠲᠣᠭᠳᠠᠪᠠ᠂ ᠡᠨᠡ ᠵᠢᠷᠤᠭ ᠪᠣᠯ ᠲᠡᠭᠦᠨ ᠤ | ᠲᠣᠲᠣᠷᠠᠬᠢ ᠵᠠᠷᠢᠮ ᠨᠢᠭᠡᠨ ᠤ ᠬᠢᠨᠢ ᠬᠦᠷᠦᠭ ᠵᠢᠷᠤᠭ ᠪᠣᠯᠣᠨᠠ᠃ ᠬᠡᠷᠪᠡ ᠡᠬᠡ ᠬᠠᠳᠣᠨ ᠴᠠᠨ ᠢᠥᠢ ᠶᠢ ᠢᠳᠬᠠᠨ ᠪᠦᠰᠡᠯᠡᠯᠲᠡ ᠪᠠᠨ ᠲᠠᠶᠢᠯᠣᠨ ᠮᠠᠨ ᠤ ᠬᠠᠭᠠᠨ ᠢ | ᠲᠠᠯᠪᠢᠨ ᠭᠠᠷᠭᠠᠪᠠᠯ᠂ ᠮᠠᠨ ᠤ ᠬᠠᠭᠠᠨ ᠵᠢᠯ ᠤᠨ ᠡᠷᠭᠦᠴᠡ ᠠᠯᠳᠠ ᠮᠦᠩᠭᠦ᠂ ᠲᠣᠷᠭᠠ ᠲᠣᠷᠳᠣᠩ᠂ ᠡᠳ᠋ ᠠᠭᠤᠷᠰᠣ᠂ ᠢᠳᠡᠭᠡᠨ ᠣᠮᠳᠠᠭᠠᠨ ᠢ ᠲᠣᠭᠳᠠᠭᠰᠠᠨ ᠲᠤᠭᠠ | ᠶᠣᠰᠣᠭᠠᠷ ᠡᠷᠭᠦᠨ ᠪᠠᠷᠢᠬᠤ ᠪᠣᠯᠣᠨᠠ ᠭᠡᠵᠡᠢ᠃ ᠦᠵᠢ ᠬᠠᠳᠣᠨ ᠭᠤᠶᠣ ᠪᠦᠰᠡᠭᠦᠢ ᠶᠢᠨ ᠵᠢᠷᠤᠭ ᠢ ᠨᠠᠷᠢᠪᠴᠢᠯᠠᠨ ᠦᠵᠡᠭᠡᠳ ᠶᠠᠭᠤ ᠴᠦ ᠲᠣᠣᠭᠠᠷᠣᠭᠰᠠᠨ ᠦᠭᠡᠢ | ᠬᠠᠵᠠᠭᠤ ᠳᠠᠭᠠᠨ ᠲᠠᠯᠪᠢᠵᠤ᠂ ᠡᠯᠴᠢ ᠲᠠ ᠬᠡᠵᠢᠶᠡ ᠪᠣᠴᠠᠮᠣᠢ ᠬᠡᠮᠡᠨ ᠠᠰᠠᠭᠤᠭᠰᠠᠨ ᠳᠤ᠂ ᠬᠠᠨ ᠣᠯᠣᠰ ᠤᠨ ᠡᠯᠴᠢ ᠪᠠᠷᠢᠨ ᠲᠣᠣᠷᠠ ᠪᠠᠨ ᠲᠠᠬᠢᠨ ᠰᠦᠭᠦᠳᠦᠨ | ᠮᠦᠷᠭᠦᠵᠥ᠂ ᠡᠬᠡ ᠬᠠᠳᠣᠨ ᠦᠷᠦᠰᠢᠶᠡᠪᠡᠰᠦ ᠦᠴᠦᠬᠡᠨ ᠳᠦᠰᠢᠮᠡᠯ ᠲᠣᠣᠷᠠ ᠪᠠᠨ ᠮᠣᠷᠳᠠᠵᠤ᠂ ᠬᠡᠣᠬᠡᠨ ᠬᠦᠷᠭᠡᠬᠦ ᠬᠡᠷᠡᠭ ᠢ ᠴᠢᠳᠠᠬᠤ ᠶᠢᠨ ᠲᠣᠲᠣᠷᠠ ᠬᠤᠷᠢᠭᠯᠠᠵᠣ | ᠪᠠᠶᠢᠶᠠ ᠭᠡᠵᠡᠢ᠃ ᠲᠡᠭᠡᠭᠡᠳ ᠦᠵᠢ ᠬᠠᠳᠣᠨ ᠴᠠᠨ ᠢᠥᠢ ᠳᠠᠭᠠᠨ ᠠᠶᠢᠯᠠᠳᠬᠠᠯ ᠡᠷᠭᠦᠨ ᠬᠤᠶᠠᠷ ᠡᠵᠡᠳ ᠬᠠᠷᠢᠯᠴᠠᠨ ᠪᠦᠰᠡᠯᠡᠬᠦ ᠠᠨᠣ ᠵᠣᠬᠢᠰ ᠦᠭᠡᠢ ᠪᠣᠯᠠᠢ᠂ | ᠲᠡᠲᠡᠨᠡᠷ ᠤᠨ ᠰᠠᠬᠢᠭᠤᠯᠰᠣ ᠴᠦ ᠲᠡᠭᠦᠨ ᠢᠶᠠᠨ ᠢᠪᠡᠭᠡᠬᠦ ᠶᠤᠮ ᠭᠡᠪᠡ᠃ ᠢᠩᠭᠢᠭᠡᠳ ᠴᠠᠨ ᠢᠥᠢ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠪᠦᠰᠡᠯᠡᠯᠲᠡ ᠶᠢᠨ ᠨᠢᠭᠡᠨ ᠦᠨᠴᠦᠭ ᠢ | ᠲᠠᠶᠢᠯᠠᠵᠣ ᠬᠠᠨ ᠣᠯᠣᠰ ᠤᠨ ᠡᠵᠡᠨ ᠳᠦᠰᠢᠮᠡᠳ ᠬᠤᠶᠢᠨᠠ ᠬᠤᠶᠢᠨᠠ ᠠᠴᠠ ᠪᠠᠨ ᠬᠡᠯᠬᠢᠶᠡᠷᠡᠯᠳᠦᠨ ᠪᠦᠰᠡᠯᠡᠯᠲᠡ ᠠᠴᠠ ᠭᠠᠷᠴᠣ᠂ ᠭᠠᠳᠠᠨᠠ ᠪᠠᠶᠢᠭᠰᠠᠨ ᠶᠠᠪᠠᠭᠠᠨ | ᠴᠡᠷᠢᠭ ᠲᠠᠢ ᠪᠠᠨ ᠨᠡᠶᠢᠯᠡᠵᠥ᠂ ᠣᠯᠣᠰ ᠲᠠᠭᠠᠨ ᠪᠣᠴᠠᠪᠠ᠃ ᠡᠨᠡ ᠪᠣᠯ ᠴᠧᠨ ᠫᠢᠩ ᠤᠨ ᠭᠠᠷᠭᠠᠭᠰᠠᠨ ᠲᠣᠯᠣᠭᠠᠨ ᠣᠳᠠᠭᠠᠨ ᠤ ᠭᠠᠶᠢᠬᠠᠮᠰᠢᠭ ᠲᠤ ᠠᠷᠭᠠ ᠬᠢᠨᠢ | ᠨᠢᠭᠡᠨ ᠪᠣᠯᠣᠨᠠ ᠭᠡᠵᠥ ᠬᠤᠵᠢᠮ ᠤᠨ ᠬᠦᠮᠦᠰ ᠮᠠᠭᠲᠠᠨ ᠬᠡᠯᠡᠯᠴᠡᠬᠦ ᠪᠣᠯᠵᠠᠢ᠃ | ᠲᠡᠣᠬᠡᠨ ᠦᠨᠡᠨ ᠣᠴᠢᠷ ᠪᠣᠯ ᠡᠨᠡ ᠦᠶᠡ ᠶᠢᠨ ᠪᠣᠭᠳᠠ ᠴᠠᠨ ᠢᠥᠢ ᠶᠢᠨ ᠨᠢᠳᠤᠨ ᠡᠮᠦᠨᠡ ᠬᠤᠶᠠᠷ ᠲᠣᠮᠣ ᠠᠰᠠᠭᠤᠳᠠᠯ ᠨᠢᠭᠤᠷᠯᠠᠵᠣ ᠪᠠᠶᠢᠵᠠᠢ᠃ ᠬᠡᠳᠦᠶᠢᠪᠡᠷ | ᠬᠢᠲᠠᠳ ᠲᠡᠣᠬᠡᠨ ᠳᠤ ᠾᠦᠩᠨᠦ ᠶᠢᠨ ᠴᠡᠷᠢᠭ ᠢ ᠳᠦᠴᠢᠨ ᠲᠦᠮᠡ ᠪᠠᠶᠢᠯᠠ ᠭᠡᠵᠥ ᠲᠡᠮᠳᠡᠭᠯᠡᠵᠥ ᠪᠠᠶᠢᠪᠠᠴᠤ᠂ ᠦᠨᠡᠨ ᠪᠠᠶᠢᠳᠠᠯ ᠠᠷᠠᠢ ᠲᠡᠳᠦᠢ ᠪᠠᠶᠢᠭᠰᠠᠨ ᠦᠭᠡᠢ᠂ | ᠡᠯᠡ ᠦᠶᠡ ᠶᠢᠨ ᠬᠢᠲᠠᠳ ᠲᠡᠣᠬᠡᠴᠢᠳ ᠦᠪᠡᠷ ᠤᠨ ᠬᠠᠭᠠᠨ ᠡᠵᠡᠨ ᠪᠣᠶᠤ ᠵᠠᠩᠵᠣᠨ ᠪᠠᠭᠠᠳᠣᠷᠴᠦᠳ ᠤᠨ ᠲᠠᠶᠢᠨ ᠤ ᠢᠯᠠᠭᠳᠠᠯ ᠢ ᠬᠠᠯᠬᠠᠯᠠᠬᠤ ᠡᠭᠦᠳᠡᠨ ᠠᠴᠠ | ᠲᠠᠶᠢᠰᠣᠨ ᠡᠳᠡᠭᠡᠳ ᠤᠨ ᠲᠤᠭᠠ ᠶᠢ ᠬᠡᠳᠦᠨ ᠲᠠᠬᠢᠨ ᠢᠶᠠᠷ ᠬᠡᠳᠦᠷᠡᠭᠦᠯᠦᠨ ᠬᠡᠯᠡᠬᠦ ᠪᠠᠶᠢᠳᠠᠯ ᠮᠠᠰᠢ ᠡᠩ ᠤᠨ ᠬᠡᠷᠡᠭ ᠪᠠᠶᠢᠵᠠᠢ᠃ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠾᠦᠩᠨᠦ | ᠴᠡᠷᠢᠭ ᠬᠡᠳᠦᠷᠡᠬᠦ ᠲᠡᠭᠡᠨ ᠠᠷᠪᠠᠨ ᠲᠦᠮᠡ ᠠᠴᠠ ᠲᠠᠪᠠᠭ᠋ᠣ ᠦᠭᠡᠢ ᠮᠦᠷᠳᠡᠭᠡᠨ ᠬᠤᠶᠠᠷ ᠬᠤᠪᠢᠶᠠᠭᠳᠠᠨ᠂ ᠨᠢᠭᠡ ᠬᠡᠰᠡᠭ ᠨᠢ ᠬᠠᠨ ᠣᠯᠣᠰ ᠤᠨ ᠮᠣᠷᠢᠳᠣ ᠴᠡᠷᠢᠭ ᠢ | ᠪᠦᠰᠡᠯᠡᠨ᠂ ᠨᠦᠭᠦᠭᠡ ᠬᠡᠰᠡᠭ ᠨᠢ ᠶᠠᠪᠠᠭᠠᠨ ᠴᠡᠷᠢᠭ ᠢ ᠨᠢ ᠬᠤᠷᠢᠭᠯᠠᠨ ᠬᠠᠭᠠᠵᠣ ᠪᠠᠶᠢᠵᠠᠢ᠃ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠤᠨ ᠨᠡᠶᠢᠲᠡ ᠲᠤᠭᠠ ᠪᠣᠯ ᠲᠡᠣᠬᠡᠨ ᠳᠤ | ᠭᠤᠴᠢᠨ ᠬᠤᠶᠠᠷ ᠲᠦᠮᠡ ᠭᠡᠵᠥ ᠲᠡᠮᠳᠡᠭᠯᠡᠵᠡᠢ᠃ ᠡᠨᠡ ᠪᠣᠯ ᠮᠣᠨᠳᠠᠭ ᠲᠣᠭᠠᠨ ᠤ ᠶᠡᠭᠡ ᠴᠡᠷᠢᠭ ᠶᠤᠮ᠃ ᠪᠣᠭᠳᠠ ᠴᠠᠨ ᠢᠥᠢ ᠶᠢᠨ ᠨᠢᠭᠡ ᠨᠠᠰᠣᠨ ᠳᠤ ᠡᠶᠢᠮᠦ ᠶᠡᠭᠡ | ᠲᠣᠭᠠᠨ ᠤ ᠲᠠᠶᠢᠰᠣᠨ ᠲᠠᠢ ᠪᠠᠨ ᠲᠠᠶᠢᠯᠠᠯᠳᠣᠵᠣ ᠦᠩᠭᠡᠷᠡᠭᠡ ᠦᠭᠡᠢ ᠪᠣᠯᠬᠤᠷ᠂ ᠲᠡᠷᠡ ᠶᠡᠷᠦᠨᠢ ᠦᠪᠡᠷ ᠤᠨ ᠴᠡᠷᠢᠭ ᠤᠨ ᠲᠣᠭᠠᠨ ᠳᠤ ᠰᠡᠳᠭᠢᠯ ᠬᠠᠩᠭᠠᠮᠵᠢ ᠦᠭᠡᠢ | ᠪᠠᠶᠢᠵᠠᠢ᠃ ᠬᠤᠶᠠᠳᠣᠭᠠᠷ ᠶᠡᠭᠡ ᠠᠰᠠᠭᠤᠳᠠᠯ ᠭᠡᠪᠡᠯ ᠬᠠᠨ ᠸᠠᠩ ᠬᠠᠨ ᠰᠢᠨ ᠬᠡᠳᠦᠶᠢᠪᠡᠷ ᠴᠦᠬᠡᠨ ᠬᠦᠮᠦᠰ ᠢᠶᠠᠨ ᠲᠠᠭᠠᠭᠤᠯᠣᠨ ᠪᠣᠭᠳᠠ ᠴᠠᠨ ᠢᠥᠢ ᠶᠢᠨ ᠲᠡᠷᠭᠡᠳᠡ | ᠢᠷᠡᠭᠰᠡᠨ ᠪᠣᠯᠪᠠᠴᠤ᠂ ᠲᠡᠭᠦᠨ ᠤ ᠭᠤᠣᠯ ᠬᠦᠴᠦᠨ ᠪᠣᠯᠣᠭᠰᠠᠨ ᠶᠡᠭᠡ ᠴᠡᠷᠢᠭ ᠢ ᠲᠠᠶᠢᠴᠢᠯᠠᠭᠴᠢ ᠬᠤᠶᠠᠷ ᠵᠠᠩᠵᠣᠨ ᠸᠠᠩ ᠬᠤᠸᠠᠩ᠂ ᠵᠣᠣ ᠯᠢ ᠬᠤᠶᠠᠭᠤᠯᠠ | ᠪᠣᠯᠵᠤᠭᠠ ᠶᠢ ᠦᠳᠡᠭᠡᠷᠡᠨ᠂ ᠡᠳᠦᠢ ᠪᠣᠯᠲᠠᠯᠠ ᠶᠠᠮᠠᠷᠴᠥ ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ ᠪᠠᠶᠢᠭᠠ ᠨᠢ ᠮᠠᠰᠢ ᠰᠡᠵᠢᠭᠯᠡᠯ ᠲᠠᠢ ᠬᠡᠷᠡᠭ ᠮᠡᠳᠦ ᠰᠠᠨᠠᠭᠳᠠᠵᠠᠢ᠃ ᠣᠨᠴᠠᠭᠠᠶᠢᠯᠠᠨ | ᠡᠨᠡ ᠬᠤᠶᠠᠭᠤᠯᠠ ᠦᠪᠡᠷ ᠤᠨ ᠸᠠᠩ ᠬᠠᠨ ᠰᠢᠨ ᠢᠶᠠᠨ ᠣᠷᠣᠯᠠᠬᠤ ᠦᠢᠯᠡ ᠶᠢ ᠬᠡᠳᠦᠨᠲᠡ ᠦᠢᠯᠡᠳᠦᠨ᠂ ᠪᠣᠭᠳᠠ ᠴᠠᠨ ᠢᠥᠢ ᠳᠤ ᠨᠢᠭᠡᠮᠦᠰᠦᠨ ᠢᠳᠡᠭᠡᠯ ᠦᠭᠡᠢ | ᠬᠦᠮᠦᠨ ᠢᠶᠠᠷ ᠦᠵᠡᠭᠳᠡᠭᠡᠳ ᠪᠠᠶᠢᠵᠠᠢ᠃ ᠬᠡᠷᠪᠡ ᠡᠨᠡ ᠬᠤᠶᠠᠭᠤᠯᠠ ᠳᠠᠯᠳᠠᠭᠤᠷ ᠬᠠᠨ ᠣᠯᠣᠰ ᠲᠠᠢ ᠬᠤᠯᠪᠣᠭᠠ ᠨᠡᠶᠢᠯᠡᠬᠦ ᠶᠤᠮ ᠪᠣᠯ ᠲᠣᠶᠢᠯ ᠤᠨ ᠠᠶᠣᠮᠰᠢᠭ ᠲᠠᠢ | ᠬᠡᠷᠡᠭ ᠪᠣᠯᠣᠨᠠ ᠭᠡᠵᠥ ᠰᠡᠵᠢᠭᠯᠡᠵᠥ ᠪᠠᠶᠢᠭᠰᠠᠨ ᠪᠣᠭᠳᠠ ᠴᠠᠨ ᠢᠥᠢ᠂ ᠦᠵᠢ ᠬᠠᠳᠣᠨ ᠠᠴᠠ ᠪᠠᠨ ᠢᠳᠬᠠᠯ ᠢᠷᠡᠮᠡᠭᠴᠡ ᠵᠠᠷᠯᠢᠭ ᠲᠠᠷᠬᠠᠭᠠᠨ᠂ ᠪᠦᠰᠡᠯᠡᠯᠲᠡ ᠶᠢᠨ | ᠵᠡᠭᠦᠨ ᠡᠮᠦᠨᠡ ᠦᠨᠴᠦᠭ ᠢ ᠲᠠᠶᠢᠯᠠᠵᠣ᠂ ᠬᠠᠨ ᠣᠯᠣᠰ ᠤᠨ ᠴᠡᠷᠢᠭ ᠢ ᠲᠠᠯᠪᠢᠨ ᠭᠠᠷᠭᠠᠭᠳᠣᠨ᠂ ᠬᠡᠷᠪᠡ ᠲᠠᠶᠢᠰᠣᠨ ᠡᠳᠡᠭᠡᠳ ᠰᠠᠮᠠᠭᠤᠷᠠᠨ ᠲᠣᠳᠠᠭᠠᠯᠳᠣᠪᠠᠯ | ᠪᠣᠷᠪᠢᠳᠡᠨ ᠲᠠᠷᠣᠵᠣ ᠲᠠᠰᠣ ᠬᠢᠷᠭᠠᠭᠳᠣᠨ᠂ ᠬᠡᠷᠪᠡ ᠲᠠᠶᠢᠰᠣᠨ ᠰᠠᠮᠠᠭᠤᠷᠠᠬᠤ ᠦᠭᠡᠢ ᠪᠣᠯ ᠮᠠᠨ ᠤ ᠬᠢᠨ ᠴᠦ ᠬᠦᠩᠭᠡᠨ ᠢᠶᠠᠷ ᠬᠦᠳᠡᠯᠵᠥ ᠪᠣᠯᠬᠤ ᠦᠭᠡᠢ ᠬᠡᠮᠡᠪᠡ᠃ | ᠬᠠᠨ ᠣᠯᠣᠰ ᠤᠨ ᠨᠣᠮᠣ ᠪᠠᠷᠢᠭᠰᠠᠨ ᠴᠡᠷᠢᠭ ᠬᠤᠶᠠᠷ ᠭᠠᠷᠯᠠᠨ ᠰᠣᠮᠣ ᠪᠠᠨ ᠭᠠᠳᠠᠭᠰᠢ ᠣᠨᠢᠯᠠᠨ ᠵᠢᠬᠰᠠᠭᠠᠵᠤ᠂ ᠲᠣᠮᠳᠠᠭᠤᠷ ᠨᠢ ᠬᠠᠭᠠᠨ ᠳᠦᠰᠢᠮᠡᠯ ᠣᠯᠠᠨ ᠵᠠᠩᠵᠣᠨ | ᠨᠡᠷ ᠨᠢ ᠭᠠᠳᠠᠭᠰᠢ ᠡᠮᠬᠢ ᠲᠠᠷᠠᠭᠠ ᠲᠠᠢ ᠴᠣᠪᠣᠷᠢᠯᠳᠣᠨ ᠭᠠᠷᠴᠠᠭᠠᠵᠠᠢ᠃ ᠢᠩᠭᠢᠵᠥ ᠪᠠᠢ ᠳ᠋ᠧᠩ ᠤᠨ ᠲᠠᠶᠢᠨ ᠡᠭᠦᠰᠴᠥ ᠴᠢᠳᠠᠭᠰᠠᠨ ᠦᠭᠡᠢ ᠲᠡᠭᠦᠰᠪᠡ᠂ ᠭᠡᠶᠡ | ᠪᠣᠭᠳᠠ ᠴᠠᠨ ᠢᠥᠢ ᠳᠤ ᠠᠪᠴᠣ ᠬᠡᠯᠡᠪᠡᠯ ᠨᠢᠭᠡ ᠴᠡᠷᠢᠭ ᠨᠢᠭᠡ ᠰᠣᠮᠣ ᠶᠢᠨ ᠬᠤᠷᠣᠭᠳᠠᠯ ᠦᠬᠡᠢ ᠪᠠᠷ ᠰᠢᠢᠳᠪᠦᠷᠢᠲᠥ ᠴᠢᠨᠠᠷ ᠲᠠᠢ ᠶᠡᠭᠡ ᠢᠯᠠᠯᠳᠠ ᠣᠯᠣᠭᠰᠠᠨ ᠨᠢ | ᠲᠡᠣᠬᠡᠨ ᠳᠤ ᠬᠠᠳᠠᠭᠳᠠᠭᠰᠠᠨ ᠪᠣᠳᠠᠳᠣ ᠬᠡᠷᠡᠭ ᠪᠣᠯᠵᠠᠢ᠃ | ᠯᠢᠥ ᠪᠠᠩ ᠪᠣᠴᠠᠬᠤ ᠵᠠᠮ ᠲᠠᠭᠠᠨ ᠣᠷᠣᠮᠠᠭᠴᠠ ᠪᠠᠨ ᠭᠢᠨᠳᠠᠨ ᠳᠤ ᠬᠤᠷᠢᠵᠣ ᠪᠠᠶᠢᠭᠰᠠᠨ ᠯᠸᠥ ᠵᠢᠩ ᠭᠡᠳᠡᠭ ᠳᠦᠰᠢᠮᠡᠯ ᠢᠶᠠᠨ ᠲᠠᠯᠪᠢᠨ ᠭᠠᠷᠭᠠᠵᠣ᠂ ᠲᠡᠭᠦᠨ | ᠳᠤ ᠪᠣᠷᠣᠭᠤ ᠮᠡᠳᠡᠨ᠂ ᠵᠡᠷᠭᠡ ᠶᠢ ᠰᠡᠷᠭᠦᠭᠡᠨ ᠭᠡᠷᠬᠢᠮ ᠨᠡᠮᠡᠵᠡᠢ᠃ ᠰᠢᠯᠳᠠᠭᠠᠨ ᠨᠢ ᠯᠢᠥ ᠪᠠᠩ ᠾᠦᠩᠨᠦ ᠴᠡᠷᠢᠭ ᠢ ᠨᠡᠬᠡᠮᠵᠢᠯᠡᠵᠥ ᠪᠠᠶᠢᠭᠠ ᠦᠶᠡ ᠳᠡᠭᠡᠨ ᠠᠷᠪᠠᠨ | ᠬᠡᠳᠦᠨᠲᠡ ᠡᠯᠴᠢ ᠢᠯᠡᠭᠡᠨ ᠾᠦᠩᠨᠦ ᠶᠢᠨ ᠪᠠᠶᠢᠳᠠᠯ ᠢ ᠲᠠᠩᠨᠠᠵᠣ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠡᠯᠴᠢᠨ ᠤ ᠲᠣᠲᠣᠷᠠᠬᠢ ᠨᠢᠭᠡ ᠨᠢ ᠲᠠᠷᠣᠢ ᠯᠸᠥ ᠵᠢᠩ ᠪᠠᠶᠢᠭᠰᠠᠨ ᠠᠵᠠᠢ᠃ | ᠲᠡᠭᠡᠭᠡᠳ ᠭᠠᠭᠴᠠ ᠯᠸᠥ ᠵᠢᠩ ᠤᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡ ᠨᠢ ᠪᠣᠰᠣᠳ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠵᠤ᠂ ᠲᠠᠬᠢᠨ ᠬᠦᠩᠭᠡᠨ ᠢᠶᠠᠷ ᠾᠦᠩᠨᠦ ᠴᠡᠷᠢᠭ ᠢ ᠨᠡᠬᠡᠮᠵᠢᠯᠡᠵᠥ | ᠪᠣᠯᠬᠤ ᠦᠭᠡᠢ᠂ ᠬᠤᠶᠠᠷ ᠣᠯᠣᠰ ᠬᠠᠷᠢᠯᠴᠠᠨ ᠲᠡᠮᠡᠴᠡᠯᠳᠦᠬᠦᠶᠡ ᠬᠡᠨ ᠠᠯᠢᠨ ᠴᠦ ᠦᠪᠡᠷ ᠤᠨ ᠬᠦᠴᠦᠷᠬᠡᠭ ᠢᠶᠠᠨ ᠭᠠᠶᠢᠬᠠᠭᠤᠯᠣᠨ ᠪᠠᠭᠠᠳᠣᠷ ᠢᠶᠠᠨ ᠦᠵᠡᠭᠦᠯᠦᠮᠦᠢ᠃ | ᠡᠳᠦᠬᠡ ᠳᠦᠰᠢᠮᠡᠯ ᠪᠢ ᠾᠦᠩᠨᠦ ᠳᠤ ᠬᠦᠷᠦᠭᠡᠳ ᠣᠯᠵᠤ ᠦᠵᠡᠭᠰᠡᠨ ᠢᠶᠠᠷ ᠪᠦᠷ ᠡᠴᠡᠩᠬᠡᠢ ᠲᠣᠷᠠᠩᠬᠠᠢ ᠡᠪᠦᠭᠡᠳ ᠬᠡᠣᠬᠡᠳ ᠪᠠᠶᠢᠵᠣ ᠵᠣᠷᠢᠭᠤᠳᠠ ᠦᠭᠡᠨᠴᠡ | ᠪᠠᠭᠤᠷᠠᠢ ᠪᠠᠨ ᠬᠠᠷᠠᠭᠤᠯᠵᠤ᠂ ᠰᠢᠯᠢᠳᠡᠭ ᠴᠢᠬᠢᠷᠠᠭ ᠢᠶᠠᠨ ᠨᠢᠭᠤᠵᠤ ᠪᠠᠶᠢᠭᠠ ᠮᠠᠶ᠋ᠢᠭᠲᠠᠢ᠃ ᠮᠣᠩᠬᠠᠭ ᠳᠦᠰᠢᠮᠡᠯ ᠤᠨ ᠪᠣᠳᠣᠬᠤ ᠪᠠᠷ ᠲᠠᠬᠢᠨ ᠣᠷᠣᠭᠰᠢ ᠲᠠᠶᠢᠰᠣᠨ ᠢ | ᠨᠡᠬᠡᠮᠵᠢᠯᠡᠪᠡᠰᠤ ᠶᠡᠭᠡ ᠠᠯᠳᠠᠰᠢ ᠭᠠᠷᠬᠤ ᠪᠣᠯᠭᠤᠵᠢ ᠬᠡᠮᠡᠨ ᠡᠵᠡᠨ ᠬᠠᠭᠠᠨ ᠢᠶᠠᠨ ᠬᠦᠴᠦᠯᠡᠨ ᠢᠳᠬᠠᠵᠠᠢ᠃ ᠭᠡᠲᠡᠯᠡ ᠯᠢᠥ ᠪᠠᠩ ᠶᠡᠬᠡᠯᠡ ᠬᠢᠯᠢᠩᠯᠡᠨ ᠴᠢᠮᠠ ᠮᠠᠭᠤ ᠴᠢ | ᠭᠠᠵᠠᠷ ᠤᠨ ᠬᠤᠯᠠᠭᠠᠢ᠂ ᠦᠭᠡ ᠬᠡᠯᠡᠨ ᠤ ᠰᠠᠶᠢᠨ ᠢᠶᠠᠷ ᠦᠴᠦᠬᠡᠨ ᠵᠡᠷᠭᠡ ᠣᠯᠣᠭᠠᠳ᠂ ᠡᠳᠦᠬᠡ ᠮᠢᠨᠦ ᠶᠡᠭᠡ ᠴᠡᠷᠢᠭ ᠤᠨ ᠰᠡᠳᠭᠢᠯ ᠢ ᠰᠠᠮᠠᠷᠠᠭᠤᠯᠬᠤ ᠰᠠᠨᠠᠭᠠ ᠲᠠᠢ | ᠦᠦ ᠬᠡᠮᠡᠨ ᠲᠡᠭᠦᠨ ᠢ ᠶᠠᠯᠠᠳᠠᠨ᠂ ᠲᠠᠶᠢᠨ ᠠᠴᠠ ᠪᠣᠴᠠᠵᠣ ᠢᠷᠡᠭᠰᠡᠭᠡᠷ ᠲᠣᠯᠣᠭᠠᠢ ᠶᠢ ᠴᠢᠨᠢ ᠠᠪᠣᠶᠠ ᠬᠡᠮᠡᠨ ᠬᠤᠷᠢᠵᠤ ᠪᠠᠶᠢᠭᠰᠠᠨ ᠠᠵᠠᠢ᠃ ᠯᠸᠥ ᠵᠢᠩ ᠣᠣᠯ ᠨᠢ ᠴᠢ | ᠭᠠᠵᠠᠷ ᠲᠠᠷᠣᠢ ᠱᠠᠨᠳᠥᠩ ᠤᠨ ᠬᠦᠮᠦᠨ ᠪᠠᠶᠢᠵᠠᠢ᠃ ᠡᠳᠦᠬᠡ ᠯᠸᠥ ᠵᠢᠩ ᠤᠨ ᠢᠳᠬᠠᠯ ᠪᠦᠷ ᠵᠦᠪ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠯᠢᠥ ᠪᠠᠩ ᠲᠡᠭᠦᠨ ᠢ ᠲᠠᠯᠪᠢᠨ ᠭᠠᠷᠭᠠᠵᠣ | ᠪᠣᠷᠣᠭᠤ ᠬᠦᠯᠢᠶᠡᠨ᠂ ᠮᠡᠭᠦᠰ ᠬᠦᠮᠦᠨ ᠭᠦᠩ ᠤᠨ ᠦᠭᠡ ᠶᠢ ᠠᠪᠣᠭᠰᠠᠨ ᠦᠭᠡᠢ ᠪᠣᠯᠬᠤᠷ ᠰᠠᠶ᠋ᠢ ᠫᠢᠩ ᠴᠧᠩ ᠤᠨ ᠵᠣᠪᠠᠯᠠᠩ ᠲᠤᠷ ᠣᠨᠠᠵᠣᠬᠤᠢ ᠬᠡᠮᠡᠨ ᠲᠡᠭᠦᠨ ᠢ | ᠬᠤᠶᠠᠷ ᠮᠢᠩᠭᠠᠨ ᠡᠷᠦᠬᠡ ᠪᠠᠷ ᠱᠠᠩᠨᠠᠨ ᠭᠤᠸᠠᠨ ᠨᠸᠢ ᠾᠸᠥ ᠬᠡᠷᠬᠢᠮ ᠢᠶᠠᠷ ᠡᠷᠭᠦᠮᠵᠢᠯᠡᠵᠡᠢ ᠭᠡᠳᠡᠭ ᠶᠤᠮ᠃ | ︽ᠰᠣᠳᠣᠷ ᠲᠡᠮᠳᠡᠭᠯᠡᠯ · ᠯᠢᠥ ᠵᠢᠩ ᠤᠨ ᠨᠠᠮᠳᠠᠷ︾ ᠲᠤ ᠦᠭᠦᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ᠂ ᠬᠠᠨ ᠣᠯᠣᠰ ᠪᠣᠭᠳᠠ ᠴᠠᠨ ᠢᠥᠢ ᠳᠤ ᠲᠡᠷᠡ ᠲᠣᠣᠷᠠ ᠪᠠᠨ ᠵᠢᠯ | ᠤᠨ ᠠᠯᠪᠠ ᠪᠠᠨ ᠪᠠᠷᠢᠵᠣ᠂ ᠭᠦᠩᠵᠥ ᠬᠡᠣᠬᠡᠨ ᠢᠶᠠᠨ ᠬᠦᠷᠭᠡᠵᠥ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯᠬᠤᠷ᠂ ᠪᠣᠭᠳᠠ ᠴᠠᠨ ᠢᠥᠢ ᠲᠠᠬᠢᠨ ᠲᠠᠪᠳᠠᠨ ᠴᠡᠷᠢᠭ ᠭᠠᠷᠴᠤ᠂ ᠬᠠᠨ | ᠣᠯᠣᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠣᠷᠣᠨ ᠢ ᠲᠣᠪᠳᠣᠯᠵᠤ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ᠂ ᠬᠠᠨ ᠣᠯᠣᠰ ᠠᠴᠠ ᠣᠷᠪᠠᠭᠰᠠᠨ ᠸᠠᠩ ᠾᠸᠥ ᠨᠡᠷ ᠤᠨ ᠬᠡᠳᠦᠨ ᠬᠦᠮᠦᠨ ᠢ | ᠠᠬᠤᠭᠤᠯᠣᠨ ᠠᠪᠴᠣ᠂ ᠯᠢᠥ ᠪᠠᠩ ᠳᠤ ᠰᠡᠳᠭᠢᠯ ᠤᠨ ᠵᠣᠪᠠᠯᠠᠩ ᠪᠣᠯᠵᠠᠢ᠃ ᠡᠶᠢᠮᠦ ᠪᠠᠶᠢᠳᠠᠯ ᠲᠣᠣᠷᠠ ᠯᠢᠥ ᠪᠠᠩ ᠲᠠᠬᠢᠨ ᠯᠸᠥ ᠵᠢᠩ ᠯᠤᠭᠠ ᠵᠦᠪᠯᠡᠭᠰᠡᠨ ᠳᠤ ᠯᠸᠥ | ᠵᠢᠩ ᠲᠡᠭᠦᠨ ᠳᠤ᠄ ︽ᠲᠡᠭᠷᠢ ᠶᠢᠨ ᠲᠣᠣᠷᠠᠬᠢᠨ ᠲᠦᠩᠭᠡᠵᠢ ᠲᠣᠭᠳᠠᠨᠢᠵᠤ᠂ ᠴᠡᠷᠢᠭ ᠪᠠᠭᠠᠳᠣᠷᠴᠣᠳ ᠨᠢᠭᠡᠮᠦᠰᠦᠨ ᠲᠠᠶᠢᠨ ᠳᠤ ᠵᠦᠳᠡᠵᠦᠬᠦᠢ᠃ ᠡᠶᠢᠮᠦ ᠠᠴᠠ | ᠾᠦᠩᠨᠦ ᠯᠤᠭᠠ ᠴᠡᠷᠢᠭ ᠤᠨ ᠬᠦᠴᠦ ᠪᠠᠷ ᠲᠡᠮᠡᠴᠡᠡᠬᠦ ᠨᠢ ᠰᠠᠶᠢᠨ ᠠᠷᠭᠠ ᠪᠢᠰᠢ᠂ ᠵᠦᠪᠬᠡᠨ ᠠᠷᠭᠠ ᠬᠡᠷᠡᠭᠯᠡᠨ ᠠᠭᠠᠵᠢᠮ ᠢᠶᠠᠷ ᠲᠡᠭᠦᠨ ᠤ ᠦᠷᠡ ᠬᠡᠣᠬᠡᠳ ᠢ ᠨᠢ | ᠳᠦᠰᠢᠮᠡᠯ ᠪᠣᠯᠭᠠᠨ ᠠᠪᠬᠤ ᠨᠢ ᠰᠠᠶ᠋ᠢ ᠬᠠᠮᠤᠭ ᠲᠡᠭᠡᠳᠦ ᠠᠷᠭᠠ ᠪᠣᠯᠣᠨᠠ᠃ ᠭᠡᠪᠡᠴᠦ ᠠᠶᠣᠬᠤ ᠨᠢ ᠡᠵᠡᠨ ᠬᠠᠭᠠᠨᠲᠠᠨ ᠮᠢᠨᠦ ᠠᠷᠭᠠ ᠳᠤ ᠲᠣᠷᠠ ᠦᠭᠡᠢ ᠪᠣᠯᠭᠤᠵᠢ | ᠬᠡᠮᠡᠨ ᠰᠠᠨᠠᠮᠣᠢ︾ ᠭᠡᠪᠡ᠃ ᠯᠢᠥ ᠪᠠᠩ᠄ ︽ᠪᠣᠯᠵᠤ ᠪᠦᠳᠦᠬᠦ ᠠᠷᠭᠠ ᠪᠣᠯ ᠶᠠᠭᠤᠨ ᠳᠤ ᠲᠣᠷᠠ ᠦᠭᠡᠢ ᠬᠡᠷᠡᠭ ᠪᠠᠶᠢᠮᠣᠢ︾ ᠬᠡᠮᠡᠭᠰᠡᠨ ᠳᠤ ᠯᠸᠥ ᠵᠢᠩ ᠦᠭᠦᠯᠡᠷᠦᠨ᠄ | ︽ᠲᠡᠶᠢᠮᠦ ᠪᠣᠯ ᠬᠠᠭᠠᠨᠲᠠᠨ ᠮᠢᠨᠢ ᠦᠨᠡᠬᠡᠷ ᠦᠪᠡᠷ ᠤᠨ ᠠᠬᠠᠮᠠᠳ ᠭᠦᠩᠵᠥ ᠪᠠᠨ ᠴᠠᠨ ᠢᠥᠢ ᠳᠤ ᠪᠣᠭᠳᠣᠯᠣᠨ᠂ ᠬᠦᠨᠳᠦ ᠵᠣᠵᠠᠭᠠᠨ ᠪᠡᠯᠡᠭ ᠲᠠᠢ ᠬᠠᠷᠢᠯᠠᠭᠤᠯᠪᠠᠰᠣ᠂ | ᠲᠡᠳᠡᠨᠡᠷ ᠬᠠᠨ ᠣᠯᠣᠰ ᠤᠨ ᠭᠦᠩᠵᠥ ᠶᠢᠨ ᠬᠦᠨᠳᠦ ᠪᠡᠯᠡᠭ ᠲᠤ ᠰᠡᠳᠭᠢᠯ ᠲᠠᠲᠠᠭᠳᠠᠨ ᠬᠤᠷᠭᠤᠳᠠᠵᠤ᠂ ᠭᠦᠩᠵᠥ ᠪᠠᠷ ᠦᠵᠢ ᠬᠠᠳᠣᠨ ᠪᠣᠯᠭᠠᠬᠤ ᠶᠤᠮ᠃ ᠬᠡᠷᠪᠡ | ᠭᠦᠩᠵᠥ ᠠᠴᠠ ᠬᠦᠪᠡᠭᠦᠨ ᠲᠦᠷᠦᠪᠡᠰᠥ ᠲᠠᠶᠢᠽᠢ ᠪᠣᠯᠭᠠᠬᠤ ᠨᠢ ᠯᠠᠪ ᠪᠣᠯᠠᠢ᠃ ᠢᠩᠭᠢᠪᠡᠯ ᠬᠤᠵᠢᠮ ᠤᠨ ᠴᠠᠨ ᠢᠥᠢ ᠨᠢ ᠬᠠᠭᠠᠨ ᠲᠠᠨ ᠤ ᠵᠢᠭᠡ ᠪᠣᠯᠣᠨᠠ᠃ ᠲᠡᠳᠡ | ᠬᠠᠨ ᠣᠯᠣᠰ ᠤᠨ ᠡᠳ᠋ ᠮᠦᠩᠭᠦᠨ ᠳᠤ ᠲᠣᠷᠠᠯᠠᠵᠣ᠂ ᠬᠠᠭᠠᠨᠲᠠᠨ ᠮᠢᠨᠢ ᠵᠢᠯ ᠪᠦᠷᠢ ᠡᠯᠳᠡᠪ ᠪᠠᠶᠠᠷ ᠲᠣᠷᠠᠰᠬᠠᠯ ᠲᠣᠬᠢᠶᠠᠯᠳᠣᠭᠤᠯᠣᠨ᠂ ᠡᠳ᠋ ᠮᠦᠩᠭᠦ ᠪᠠᠷ ᠱᠠᠩᠨᠠᠵᠣ | ᠯᠠ ᠪᠠᠶᠢᠪᠠᠯ ᠣᠳᠠᠯ ᠦᠭᠡᠢ ᠮᠠᠨ ᠳᠤ ᠨᠣᠭᠲᠣᠯᠣᠭᠳᠠᠮᠣᠢ᠃ ᠪᠣᠭᠳᠠ ᠴᠠᠨ ᠢᠥᠢ ᠠᠮᠢᠳᠣ ᠠᠪᠠᠰᠣ᠂ ᠬᠠᠭᠠᠨ ᠲᠠᠨ ᠤ ᠬᠦᠷᠭᠡᠨ ᠪᠣᠯᠠᠢ᠂ ᠦᠬᠦᠪᠡᠴᠥ ᠬᠠᠭᠠᠨᠲᠠᠨ ᠤ | ᠵᠢᠭᠡ ᠨᠠᠷ ᠴᠠᠨ ᠢᠥᠢ ᠪᠣᠯᠣᠮᠣᠢ᠃ ᠬᠡᠵᠢᠶᠡ ᠵᠢᠭᠡ ᠨᠡᠷ ᠨᠢ ᠨᠠᠭᠠᠴᠣ ᠡᠪᠦᠭᠡ ᠲᠠᠢ ᠪᠠᠨ ᠶᠣᠰᠣᠨ ᠠᠴᠠ ᠭᠠᠳᠠᠭᠤᠷ ᠲᠡᠮᠡᠴᠡᠯᠳᠦᠵᠥ ᠪᠠᠶᠢᠭᠰᠠᠨ ᠬᠡᠷᠡᠭ ᠪᠠᠶᠢᠮᠣᠢ᠃ | ᠬᠡᠷᠪᠡ ᠡᠵᠡᠨ ᠮᠢᠨᠢ ᠦᠪᠡᠷ ᠤᠨ ᠠᠬᠠᠮᠠᠳ ᠭᠦᠩᠵᠥ ᠪᠠᠨ ᠬᠦᠷᠭᠡᠬᠦ ᠲᠣᠷᠠ ᠦᠭᠡᠢ ᠪᠣᠯ ᠲᠦᠷᠦᠯ ᠭᠡᠷ ᠤᠨ ᠬᠡᠣᠬᠡᠨ ᠢ ᠭᠦᠩᠵᠥ ᠡᠷᠭᠦᠬᠦ ᠪᠣᠶᠤ ᠣᠷᠳᠣᠨ ᠤ ᠬᠡᠣᠬᠡᠨ | ᠢ ᠬᠠᠭᠤᠷᠮᠠᠭᠯᠠᠨ ᠭᠦᠩᠵᠥ ᠬᠡᠮᠡᠨ ᠬᠦᠷᠭᠡᠪᠡᠯ᠂ ᠲᠡᠳᠡ ᠬᠤᠵᠢᠮ ᠮᠡᠳᠡᠭᠰᠡᠨ ᠴᠦ ᠨᠢᠭᠡᠨᠲᠡ ᠬᠡᠷᠡᠭ ᠦᠭᠡᠢ ᠪᠣᠯᠣᠮᠣᠢ︾ ᠬᠡᠮᠡᠪᠡ᠃ ᠭᠤᠣ ᠳ᠋ᠢ ᠬᠠᠭᠠᠨ ᠰᠣᠨᠣᠰᠣᠭᠠᠳ | ᠮᠠᠰᠢ ᠰᠠᠶᠢᠨ ᠬᠡᠮᠡᠨ ᠰᠠᠶᠢᠰᠢᠶᠠᠨ ᠦᠪᠡᠷ ᠤᠨ ᠠᠬᠠᠮᠠᠳ ᠭᠦᠩᠵᠥ ᠪᠠᠨ ᠬᠦᠷᠭᠡᠬᠦ ᠪᠠᠷ ᠪᠣᠯᠵᠠᠢ᠃ ᠭᠡᠳᠡᠯᠡ ᠯᠢᠥᠢ ᠾᠸᠥ ᠬᠠᠳᠣᠨ ᠦᠪᠡᠷ ᠤᠨ ᠲᠦᠷᠦᠭᠰᠡᠨ ᠬᠡᠣᠬᠡᠨ | ᠢᠶᠠᠨ ᠾᠦᠩᠨᠦ ᠳᠤ ᠬᠦᠷᠭᠡᠬᠦ ᠲᠣᠷᠠ ᠦᠭᠡᠢ ᠡᠳᠦᠷᠵᠢᠨ ᠰᠦᠨᠢᠵᠢᠨ ᠣᠬᠢᠯᠠᠵᠣ ᠣᠨᠵᠢᠭᠠᠳ ᠪᠠᠶᠢᠬᠤᠯᠠᠷ ᠯᠢᠥ ᠪᠠᠩ ᠠᠷᠭᠠ ᠪᠣᠰᠣ ᠭᠡᠷ ᠤᠨ ᠬᠦᠮᠦᠰ ᠤᠨ ᠬᠡᠣᠬᠡᠨ ᠢ | ᠠᠬᠠᠮᠠᠳ ᠬᠦᠩᠵᠥ ᠬᠡᠮᠡᠨ ᠬᠠᠭᠤᠷᠮᠠᠭᠯᠠᠨ ᠡᠷᠭᠦᠮᠵᠢᠯᠡᠵᠥ ᠴᠠᠨ ᠢᠥᠢ ᠳᠤ ᠬᠠᠳᠣᠨ ᠪᠣᠯᠭᠠᠨ ᠬᠦᠷᠭᠡᠬᠦ ᠪᠠᠷ ᠯᠸᠥ ᠵᠢᠩ ᠢ ᠲᠣᠮᠢᠯᠠᠨ᠂ ᠣᠷᠣᠭᠴᠠᠨ ᠡᠪᠰᠡᠬᠦ | ᠪᠣᠯᠵᠤᠭᠠ ᠶᠢ ᠲᠣᠭᠳᠠᠭᠠᠪᠠ ᠭᠡᠵᠡᠢ᠃ | ᠢᠩᠭᠢᠭᠡᠳ ᠬᠠᠨ ᠣᠯᠣᠰ ᠪᠣᠯᠣᠨ ᠾᠦᠩᠨᠦ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠡᠶᠡᠯᠳᠦᠨ᠂ ᠯᠸᠥ ᠵᠢᠩ ᠡᠨᠡᠬᠦ ᠭᠠᠪᠢᠶᠠ ᠪᠠᠷ ᠢᠶᠠᠨ ᠬᠠᠭᠠᠨ ᠣᠪᠣᠭ ᠢᠶᠠᠷ ᠱᠠᠩᠨᠠᠭᠳᠠᠨ | ᠯᠢᠥ ᠵᠢᠩ ᠨᠡᠷᠡ ᠲᠠᠢ ᠪᠣᠯᠣᠭᠰᠠᠨ ᠭᠡᠳᠡᠭ᠃ ᠡᠶᠢᠮᠦᠷᠬᠦ ᠵᠢᠯ ᠪᠦᠷᠢ ᠠᠯᠪᠠ ᠪᠠᠷᠢᠬᠤ᠂ ᠭᠦᠩᠵᠥ ᠬᠡᠣᠬᠡᠨ ᠢᠶᠠᠨ ᠬᠦᠷᠭᠡᠬᠦ ᠭᠠᠳᠠᠭᠠᠳᠣ ᠬᠠᠷᠢᠯᠴᠠᠭᠠ ᠶᠢ ᠬᠠᠨ ᠣᠯᠣᠰ | ᠤᠨ ᠲᠡᠣᠬᠡᠴᠢᠳ ᠪᠣᠯ ︽ᠡᠪᠰᠡᠬᠦ ᠣᠷᠤᠭ︾ ᠬᠡᠮᠡᠨ ᠭᠤᠶᠣᠯᠠᠨ ᠨᠡᠷᠡᠶᠢᠳᠦᠬᠦ ᠪᠣᠯᠪᠠ᠃ ᠭᠡᠪᠡᠴᠦ ᠬᠠᠨ ᠣᠯᠣᠰ ᠯᠢᠥ ᠪᠠᠩ ᠠᠴᠠ ᠬᠤᠵᠢᠮ᠂ ᠵᠢᠯ ᠤᠨ ᠠᠯᠪᠠ ᠪᠠᠨ | ᠵᠢᠯ ᠪᠦᠷᠢ ᠬᠦᠷᠭᠡᠵᠥ ᠪᠠᠶᠢᠭᠰᠠᠨ ᠦᠭᠡᠢ ᠪᠣᠯᠣᠯᠳᠠᠢ᠂ ᠵᠦᠪᠬᠡᠨ ᠾᠦᠩᠨᠦ ᠶᠢᠨ ᠴᠠᠨ ᠢᠥᠢ ᠨᠡᠷ ᠨᠢ ᠰᠣᠯᠢᠭᠳᠠᠬᠤ ᠦᠶᠡ ᠳᠤ ᠭᠦᠩᠵᠥ ᠬᠦᠷᠭᠡᠵᠥ ᠠᠮᠠ ᠪᠦᠭᠯᠡᠵᠥ | ᠪᠠᠶᠢᠭᠰᠠᠨ ᠲᠦᠯᠦᠪᠳᠡᠢ᠂ ᠡᠰᠡᠬᠦᠯᠡ ᠴᠡᠷᠢᠭ ᠲᠠᠶᠢᠨ ᠳᠤ ᠰᠢᠬᠠᠮᠳᠠᠭᠳᠠᠪᠠᠯ ᠰᠠᠶ᠋ᠢ ᠠᠯᠪᠠ ᠪᠠᠷᠢᠳᠠᠭ ᠪᠠᠶᠢᠵᠠᠢ᠃ ᠣᠨᠴᠠᠠᠭᠠᠶᠢᠯᠠᠨ ᠬᠠᠨ ᠡᠣ ᠳ᠋ᠢ ᠬᠠᠭᠠᠨ ᠤ ᠲᠣᠮᠳᠠ | ᠰᠡᠬᠦᠯᠴᠢ ᠶᠢᠨ ᠦᠶᠡ ᠳᠤ ᠬᠠᠨ ᠣᠯᠣᠰ ᠴᠡᠷᠢᠭ ᠲᠠᠶᠢᠨ ᠤ ᠲᠠᠪᠠᠭᠤ ᠪᠠᠶᠢᠷᠢᠨ ᠳᠤ ᠣᠷᠣᠮᠣᠭᠴᠠ ᠪᠠᠨ ᠠᠯᠪᠠ ᠪᠠᠷᠢᠬᠤ ᠪᠠᠨ ᠵᠣᠭᠰᠣᠵᠤ᠂ ᠭᠡᠳᠡᠷᠭᠡᠨ | ᠾᠦᠩᠨᠦᠴᠦᠳ ᠢ ᠳᠦᠰᠢᠮᠡᠯ ᠪᠣᠯᠳᠣᠭᠠᠢ ᠬᠡᠮᠡᠨ ᠱᠠᠭᠠᠷᠳᠠᠬᠤ ᠪᠣᠯᠵᠠᠢ᠃ ᠬᠢᠲᠠᠳ ᠲᠦᠷᠦ ᠳᠤ ᠠᠪᠴᠣ ᠬᠡᠯᠡᠪᠡᠯ ᠡᠨᠡ ᠪᠣᠯ ᠨᠢᠭᠡᠨ ᠴᠠᠭ ᠠᠷᠭᠠᠴᠠᠬᠤ ᠠᠷᠭᠠ | ᠬᠡᠮᠵᠢᠶᠡ ᠪᠠᠶᠢᠵᠤ᠂ ᠵᠦᠪᠬᠡᠨ ᠨᠢᠭᠡᠨ ᠣᠯᠣᠰ ᠲᠦᠷᠦ ᠶᠢᠨ ᠣᠷᠤᠭ ᠢᠶᠠᠷ ᠦᠵᠡᠵᠥ᠂ ᠲᠡᠭᠦᠨ ᠢ ᠠᠰᠢᠭᠯᠠᠨ ᠦᠪᠡᠷ ᠤᠨ ᠠᠰᠢᠭᠳᠠᠢ ᠪᠠᠶᠢᠷᠢ ᠰᠠᠭᠤᠷᠢ ᠪᠠᠨ | ᠰᠡᠷᠭᠦᠭᠡᠨ ᠪᠠᠳᠣᠳᠬᠠᠵᠣ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠡᠶᠢᠮᠦᠷᠬᠦ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠬᠤᠵᠢᠮ ᠤᠨ ᠬᠢᠲᠠᠳ ᠲᠦᠷᠦ ᠴᠦ ᠨᠡᠶᠢᠳᠡᠮ ᠬᠡᠷᠡᠭᠯᠡᠬᠦ ᠪᠣᠯᠵᠠᠢ᠃ | ᠠᠳᠡ ᠠᠩᠬᠠᠷᠬᠤ ᠨᠢ᠂ ᠯᠸᠥ ᠵᠢᠩ ᠤᠨ ᠬᠡᠯᠡᠭᠰᠡᠨ ᠮᠡᠳᠦ ᠪᠠᠷ ᠭᠦᠩᠵᠥ ᠨᠢ ᠾᠦᠩᠨᠦ ᠳᠤ ᠢᠷᠡᠪᠡᠯ ᠦᠵᠢ ᠬᠠᠳᠣᠨ ᠪᠣᠯᠬᠤ᠂ ᠭᠦᠩᠵᠥ ᠠᠴᠠ ᠬᠦᠪᠡᠭᠦᠨ | ᠲᠦᠷᠦᠪᠡᠰᠦ ᠲᠠᠶᠢᠽᠢ ᠪᠣᠯᠭᠠᠬᠤ ᠴᠢᠨᠠᠭᠰᠢᠯᠠᠪᠠᠯ ᠬᠤᠵᠢᠮ ᠤᠨ ᠴᠠᠨ ᠢᠥᠢ ᠪᠣᠯᠬᠤ ᠵᠡᠷᠭᠡ ᠬᠡᠯᠡᠯᠭᠡ ᠪᠣᠯ ᠪᠦᠷ ᠨᠢᠭᠡᠨ ᠯᠠ ᠲᠠᠯᠠ ᠶᠢᠨ ᠦᠭᠡ ᠲᠡᠳᠦᠢ ᠶᠤᠮ᠃ | ᠲᠣᠬᠠᠢ ᠶᠢᠨ ᠦᠶᠡ ᠶᠢ ᠪᠠᠶᠢᠳᠣᠭᠠᠢ ᠡᠳᠦᠬᠡ ᠴᠠᠭ ᠲᠤ ᠢᠷᠡᠭᠡᠳ ᠣᠯᠠᠩᠬᠢ ᠬᠦᠮᠦᠰ ᠾᠦᠩᠨᠦ ᠶᠢᠨ ᠰᠣᠶᠤᠯ ᠪᠠ ᠲᠠᠳᠬᠠᠯ ᠵᠣᠷᠰᠢᠯ ᠢ ᠣᠶᠢᠯᠭᠠᠬᠤ ᠦᠭᠡᠢ | ᠪᠣᠯᠬᠤᠷ ᠦᠪᠡᠷ ᠤᠨ ᠬᠢᠲᠠᠳ ᠰᠣᠶᠣᠯ ᠢᠶᠠᠷ ᠢᠶᠠᠨ ᠬᠡᠮᠵᠢᠶᠡᠯᠡᠨ ᠦᠭᠦᠯᠡᠯᠴᠡᠬᠦ ᠬᠦᠮᠦᠨ ᠲᠣᠩ ᠣᠯᠠᠨ ᠪᠠᠶᠢᠳᠠᠭ᠃ ᠴᠠᠨ ᠢᠥᠢ ᠳᠤ ᠮᠣᠷᠳᠠᠭᠰᠠᠨ ᠬᠢᠲᠠᠳ ᠦᠵᠢ | ᠬᠠᠳᠣᠨ ᠠᠴᠠ ᠲᠦᠷᠦᠭᠰᠡᠨ ᠬᠦᠪᠡᠭᠦᠳ ᠪᠦᠷ ᠲᠡᠶᠢᠮᠦ ᠠᠮᠠᠷᠬᠠᠨ ᠲᠠᠶᠢᠽᠢ ᠪᠣᠯᠵᠤ ᠴᠠᠨ ᠢᠥᠢ ᠰᠠᠭᠤᠬᠤ ᠪᠣᠯᠣᠯᠴᠠᠭᠠ ᠪᠠᠶᠢᠬᠤ ᠦᠭᠡᠢ᠂ ᠾᠦᠩᠨᠦ ᠳᠤ ᠮᠦᠨ | ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ ᠬᠠᠳᠠᠭᠤ ᠴᠢᠩᠭᠠ ᠲᠢᠭᠯᠢᠮ ᠵᠠᠶ᠋ᠢᠭ ᠲᠠᠢ ᠪᠣᠯᠬᠤᠷ ᠬᠠᠭᠠᠨ ᠡᠵᠡᠳ ᠴᠦ ᠡᠪᠳᠡᠵᠥ ᠪᠣᠯᠬᠤ ᠦᠭᠡᠢ ᠶᠤᠰᠣ ᠵᠢᠷᠣᠮ ᠲᠠᠢ ᠪᠠᠶᠢᠵᠠᠢ᠃ | ᠵᠢᠱᠢᠶᠡᠯᠡᠪᠡᠯ ᠸᠠᠩ ᠵᠣᠣ ᠵᠢᠶᠦ᠋ᠨ ᠮᠡᠳᠦ ᠨᠡᠷᠡ ᠬᠦᠨᠳᠦᠳᠡᠢ ᠨᠢᠩ ᠬᠣ᠋ ᠦᠵᠢ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠬᠠᠳᠣᠨ ᠠᠴᠠ ᠲᠦᠷᠦᠭᠰᠡᠨ ᠡᠶᠡ ᠲᠣᠲᠣᠳᠬᠠᠭᠴᠢ ᠨᠡᠷᠡ ᠲᠠᠢ | ᠬᠠᠨ ᠬᠦᠪᠡᠭᠦᠨ ᠴᠦ ᠴᠠᠨ ᠢᠥᠢ ᠪᠣᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠶᠤᠮ᠃ ᠬᠢᠲᠠᠳ ᠲᠡᠣᠬᠡᠴᠢᠳ ᠬᠢᠲᠠᠳ ᠰᠣᠶᠣᠯ ᠢᠶᠠᠷ ᠢᠶᠠᠨ ᠬᠡᠮᠵᠢᠨ ᠬᠡᠯᠡᠯᠴᠡᠬᠦ ᠨᠢ ᠲᠡᠳᠡᠨᠡᠷ ᠤᠨ | ᠰᠣᠶᠣᠯ ᠤᠨ ᠬᠢᠵᠠᠭᠠᠷᠳᠠᠮᠠᠯ ᠲᠠᠯᠠ ᠶᠢ ᠯᠠ ᠬᠠᠷᠠᠭᠤᠯᠵᠤ ᠪᠠᠶᠢᠭᠠ ᠬᠡᠷᠡᠭ ᠲᠡᠳᠦᠢ ᠶᠤᠮ᠃ |